Land confiscate in Arakan!!!!

Focus!!!!

ဆုံရပ်

ကိုယ့်စိတ်ကူးထဲမှာတော့
အေချင့်စွာ
ဘုရားသတ်ပါစီ
မဟာနန်းတော်ကြီးပါယေ ----

ယကေလေ့
တရံလူအမြင်မှာ
ဖျာကာထားယှောင်ဆိုပါကေ ----

မတူရေ စက္ခုတိ
အမြင်ညှိလို့ ရအောင်
အလင်းတန်းဆုံရပ်တခု
ဂု လိုအပ်နီပါရေ ----။

Sea and Salt

ပင်လယ်ဇာကြောင့် ဆားငံလဲ????

ဟိုးအရင်ခေါက်က ရွာတရွာမှာ ထင်းခြွီသမ တယောက်ဟိရေလတ်၊ ယင်းလူစွာ နိန့် တိုင်းနိန့် တိုင်း တောထဲကိုဝင်ပနာ အပင်ကြီးတိကို ခွပ်တေ၊ ခွပ်လို့ ရရေအပင်တိကို မသွီးဖုတ်တေ၊ ရလာရေ မသွီးတိကိုရောင်းပနာ အ သက်မွီးဝမ်းကျောင်းပြုပါရေလတ်။ ယင်းပိုင်နန့်  တရက်နိခါ အပင်ကြီးတပင်ကို ခွပ်နီရေအချိန်မှာ ယင်းအပင်ကို စောင့်ရေ အပင်စောင့်နတ်က ကဂေါင်းမာန်ပါပနာ ထွက်လာပြီးကေ ယင်းထင်းခြွီသမကို `အဝေး မင်းအစွာ ဖြစ်လို့ ငါ့အိမ်ကို ဖျက်နီစွာရောင်၊ မင်းမှာ ငါ့အိမ်ကို အဂုပိုင်ဖျက်ဆီးဖို့ အခွင့်အာဏာမဟိ။ မင်းဒေအပင်ကိုခွပ် လို့ ဖေ့သာရလား? ဆိုပြီးကေ မီးလီပါရေ။ ယေခါ ထင်းခွပ်သမက `ဟုတ်ပါရေ အသျှင်နတ်မင်း၊ အကျွန်က အ ပင်တိကို ခွပ်ပနာမသွီးဖုတ်ပါရေ၊ ယင်းမသွီးကိုရောင်းလို့ ရရေ ဖေ့သာနန့်  အသက်မွီးဝမ်းကျောင်းပြုပါရေ` ဆို ပြီးကေ ဖြေပါရေလတ်။ ယေခါ သစ်ပင်စောင့်နတ်က `မင်းဒေအလုပ်လုပ်လို့  ဖေ့သာဇာလောက်ရလဲ ယပြီး ကေ ယင်းဖေ့သာတိနန့် ကား မင်း ဇာဇာဝယ်ရေလဲ`ဆိုပြီးကေ မီးပါရေ။
ယေခါ ထင်းခြွီသမက အကျွန်ဖုတ်လို့ ရရေမသွီးနန့် ဆန်စိချေနန့် ဖပါရေ။ ယင်းရရေဆန်က အကျွန်ရို့ လင့်မယားအတွက်လလုံလလောက် စားလို့ ရပါရေ။ကျန်စွာကို ဒါဒေါင်တိလည်းဆပ်တေ၊ ပြန်ပြီးကေလည်း ချီးငှါးပါရေ လို့ ဖြေပါရေလတ်။
ယေခါ အပင်စောင့် နတ်က မင်းဒေလောက် ဆန်တဖဲ့ချေနန့် ဇာပိုင်လုပ်လဲ? ဆိုပြီးကေ မီးပါရေ။ ထင်းခြွီသမ ပြန်ဖြေစွာက `ရလာရေဆန်ကိုချက်ပနာ အကျွန်ရို့ လင်မယားနှစ်ယောက် စားပါရေ၊ ယပြီးကေ အကျွန့် အမိ လည်းသော့ အကျွန်ရို့ နန့် တတူတူစားကတ်ပါရေ။ ယင်းချင့်ကတော့ခါ အကျွန်ရို့ အချေခါ အမိက အကျွန်ရို့ တိကို ကျွေးခရေ ထမင်းဒါဒေါင်တိကို ပြန်ဆပ်စွာပါ။ ယပြီးကေ အကျွန်ရို့ အချေ(၂)ယောက်လည်း အကျွန်ရို့ နန့် တတူတူ ထမင်းစားကတ်ပါရေ။ ယင်းချင့်ကတော့ အကျွန်ရို့ အသက်ကြီးလာခါ သူရို့ ပါးမှာတလှည့်ပြန်စားရဖို့ ဖြစ်လို့  ချီးထားရေသဖောဖြစ်ပါရေ `လို့ ယှင်းပြလိုက်ပါရေလတ်။

ယေခါ သစ်ပင်စောင့် နတ်ကြီးက `အော် ---- မင်းဘ၀ကလည်း ကဂေါင်းဆင်းရဲရေမလားယေ` ဆိုပနာ ငါ မင်း ကို ပုလင်းချေတလုံးပီးလိုက်မယ်၊ အိမ်ပြန်ခါ ယင်းချင့်ကို အိမ်ကိုယူလီ၊ မင်းတခုခုကို စိတ်မှာလိုချင်ရေခါ ယင်းပု လင်းချေကိုပြောပြီးကေ တောင်းလီ၊ မင်းလိုချင်စွာကို ရလိမ့်မေ။ ယကေလေ့ မင်းလိုချင်စွာကိုရပြီးစွာနန့်  `တန့် ဖိ`လို့ ပြောဖို့ စွာကို မမိစီကဲ့။ မင်း ယင်းပိုင်ရာ `တန့် ဖိ`လို့ မပြောခကေ မင်းအတွက်အသက်အန္တရာယ် တောင်ဟိနိုင်ရေ `ဆိုပြီးကေလည်း သတိပီးလိုက်ပါရေလတ်။

ထင်းခြွီသမရေ အိမ်ပြန်လားခပြီးကေ ယင်းပုလင်းချေပါးမှာ သူအလိုဟိသမျှ ဆန်နန့် ဆားကို နိစိုင် နိစိုင်တောင်းယူပါရေလတ်။ ယင်းပိုင်တောင်းယူပြီးတိုင်းလည်း သစ်ပင်စောင့်နတ်မင်းကြီးမှာလိုက်တေအတိုင်း `တန့် ဖိ`လို့ လည်း အမြဲတမ်းပြောပါရေလတ်။ ယင်းဇုနန့် ထင်းခြွီသမရေ ကိုယ်လိုချင်စွာဟူသမျှကို လိုချင်ရေ အချိန်မှာရနီရေအတွက်ကြောင့် ကိုယ်တိုင်စားဖို့ သောက်ဖို့ စွာကို ပူပင်စရာမလိုတင်မက အိမ်နားပါတ်ဝန်းကျင် ကအိမ်တိကိုလည်း ရောင်းစားနိုင်လို့  စီးပွါးတက်လာပနာ အိမ်ကြီးယာသန်အသစ်တိကိုလည်း ဆောက်လာနိုင် ပါရေလတ်။

ယင်းခါ သူ့ အိမ်နားမှာ ဆိုင်သေတယောက်ဟိပါရေလတ်၊ ယင်းဆိုင်သေစွာ ထင်းခြွီသမနန့် တခြားအိမ်နားပါတ်ဝန်းကျင်ကလူတိ သူ့ ဆိုင်မှာ ဆန်တိ၊ ဆားတိမ၀ယ်ကတ်စွာကို သတိပြုမိလာပါရေ၊ ယပြီးကေ ထင်းခြွီသမက လည်း အိမ်ကြီးယာသန်တိဆောက်စွာကို သတိပြုမိလာရေခါ ဒေသူဇာဖြစ်လို့  ဂုပိုင်ချက်ချင်းပြောင်းလဲလာလဲ ဆိုစွာကို စိုင်းစားမိပါရေလတ်။ နောက်ဆုံးမှာ ယင်းဆိုင်သေက ထင်းခြွီသမမှာ ပုလင်းချေတလုံးဟိစွာကို သိလားပနာ ယင်းပုလင်းချေကိုရအောင်ခိုးဖို့ ဆိုပြီးကေလည်း ဆုံးဖြတ်လိုက်ပါရေလတ်။

ဆိုင်သေရေ ကုန်ရောင်းကုန်ဝယ်ကိစ္စတိနန့်  တခါတရီ တခြားတိုင်းပြည်တိကိုလည်း ခရီးလားကျင့် ဟိပါရေ လတ်။ ယင်းပိုင်လားယင်းနန့်  တခေါက်မှာတော့ ကြောင်ချေတကောင် ရလာလတ်ပါရေ။ ယင်းကြောင်ချေကို အသုံးပြုပနာ ထင်းခြွီသမပါးက ပုလင်းချေကို ရယောင်ခိုးယူလီပါရေလတ်။ ပုလင်းချေကိုခိုးပနာ လောင်းချေတ စီးနန့် ပင်လယ်ပြင်မှာ အယင်လားနီကျအတိုင်းတခြားတိုင်းပြည်တိကို ခရီးလားလီပါရေ။ ဆိုင်သေရေ လား ယင်းလာယင်း တခြားတိုင်းပြည်တိကိုရောက်တေအချိန်မှာ ရောင်းဖို့ စိတ်ကူးနန့်  ပုလင်းချေကို ဆားတိအ များကြီးထုတ်ပီးဖို့ ပြောလိုက်ပါရေ။

ဆိုင်သေပြောရေအတိုင်း ပုလင်းချေကလည်းဆားတိကို ထုတ်ပီးလီပါရေ။ ယင်းပိုင် ဆားတိကို အဆက်မပြတ် ထုတ်ပီးနီယင်း တနားကြာရေခါ လောင်းထဲမှာဆားတိပြည့်လာပါရေလတ်။ ဇာအတွက်လည်းဆိုကေ ဆိုင်သေ ရေ`တန့် ဖိ`ဆိုရေစကားကို မသင်ခရပါ။ နောက်ဆုံးမှာတော့ ယင်းလောင်းချေစွာ ဆားအလီးကိုမခံနိုင်လို့  ပင် လယ်ထဲမှာ မြုပ်လားခပါရေလတ်။ ယင်းပုလင်းချေလည်း လောင်းမြုပ်စွာမှာ တတူတူပါလားခပြီးကေ ပင်လယ် ကြမ်းပြင်မှာ ဂနိထက်ထိ ယင်းဆားတိကိုထုတ်ပီးနီလီပါရေလတ် ----။

အေနီရာမှာ နော်ဝေးလူမျိုးတိကတော့ သူရို့ ဝထုတပုဒ် အစမှာ Det var en gang ဆိုပြီးကေ စပနာ ဆုံးရေခါ “---- og snipp, snapp, snute sa er eventyret ute” လို့ ပြောကတ်ပါရေ။

P. Chr. Asbjornsen နန့် Jorgen Moe ရို့ ရွီးခရေ နော်ဝေး၀ထုကို ရခိုင်ပိုင် ပြန်ထားစွာပါ။ အားလုံး ပျော်ရွှင်နိုင်ကတ်ပါစီ။ ။

Salad Bowl!!!!

စွပ်ပြုပ်ယိုင်ကျေးမှု

အေတခါ ယိုင်ကျေးမှုနန့် ပါတ်သက်လို့  အမေရိကန်ယိုင်ကျေးမှုဖက်ကို တချက်ချေ မျက်စောင်းထိုးကြည့်လိုက် ကတ်ပါမယ်။ အမေရိကန်နိုင်ငံ၏ နောက်ခံသမိုင်းကြောင်းကို အနည်းနန့် အများဆိုပိုင် အားလုံးသိထားကတ် စွာဖြစ်လို့  အများကြီးမရွီးပါယာ၊ ဂနိ အမေရိကန်လူမှုအဖွဲ့ အစည်း တနည်းအားဖြင့်ယိုင်ကျေးမှုကို salad bowl (သို့ ) pizza ဆိုပြီးကေ ခေါ်ဝေါ်ပြောဆိုနီကတ်ပါရေ။ ရခိုင်ပိုင်ဒါရိုက်ပြန်ပြောဖို့ ဆိုပါကေ စွပ်ပြုတ် ယိုင်ကျေးမှု လို့ ခေါ်ကေအသင့်တော်ဆုံးဖြစ်ဖို့ ထင်ပါရေ။ လူကြီးလူကောင်းပိုင်၊ သိမ်သိမ်မွိမွိပြောဖို့ ဆိုကေတော့ မျူလတီ ကာလ်ချာ(Multi culture) လို့ ပြောရဖို့ ထင်ပါရေ။ ဇာကြောင့် ယင်းစွပ်ပြုတ်ယိုင်ကျေးမှု ဖြစ်လာရလဲဆိုပါကေ အမေရိကန်ပြည်ထောင်စုသို့  ကမ္ဘာအရပ်ရပ်ကလူတိ စတင်အခြီချနီထိုင်လာကတ်စွာက အရင်းခံအကြောင်း တရားပါ။

ယင်းပိုင်ရောက်လာကတ်တေအထဲမှာ အာဖရိကတိုက်က လူကျွန်တိ၊ ဥရောပတိုက်က အငတ်ဘေးကြောင့် ပြောင်းရွှိအခြီချနီထိုင်လာရေလူတိ၊ တောင်အမေရိကတိုက်က နိစိုင်နန့် အမျှခိုးဝင်နီကတ်တေလူတိ၊ အာရှ တိုက်က စစ်ဘေးစစ်ဒါဏ်ကြောင့် ရောက်ဟိလာရေလူတိလည်း ရွီတွက်လို့ မကုန်ဟိပါရေ။ ယင်းပိုင် ကမ္ဘာ့နီရာ အသီးသီးက ရောက်ဟိအခြီချနီထိုင်လာကတ်တေလူတိစွာ အချိန်အတိုင်းအတာ ကာလတခုအတွင်းမှာ စွပ် ပြုပ်ယိုင်ကျေးမှုထဲကို တနည်းတဖုံသွတ်သွင်းစွာကို ခံလိုက်ကတ်ရပါရေ။

စွပ်ပြုတ်ယိုင်ကျေးမှုဆိုစွာ ဇာလဲဆိုစွာကို ရခိုင်လူမျိုးတိနန့် အနီးစပ်ဆုံးဥပမာတခုကိုပီးဖို့  ကျနော်စိုင်းစား ကြည့်ရေခါ မုန့် တီကိုလားပြီးကေ မျက်စိမှာ မြင်မိပါရေ။ ဇာကြောင့်လဲဆိုပါကေ ပထမအချက်က စွပ်ပြုတ်စွာ လည်း အရည်ပါ၊အဖတ်ပါသောက်ရပြီးကေ မုန့် တီနန့် အနီးစပ်ဆုံးဖြစ်နီလို့ ပါ။ ရခိုင်သားတိုင်းစွာရေ မုန့် တီတ ခွက်ကို ကိုယ်တိုင်ကဂေါင်းမမွန်မလုပ်တတ်ကေတောင်မှ မုန့် တီတခွက်၏ ရာဇ၀င်ကို ကဂေါင်းသိပါရေ။ မုန့် တီတခွက်ဖြစ်လာဖို့ အတွက် မြစ်၊ချောင်း၊ ပင်လယ်၊ သမုဒ္ဒရာတိထဲက ငါး၊ ပုဇွန်ပါရေ၊ လယ်ပြင်ထဲကဖြစ်လာရေ ဆန်လည်းပါရေ၊ ဟင်းခြင်းတိထဲထွက်လာရေ ငရုတ်သီး၊ နံနံပင်၊ ကြက်သွန်နီ/ဖြူ၊ ပဒကြော၊ငရုပ်ကောင်း၊ စက် ရုံတိကထွက်လာရေ ဆီ၊ တောထဲတောင်ထဲပြားတိထဲက ထွက်လာရေထင်းကအစ နောက်ဆုံးဂျပန်ပြည်က ထွက်တေ အာဂျီနိုမိုတို အချိုမှုန့် တောင် ပါလိုက်ပါသိမ့်ရေ။ ယကေလည်း နောက်ဆုံးမှာ ယင်းမတူကွဲပြား ခြားနားရေ အသွင်အပြင်လက္ခဏာတိအားလုံးရေ မုန့် တီခွက်ထဲကိုရောက်တေဆိုစွာနန့်  အော်တိုမက်တစ် မုန့် တီဆိုပြီးကေ ဖြစ်လားခပါရေ။ ယင်းနီရာမှာ ငါးပါလို့ ငါးရည် ဆိုပြီးတယောက်လည်းမခေါ်၊ ဆန်ပါလို့  ဆန်ရည် ခေါ်လို့ လည်းမရ၊ အာဂျီနိုမိုတိုထည့်လို့ အာဂျီနိုမိုတိုအရည်လို့ အခေါ်ခံပိုင်ခွင့်မဟိရေ အဖြစ်မျိုးကို ကျရောက် လားပါရေ။

အေချင့်နန့် တဆက်တည်းတခုစိုင်းစားမိစွာက အမေရိကမှာရောက်ဟိအခြီချ နီထိုင်နီကတ်တေ အကျွန်ရို့ ၏ မ ဟာနွယ်၊ မဟာမျိုး ရခိုင်အမျိုးသားကောင်း၊ သမီးကောင်းတိလဲ စွပ်ပြုပ်ယိုင်ကျေးမှုထဲမှာ အစွာလောက် ပေါ လောပေါ်နီဂတ်ပါယာလဲ ဆိုစွာကိုပါ။ ယင်းစွပ်ပြုပ်ယိုင်ကျေးမှုမှာ နစ်မျောနီပနာ ဇာလူမျိုးလဲလို့ မီးလာကေ ဆ ရာဒေါက်တာအေးချမ်းပြောပိုင် ရခိုင်လည်းမဟုတ်၊ အင်္ဂလိပ်လည်းမဟုတ်၊ ဂျပန်လည်းမဟုတ် ငါရို့ ကမ္ဘာသား ရာလို့ ပြောနီကတ်ယာလား? နောက်တခါ ဆရာကြီး ဒေါက်တာအေးကျော်က ရခိုင်သားမှန်ကေ ဗုဒ္ဓဘာသာ ဖြစ်ရဖို့ ဆိုပြီးကေ ပြောပါရေ။ ယဂေ ဇာဘာသာကိုးကွယ်လဲလို့ မီးလာကေ ယင်းလူတချို့ က ဘာသာမဟိလို့ ပြောနီကတ်ယာလား? ဆိုရေ ဆိုရေ အကြောင်းတိကိုလည်း စိုင်းစားမိပါရေ။ ယင်းပိုင်စိုင်းစားစရာ ဖြစ်လာရစွာ က လူတချို့ နယ်စပ်တိမှာ အတူတူနီခကတ်တေခါ ကျားဖမ်းဖို့ ၊ ဆင်ဖမ်းဖို့  တငြိုးတည်းငြိုးနီခကတ်ပနာ အမေ ရိကကိုရောက်တေခါ အမျိုးသားရီးအတွက် ကိန် ---- ကိန် တောင် မြည်သံမကြားမိလို့ ပါ။ ပုဂ္ဂိုလ်ရေးအရ တ ယောက်ကိုလည်း တိုက်ခိုက်စွာမဟုတ်ပါနှမ်း ----။ ယေကေလေ့ အချေခါပြောကတ်တေပိုင် ”မတရားလူ ထိပ်” ပါရာ၊ တတည့်ကျလူ နာချင်ကေနာလီပါကတ်။

ဂုနားက စွပ်ပြုပ်ယိုင်ကျေးမှု အကြောင်းကို ပြန်ဆက်ရကေ အမေရိကမှာ ဇာလောက်ပင် စွပ်ပြုတ်ယိုင်ကျေးမှု ဖြစ်နီလီပက်စီ ယင်းစွပ်ပြုပ်ထဲမှာ ပါဝင်ပါတ်သက်နီကတ်တေ အမျိုးတိအများကြီးထဲက တခုချင်းစီ၏ ကိုယ်ပိုင် အရည်အသွီးကိုလည်း အသိအမှတ်ပြုစွာခံကတ်ရပါရေ။ ဇာပင်ပြောပြော ဒေချင့်စွာ အပြုသဘောဆောင်ရေ ကောင်းရေလက္ခဏာတခုပါ။ ဗမာပြည်မှာ ဗမာလက်အောက်မှာ ယင်းပိုင်စွပ်ပြုပ်ယိုင်ကျေးမှုဖြစ်လာကေ ဂုပိုင် အသိအမှတ်ပြုစွာကို ခံကတ်ရဖို့  ထင်၊ မထင်? စွပ်ပြုပ်ယိုင်ကျေးမှုအစား အောက်သားယိုင်ကျေးမှု ဖြစ်လား နိုင်၊ မလားနိုင်? ဆိုစွာကို စာဖတ်သူတိ စိုင်းစားကတ်ပါ။ ယိုင်ကျေးမှုပျောက်လားကေ ဇာဖြစ်လားနိုင်ရေ ဆိုစွာ ကိုတော့ အယင်အပုဒ်မှာ တင်ပြထားပါယင့် ----။ အဖြစ်အပျက်၊ အကြောင်းခြင်းရာတိကို ဆက်စပ်စိုင်းစားပနာ အကောင်းဆုံးနည်းတခုကို ရှာဖွီဖော်ထုတ်ကတ်ဖို့  အားလုံးကို ထပ်ပြီးကေ အတွက်ဖော်ပီးလိုက်ပါရေ။ ကျေးဇူး တင်ပါရေ။
ကိုးကားစာအုပ် -
Free ways
ဆက်ပြီးကေ တင်ပြပါဖို့ သိမ့် ----။

We must revolt!!!! (1)

ငါရို့ တော်လှန်ကတ်ရဖို့ 

လူသားမျိုးနွယ်တခု လောကအလယ်မှာ တင့်တင့်တယ်တယ်နီထိုင်လားကတ်ဖို့ အ တွက် ယင်းလူမျိုးရို့ ၏ ပိုင်နက်နီမြီ ဘာသာစကား၊ စာပီ၊ ပညာရီး၊ စီးပွါးရေး၊ လူမှုရေး၊ နိုင်ငံရီးအစဟိရေ အခြီခံအုဋ်မြစ်တိအားလုံး အ ရေးကြီးပါရေ။ ယင်းချင့်တိအားလုံးကို ခြုံပနာပြောရပါကေ ယိုင်ကျေးမှုဆိုစွာလူမျိုးတမျိုးအတွက် အသက်သွီး ကြောဖြစ်ပါရေ။ ဇာကြောင့်လဲဆိုကေ ယိုင်ကျေးမှုဆိုစွာရေ လူမျိုးတမျိုး၏ အသွင်အပြင်လက္ခဏာကို အဓိက ဖော်ဆောင်ပီးစွာဖြစ်ပါရေ။ ယင်းအပြင် အနုပညာလက်ရာတိ၊ ရိုးရာ ဓလေ့ထုံးတမ်းစိုင်လာတိ၊ သမိုင်းဆိုင်ရာ အချက်အလက်တိအားလုံးလည်း အကျုံးဝင်ပါရေ။ လူမျိုးတမျိုးနန့် တမျိုးကိုခွဲခြားရေနီရာမှာ ဂုနားကပြောခရေ အချက်အလက် တိကိုအခြီခံပနာ ရခိုင်၊ ကုလား၊ အောက်သားဆိုပြီးကေ ဖြစ်လာကတ်စွာပါ။

၁၉၄၅ ခု၊ ဒုတိယကမ္ဘာစစ်ပြီးရေနောက်ပိုင်းမှာ အမေရိကန်ပြည်ထောင်စုနန့်  ဆိုဗီယက်ပြည်ထောင်စုကြားမှာ စစ်အီးတိုက်ပွဲဖြစ်ပေါ်ခပါရေ။ ယင်းစစ်အီးတိုက်ပွဲ၏ အဓိကအခြေခံကတော့ အချုပ်အခြာပိုင် နိုင်ငံတနိုင်ငံနန့် တနိုင်ငံအကြားမှာ စစ်ရီးအရအတင်းအဓမ္မ ၀င်ရောက်တိုက်ခိုက်ဖို့ အဟန့် အတားတိ ဟိလာရေအတွက် စစ်ရီး အစား မိမိရို့ ယိုင်ကျေးမှုကို တခြားလူမျိုး၊ တခြားနိုင်ငံတိထဲမှာ လွှမ်းမိုးလာအောင် သိမ်မွိညင်သာစွာ ကြိုးစား ကတ်ခြင်းဖြစ်တေလို့  ဆိုနိုင်ပါရေ။ ယင်းချင့်အပြင် တခြားစီးပွါးရေး၊ လူမှုရေး၊ နိုင်ငံရေးနယ်ပါယ်တိမှာပါ အသာ စီးရအောင် အပြိုင်အဆိုင်ကြိုး စားခကတ်စွာဖြစ်ပါရေ။ ယေဒါလေ့ ဆိုဗီယက်ပြည်ထောင်စုပြိုကွဲရေ နောက်ပိုင်း မှာ စစ်အီးတိုက်ပွဲစွာ ပြီးဆုံးလားခယာလို့  ကမ္ဘာ့ပြည်သူအများစုက ထင်မြင်ယူဆထားကတ်ပါရေ။

ယပိုင်ဆိုကေ သူရို့ တိထင်မြင်ယူဆထားကတ်တေပိုင် ဟုတ်၊ မဟုတ်။ ကျနော်ရို့  ရခိုင်ပြည်ဖက်ကို တချက်ချေ လားကြည့်ကတ်ပါမယ်။ ရခိုင်နိုင်ငံတော်ကြီး အောက်သားလက်အောက်ကို ကျရောက်တေအချိန်ကပင် ဂနိထိ နှစ်ပေါင်း(၂၂၄)နှစ်ကျော် အခြေအနေကို တချက်ချေ မျက်စိမှာ အယင်မြင်ကြည့်ကတ်စီချင်ပါရေ။ နောက်တခါ (၁၈၂၄-၁၉၄၂) ထိ အင်္ဂလိပ်လက်အောက်၊ (၁၉၄၂-၁၉၄၅) ဂျပန်လက်အောက်အ ခြေအနေ၊ နောက်တခါ (၁၉၄၅-၁၉၄၇) အင်္ဂလိပ်လက်အောက် အခြေအနေ၊ ယပြီးကေ ဗမာ့နိုင်ငံရေးအရှုပ်တော်ပုံ ခေတ်အဆက် ဆက် (ဖဆပလ၊ မဆလ၊ န၀တ၊ နအဖ) ရို့ ကို ခွဲခြားကြည့်ကတ်စီချင်ပါရေ။

ခေတ်မှီဖွံ့ ဖြိုးတိုးတက်တေနိုင်ငံတိမှာတော့ အကြောင်းအရာတခုကို လေ့လာရေနီရာမှာ အချိန်ကာလအတိုင်း အတာ(ရီတို)ကို ချုံ့ နိုင်သမျှချုံ့ ပြီးကေ လေ့လာကတ်စွာ ကို တွိကတ်ရပါရေ။ (ဥပမာ - ၅နှစ်၊ ၁၀နှစ်၊ ၁၅နှစ် စ သည်ဖြင့်) ယေဒါလည်း ကျနော်ရို့ အနီနန့်  အကြောင်းအမျိုးမျိုးကြောင့် အခြေအနေမပီးရေအတွက် လက်လှမ်း မီသလောက်ကို လေ့လာပနာ ပြန်လည်သုံးသပ်၊ ဆန်းစစ်ကတ်ရပါဖို့ ။ ယင်းပိုင်လေ့လာရေခါလည်း စာပီ၊ ဘာ သာစကား၊ ယိုင်ကျေးမှုအနုပညာ၊ ရှိဟောင်း အမွီအနှစ်၊ ရိုးရာဓလေ့ ထုံးတမ်းစိုင်လာပွဲလမ်းသဘင် အစဟိရေ စွာတိ တိုးတက်မှု၊ ဆုတ်ယုတ်မှုတိကို တွိကတ်ရပါဖို့ ယေ။ ယင်းအချက်အလက်တိကို ဂနိကျနော်ရို့ မျိုး ဆက်မှာ လက်လှမ်းမှီသလောက် မရှာဖွီ၊ မစုဆောင်းနိုင်ခဆိုပါကေ ---- (နမိတ်မဟိ၊ နမာမဟိရေစကားကိုတော့ အကျွန်မပြောချင်ပါ။) ဇာဖြစ်လာဖို့ လဲဆိုစွာကို အားလုံးမြင်ယောင်ကတ်ပါလိမ့်မယ်လို့  ယုံကြည်ပါရေ။

ယိုင်ကျေးမှုတိပျောက်ကွယ်လို့  လူမျိုးပါပျောက်လားခရေလူမျိုးတိ အများကြီးပါ။ ဥပမာ ဗမာပြည်ထဲက ပျူလူ မျိုးတိစွာ နာမယ်လောက်ရာကြားဖူးကတ်ပါယာ။ အေနိခါ ယင်းလူမျိုးတိစွာ ရခိုင်ဖြစ်နီလား၊ အောက်သားဖြစ်နီ လားဆိုစွာကို မသိကတ်ပါယာ။ သေချာစွာတခုကတော့ ယင်းလူမျိုးတိထက် လူဦးရေအားဖြင့်သော်၎င်း၊ အင် အားအရသော်၎င်း အစစသာလွန်ရေလူမျိုးတမျိုး၏ ယိုင်ကျေးမှုအများကြီးလွှမ်းမိုးခံရခပနာ ယင်းလူမျိုးအဖြစ့် တစိမ့်စိမ့် အသွင်ပြောင်း ၀င်ရောက်ပျောက်ကွယ်လားစွာကတော့ သေချာပေါက်ပြောနိုင်ပါရေ။

အေနီရာမှာ ကြုံလို့ တခု သတိရလာပါရေ။ အကျွှန်အချေခါ အိမ်ရှိနားက မှတ်ပုံတင် ရုံးထဲကို ရက်ပြတ်ဝင်ထွက် လားလာတတ်ပါရေ။ ယင်းခါက ယင်းရုံးထဲမှာကပ်ထားရေ ”မြီမျို၍ လူမျိုးမပြုတ်၊ လူမျိုမှ လူမျိုးပြုတ်မည်” ဆို ရေဆိုင်းပုဒ်စာသားအဓိပ္ပါယ်ကို ဂဃနဏ မသိခပါ။ ဂုပြန်စိုင်းစားကြည့်မှ ကြက်သီးဖြန်းဖြန်းထမိပိုင်တွိပါရေ။ ဂနိ လက်ဟိရခိုင်ပြည်မှာဖြစ်ပျက်နီရေအကြောင်းအရာတိနန့်  ယင်းသူရို့ (အောက်သား) ပြောထားရေ စကား နန့်  ကိုက်ညီလား၊ မကိုက်ညီလား ဆိုစွာကိုတချက်ချေ ပြန်သုံးသပ်ကတ်ပါ။

ယိုင်ကျေးမှုတခုက အခြားယိုင်ကျေးမှုတခုကို အသာအသာ ထိုးဖောက်ဝင်ရောက် လာစွာဟိရေပိုင် အတင်းအ ဓမ္မထိုးဖောက်ဝင်ရောက်လာစွာတိလည်းဟိပါရေ။ မသိမသာခိုးကြောင်ခိုးဝှက် ချဉ်းကပ်လာစွာတိဟိပိုင် ၊ ဗြောင်ကျကျအတင်းအဓမ္မခိုးယူနီ ကတ်စွာတိကိုလည်း မျက်စိရှိမှာ မြင်နီကတ်ရပါရေ။ ဂနိ ရခိုင်လူမျိုးရို့  ယိုင်ကျေးမှုကို ကျည်ဆံတလုံးချေ အကုန်ခံစရာမလိုဘဲ ဓါးမြတိုက် ခံနီကတ်ရပါယာ။ တချိန်တည်းမှာ လူလည်း အမျိုခံနီကတ်ရပါယာ။ ယင်းချင့်တိကို ကာကွယ်ဖို့အတွက် အကျွန်ရို့ မှာ ရွီးစရာလမ်း အများကြီးမဟိပါယေ။

ဆက်ပြီးကေ တင်ပြပါဖို့ သိမ့် ----။

Life and willing!!!!

ဘ၀နန့် ဆန္ဒ

ညိုမှိုင်းမှိုင်းတောအုပ်နန့် 
စိမ်းလမ်းရေ လယ်ကွင်းပြင်
ငါခင်မင်မြတ်နိုးရေ ----

ပြာလဲ့လဲ့ ပင်လယ်ပြင်
ညင်သာရေ လီညှင်းနန့် 
တဖွဲဖွဲ မိုးစက်တိကြားမှာလည်း
ငါပီတိ ဖြစ်ဖူးခရေ ----

ယေဒါလဲ့
စိမ်းပုတ်ပုတ် ယူနီဖောင်းနန့် 
မဲကြုတ်ကြုတ် မုတ်ဆိတ်တိကို
ငါနှလုံးပျို့ ရေ ----

အေက်ပြည်အောက်ရွာက
စိမ့်ဝင်လာရေ
အောက်သိုးသိုးလီသံတိကို
ကြားရစွာ ငါ့နားညောင်းရေ ----

ယေဇုနန့် 
အဖြူရောင် ပြည်ဖုံးကား
နှင်းခဲတိကြားမှာ
ငါ သွီးခဲကေလေ့ ခဲလီပတ်စီဖိ ----

ခိုင်နောင်ဂျိန်
၁၆. ၂. ၂၀၀၈

Revolution dream!!!!

တော်လှန်ရီးအိမ်မက်

အထက်ကိုကြည့်ကေ အာကာ
အောက်ကိုကြည့်ကေ မြီကြီး
ယင်းချင့် ရခိုင့်တော်လှန်ရီး ----

အလယ်မှာ လူတသိုက်
တဂျိုက်ဂျိုက် တကြံကြံ
ခေါ်တော သြဇာခံလူခံ
အင်(န်)ဂျီအိုသြဇာ ခံလူခံ
အမျိုးသားရီး နောက်မှာချန် ----

ဖောက်ပြန်လူက ရွီမလောက်
ရခိုင့်တော်လှန်ရီး
ငါးပါးမှောက် ----

စိုင်းစားဆင်ခြင်
သုံးသပ်စီချင်
မြင်ယောင် လွတ်ရာလမ်း ----

ခိုင်နောင်ဂျိန်
(၅. ၁. ၂၀၀၈)