fredag 31. oktober 2008

Current educational situation in Arakan!!!!

ရခိုင်ပြည်ပညာရီး ပစ္စက္ခအခြေအနေ

အကျွန်ရို့ ရခိုင်ပြည်မာ လက်ဟိအနီအထားအရ ပညာရီးအခြီအနီပြောပြဖို့မကောင်းယောင်စုတ်ပြတ်သတ်နီ စွာကို ရင်နာနာနာင့် တစိချေတင်ပြလိုက်စွာပါ။

အဂုပစ္စက္ခအခြီအနီအရ ရခိုင်ပြည်မာ လူဦးရေ (၂၇)သိန်းဟိဖို့လို့ ခန်းမှန်းရပါရေ။ ပြည်နယ်စုစုပေါင်းဧရိယာ အကျယ်အ၀န်းရေ ၁၄၂၀၀ စတုရန်းမိုင်အကျယ်အ၀န်းဟိပါရေ။ မြို့နယ် (၁ရ)မြို့နယ်မာ စာရွီးသူလက်လှမ်းမီ သလောက်၊ သုတေသနပြုထားချက်အရ၊ တဆင့်မီးမြန်းချက်တိအပြင် ကိုယ်တိုင်ကွင်းဆင်း မျက်တွိလက်တွိတိ ကို တင်ပြစွာဖြစ်ကြောင်းပါ။

အထက်ကဆိုခရေအတိုင်း အကျွန်လေ့လာထားချက်အရ မူလတန်းကျောင်းတိမာ ကျောင်းသာဦးရေ တနှစ် ထက်တနှစ်နည်းလာစွာကို တွိရပါရေ။ ဂရပ်နန့်ဖော်ပြရဖို့ဆိုကေ မက္ကလာကိုထလန်းကြားလှန်ထားစွာပိုင်။ ဇာတီအဖျား အောက်သို့စိုက်ထားယှောင်ပိုင်ပါယေ။ ဆိုလိုစွာက ဒေပိုင်ပါ၊ ကျောင်းဝင်နှုန်းတနှစ်ထက်တနှစ် နည်းလာစွာကို ပြောစွာပါ။ အဓိကအားဖြင့် မူလတန်းမာ အခြီခံအကျဆုံးကျောရိုးဖြစ်တေ သူငယ်တန်း(၀ချေတန်း)ကျောင်းဝင်နှုန်းနည်းလာစွာရေ ကြောက်ဖို့တောင်ကောင်းပါရေ။

နောက်ဆယ်စုနှစ်လောက်မကြာခင် မူလတန်းကျောင်းတိကိုပိတ်ထားရဖို့အခြီအနီဖြစ်နီစွာ မျက်မြင်ကိုယ်တွိပါ။ သုံးမြို့နယ်၊ ငါးမြို့နယ်လောက် ကွင်းဆင်းစစ်ဆီးထားပါရေ။ တခြားမြို့နယ်တိကိုလည်း ခိုင်လုံသောသတင်းအ ချက်အလက်တိအရ သိထားပြီးဖြစ်ပါရေ။ (မူဆလင်လူမျိုးတိများရေရွာတိကို မဆိုလိုပါ)။ ယေဇူးနန့် ထုတ်ယူ ဆင်ခြင်၊ ခြုံငုံဆင်ခြင်သုံးသပ်ကြည့်ဖို့ဆိုကေ အမှန်ပင် မူလတန်း၊ သူငယ်တန်းကျောင်းဝင်နှုန်းနည်းလာစွာကို ဇာကြောင့်လဲ၊ ဇာအတွက်လဲလို့ စာရွီးသူလေ့လာကြည့်ရေခါ အောက်ပါအချက်တိကိုတွိရပါရေ။

ပထမတချက် ရခိုင်သမသျှေတိ အချေမပေါက်ကတ်ပါယာ။(အများစု)အချေပေါက်နှုန်းကျဆင်းလာပါရေ။ ကျေး ရွာတချို့ကိုရောက်ကေ အချေငိုသံကြားရခဲရေ။ ၀မ်းပူမ တွိရခဲရေ။ ဇာကြောင့် အချေမပေါက်ကတ်လဲလို့ ဆက် လို့ဆန်းစစ်ကြည့်ရေခါ ဆင်းရဲကျပ်တည်းလို့ဆိုရပါဖို့။ ဇာကြောင့်ဆင်းရဲကျပ်တည်းလဲဆိုခကေ အဖြေတိက အများကြီးပါ။ ယင်းအထဲက တချို့ကိုတင်ပြပါမေ။ ရခိုင်သားတိလုပ်စားမဖြစ်အောင် နည်းလမ်းမျိုးစုံနန့် ဗမာအစိုးရက နိုင်ထက်စီးနင်းလုပ်နီလို့မြင်သာရေ။ ဥပမာတခုပြောပါမေ။ အယင်ခေါက်က ဆန်စပါး၊ သားငါး တိကို ရခိုင်သားတိရာစားသုံးရေ၊ ကုန်သွယ်ရေ။ အေဂု ရခိုင်ပြည်ကိုသူရို့ပါးက စားဖို့ပစပေါက်(ပါးစပ်ပေါက်)တိလွှတ်လိုက်တေ။ တပ်ရင်းတိ မြို့တမြို့မာ သုံးရင်း၊ ငါးရင်း၊ ဆယ်ရင်းချလိုက်တေ။ စားဖို့လူတိပေါလာယာ။ ယပြီးကေ ယင်းသူရို့ကိုယ်တိုင်၊ ယင်းသူရို့နန့်နီးစပ်တေလူတိ ဆန်စပါးအစ၊ သားငါးအဆုံး၊ ဓါတ်ငွေ့မကျန် ကုန်သွယ်ရောင်းစားကတ်တေ။ ယေကေ ရခိုင်သားအများစုမွဲပြာကျလာရေ။ အကြီးဆုံးဆင်းရဲရရေ အကြောင်း တခုက အဂုအခါ ရခိုင်ပြည်မြို့၊ရွာတိုင်းမာ ချဲဒိုင်တိ။ စစ်တွေမြို့လမ်းမကြီးမာ ခွီးချီးပေါရေပိုင်ပေါလို့။ ချဲနန့် တိုက်ဆိုင်နီလို့ ကုန်းကောက်စရာမဟိစွာတမျိုး။ ယလောက်စွာမာ တရက်တရက်လာရေ ဗမာပြည်ကအရက် ကားတိ ပဒုန်းချင်းယှက်နီစွာကို ရခိုင်သားတိအရက်သောက်လို့ခြီကတ်စွာတဖုံ။ ယေခါမာ ရခိုင်သမတိမာ ခေတ်မီသယောင်နန့် (Family plan) လုပ်လာကတ်ပါရေ။ ယကေ မူလတန်းကျောင်းတိအတွက် ကုန်ကြမ်းမ လာယာနှက်ရာ။

တချို့ရွာတိမာ အချေတိတော့ တွိရပါရေ။ ငါးရှာ၊ ဟင်းခူး၊ ၀ါးခွပ်၊ ဈီးရောင်း၊ စားပွဲထိုး၊ ကူလီ၊ အလှူခံ။ ဒေအ ချေတိ ဇာကြောင့်ကျောင်းမရောက်ကတ်လဲ၊ ဆင်းရဲကတ်လို့။ တချို့မာ ဆင်းရဲကေလည်း လူရတတ်ကတ်ရေ။ ဖြီဆီးရာကား ယင်းယှင့်ရာဟိရေ။ ကျန်းမာရေအသိပညာလည်းနည်း။ ယင်းပိုင် မဟိဆင်းရဲသား မိဖတိဂျေးယာ အချေပေါက်ကတ်ပနာ ဟိရေလရတတ်(သထီး)တိကျကေ တယောက်ဆိုကေ ကျီယာ။

နောက်တခုက လင်ယောင်္ကျားတိ ပြည်တွင်း ဖားကန့်၊ ပြည်ပထိုင်းအဆုံး လားခကတ်တေ။ အချေတိ ဇာလာဖို့ လဲယေ။ နောက်တခုက ရယ်ဖို့တော့ခါကောင်းပါရေ။ ရခိုင်သမ ပညာတတ်တချို့ အပျိုကြီးလုပ်ကတ်တေ၊ ရခိုင် သားတချို့ သာသာနာဘောင်ဝင်ကတ်တေ၊ ယကေ ကျောင်းသို့အချေတိမရောက်ယာ။ ကျောင်းသားတိရာ နည်းလာလား၊ ဆရာ၊ ဆရာမတချို့ အကျင့်ပျက် ခြစားလာကတ်တေ။ စာမပြကတ်၊ နယ်မှာစပါးတောင်း ဆရာ တိနန့်လွှဲထားကတ်စွာ ၉၀ ရာခိုင်နှုန်း။

ဇာပြောကောင်းဖို့လဲ၊ အရာဝါ တွဲဖက်၊ တွဲချိတ်၊ စိုးတွဲ ကန်ကားမကန်၊ ရခိုင်ပြည်မြို့ရွာတိုင်းမှာ။ ယကေ မျက် ဖြူဆိုက်လီ၊ ဆရာကြိုက်လီ၊ ရခိုင်ပြည်က အရည်အချင်းမှီရေ အချေတိမထွက်ယာ။ ယကေ ဗမာအစိုးရ အုပ် ချုပ်လို့ ကောင်းလီနှက်ရာ။

ယပိုင်နက်လာလတ်စွာ ၂၀၀၈ခုနှစ် တက္ကသိုလ်ဝင်တန်းစာမေးပွဲမှာ ရခိုင်ပြည်နယ် အဆင့် (၁၅)ကိုကျလားခစွာ ကို ကြည့်ကတ်ပါဖိယေ။ ယလောက်ဆိုကေ ရခိုင်ပြည် ပစ္စက္ခပညာရေးအခြေအနေကို နားလည်ကတ်ဖို့လို့ ယုံကြည်ပါရေ။

ဒေစွာတိအားလုံးရေ အုပ်ချုပ်တေအစိုးရကြောင့် ဖိနှိပ်ခံနီရရေပြည်သူတိမာ နင်းပြားဘ၀က မလွတ်ရေလမ်းဖြစ် တေအတွက် ” အော် အဘာရို့ အမင်ရို့ ရခိုင်ပြည်သူ၊ ပြည်သားတိကို မကယ်နိုင်ကတ်ယာလားယဂေ၊ ပြည်ပ မာဂျေး နီကတ်ဖို့ယာလား၊ ပြည်တွင်းပြည်ပ ပေါင်းစည်းပနာ စည်းလုံးညီညာ အောင်ကြောင်းဖြာဖို့ အချိန်ကျ ယာဖြစ်ကြောင်း၊ တတ်နိုင်ဖို့ဖက်က ကူညီကတ်ပါအကြောင်း ရခိုင်သားအပေါင်းကို ဒေဆောင်းပါး တပိုင်းတစ နန့် နှိုးဆော်လိုက်ပါရေ။ ။

စေတနာ သစ္စာတရားနန့်
ခိုင်သွီးနီ (ကိန်းသာမြီ)
(၁၅၊ ၁၀၊ ၂၀၀၈)


မှတ်ချက်။ ။ ပြည်တွင်းမာ လက်ဟိကျောင်းဆရာ(သူငယ်ချင်း)တယောက်စာကို မူရင်းအတိုင်း ဖော်ပြလိုက်ပါရေ။

tirsdag 21. oktober 2008

Starve!!!!

ငတ်မွတ်ခြင်း

ကမ္ဘာမြီတခွင်မာ
ဖြီမရွှင်ရေ မျက်နှာနန့်
နီမ၀င် တိုင်းပြည်တိကို ငေးနီဂတ်ရရေ ---- ။

ထီမထင် ရခိုင့်မာန်(ဟန်)၀င့်စွာနန့်
လီဘ၀င် ဟပ်ဗျာလ်
ရွှီရင်မာ ပီတိဖြာလို့
ကြည်ရွှင်စွာ တခါလောက်
လွတ်မြောက်လိုက် ချင်ရေနှမ်း ---- ။

ခိုင်နောင်ဂျိန် (၁၃ ၅၈ နာရီ၊ အောက်တိုဘာလလ (၂၁)ရက်၊ ၂၀၀၈)။

lørdag 18. oktober 2008

To Develop

တိုးတက်ကတ်စီချင်ပါရေ


အမှားမလုပ်ဖူးရေလူလို့ လောကမာ မဟိ၊ တခါအမှားလုပ်ဖူးထားရေလူရေ တခါ လည်းအမှားမ လုပ်ဖူးသူနန့် စာကေ နောက်တခါထပ်မမှားဖို့မတွက် သတိပိုထားဖို့ ထင်ရေ။ ယင်းဇူးနန့် အမျိုးသားအချင်းချင်းကြားမာ ဟိ ခကတ်တေပဋိပက္ခတိကို အယင်ဆုံးပြန်လည်ဖြေယှင်းကတ်ရပါဖို့။ ယင်းပိုင်ဖြေယှင်းရေနီရာမှာ အမှားလုပ်မိ ဖူးခရေလူကလည်း မှားကြောင်းကိုရိုးသားပွင့်လင်းစွာဝန်ခံရဖို့ဖြစ်တေပိုင် ကျန်လူတိကလည်း ကြည်ဖြူစွာခွင့် လွှတ်နိုင်ကတ်ရပါဖို့။ အချင်းချင်းကြားမှာ ယုံကြည်မှုမဖြစ်မနီ တည်ဆောက်ကတ်ရဖို့ အချိန်ကျနီပါယာ။ လား နီကျလမ်းအတိုင်းလားနီကတ်လို့ တခုလည်းခရီးမပေါက်၊ အရာမရောက်စွာကို လက်တွိဒိဌဓမ္မ လက်ဟိအခြေ အနေ တိက ဖော်ပြနီပါယင့်။ အေယှင့်က ပထမဆုံး၊ အရေးအကြီးဆုံးနန့် ယင်နိုင်သမျှအယင်ဆုံး အကောင် အထည်ဖော်ကတ်ရဖို့ အလုပ်ဖြစ်ပါရေ။

အမျိုးသားရီးအတွက်လူတိုင်းမာ တာဝန်ဟိရေ၊ လူတိုင်း အမျိုးသားရီးမာ နိုင်ရေတာ ၀န်ကို ယူကတ်ရဖို့၊ ကိုယ့် တိုင်းပြည်၊ ကိုယ့်လူမျိုး ဂနိဇာအခြေအနေကိုရောက်နီယာ လဲဆိုစွာကို အပြန်အလှန်စိုင်းစားသုံးသပ်ကတ် ဖို့လိုရေ၊ ရခိုင်အရေးကို ရခိုင်တိမစိုင်း စကားကေ ဇာအောက်သားလေ့လာစိုင်းစားပီးဖို့မဟုတ်။ ဇာကုလားလေ့ စိုင်းစား လိမ့်မေမဟုတ်။ အေအချိန်မာ မစိုင်းစားနိုင်၊ မဆင်ခြင်နိုင်၊ မသုံးသပ်နိုင်၊ ပြန်လည်ပြု ပြင်ရီးကိုမလုပ် နိုင်ကတ်တေ မကြာရေတနိန့်မာ ရခိုင်သားတိ ”ထောက်ကျာ” ဆောင်းသူဆောင်း၊ မဆောင်းကေ ”မောင်ရွှေရိုး အက” ကဖို့ ပုသိမ်ထီးဝယ်ထားလီ ကတ်ပါဖိ။

သူလုပ်ဖို့လိုလို၊ ကိုယ်လုပ်ဖို့လိုလို စောင့်နီကတ်ရဖို့အချိန်မဟုတ်ပါယာ၊ ယင်းပိုင် စောင့်ခရေအချိန် အတိုင်း အတာကျော်လွန်လားခပါယာ။ ယင်းဇုနန့် အမျိုးသားရီးအ ပေါ်မှာ စစ်မှန်ရေစေတနာအရင်းခံနန့် လုပ်ကိုင်နီ ကတ်တေလူတိ၊ အဖွဲ့တိကို ပြည် သူတိအနီနန့် ကိုယ်စွမ်းဥာဏ်စွမ်း ဟိသလောက် ထိထိရောက်ရောက်ပူး ပေါင်းပါဝင်ကတ်ဖို့ ပြောချင်ပါရေ။ ယပြီးကေ ရခိုင့်အရေးမာ ငါရို့နန့်မဆိုင်၊ ငါရို့ကကျောင်း သားရာ၊ ငါရို့က ၀န်ထမ်းရာ၊ ငါရို့က လယ်၊ တောင်ယာလုပ်နီစွာရာ၊ ငါရို့ကစက်ရုံ မာလုပ်နီစွာရာဆိုပြီးကေ ဖာသိဖာသာ မနီ သင့်ပါဗျာလ်။

ကိုယ့်တိုင်းပြည် ကိုယ့်လူမျိုးကိုအဂင့်ဂင့်ချစ်တေဆိုကေ ပါးစပ်ကပြောနီရုံလောက် နန့်မပြီးပါ၊ အနီးစပ်ဆုံး၊ လက်ဟိဖြစ်ပျက်နီရေအခြေအနေတိကို လေ့လာပနာ အ ကောင်းဆုံးအဖြေတခုရလာအောင် ကြိုးပမ်းလုပ် ဆောင်ကတ်ဖို့ အားလုံးမာတာဝန် ဟိပါရေ။ကိုယ်တိုင်ကိုယ်ကျ ပါဝင်လုပ်ကိုင်ဖို့ အခြေအနေမပီး သိမ့်ကေတောင်မှ တာဝန်ယူလုပ်ဆောင်နီကတ်တေ ပုဂ္ဂိုလ်တိကို နုတ်နန့်ဖြစ်ဖြစ်၊ စာချေနန့်ပင်ဖြစ်ဖြစ် ပြော သင့်ရေလို့ထင်ပါရေ။ ယင်းပိုင်အလေ့အကျင့်မျိုးတိကို အဂုကပင်လေ့ကျင့်ထားနိုင်မှ တနိန့်နိန့် တချိန်ချိန်မှာ ဒီမိုကရေစီစနစ်နန့် ဖက်ဒရယ်ပြည်ထောင် စုပင်ဖြစ်လာလာ၊ အချုပ်အခြာအာဏာပိုင်ရေ ရခိုင့်ပြည်သူ့သမတ နိုင်ငံပင်ဖြစ်လာလာ အစိုးရနန့်ပြည်သူကြားမာ အပြန်အလှန်ထိမ်းညှိလားနိုင်ရေ အလေ့အကျင့် တခုဖြစ်လား ပါဖို့။ ယင်းပိုင်ရာမဟုတ်ဘဲ ကိုယ်နန့်မဆိုင်ဆိုပနာ တုံဏိဘာဝေနီ ကတ်ဖို့ဆိုကေ ရခိုင်ပြည်သူ့သမတနိုင်ငံ ဖြစ်လာကေတောင် ရခိုင်အာဏာသျှင်စနစ် စနစ်ဆိုးအောက်က ရုန်းထွက်နိုင်ကတ်ဖို့မဟုတ်ပါ။

တဖက်မာ ယင်းပိုင်ပူးပေါင်းဆောင်ရွက်တေပိုင် အခြားတဖက်မာလည်း မိမိရို့လက်ဟိ ရောက်ဟိနီထိုင်ကတ် တေ လူမှုပါတ်ဝန်းကျင်အသိုင်းအ၀ိုင်းကနီပြီးကေ ကိုယ့် တိုင်းပြည်၊ ကိုယ့်လူမျိုးအတွက် စီးပွါးရေး၊ လူမှုရေး၊ ကျမ္မာရေ၊ ပညာရေး၊ စိုက်ပျိုး ရေး၊ မွီးမြူရေး စရေကဏ္ဍအသီးသီးက အကျိုးဟိနိုင်ရေစွာတိကို လေ့လာမှတ် သားကတ်ရပါဖို့။ ဂနိဆိုကေ ရခိုင်သားတိစွာ ကမ္ဘာအနှံ့မှာ ရောက်ဟိအခြီချနီထိုင်နီ ကတ်ပါယာ။ မတူကွဲပြား ခြားနားရေ လူ့ပါတ်ဝန်းကျင်ပေါင်းစုံမာ ဟိလီကတ်ပါဖို့ထင် ရေ။

ယကေလေ့ ကျနော် အဓိကဦးစားပီးပြောချင်ရေလူတိကတော့ ငါး၊ ပုဇွန်ဖမ်း/မွေးမြူ ရေးလုငန်းတိမှာ လုပ် ကိုင်နီကတ်တေလူတိနန့် စိုက်ပျိုးရေးကဏ္ဍတိမာ လုပ်ကိုင်နီ ကတ်တေ ရခိုင်သားတိကို ပြောချင်ပါရေ။ ဇာဖြစ် လို့လဲဆိုကေ ရခိုင်ပြည်စွာ အားလုံး သိကတ်တေအတိုင်း ယင်းစီးပွါးရေးနှစ်ခုကို အမှီပြုနီကတ်ရလို့ဖြစ်ပါရေ။ ရခိုင့်ပင်လယ်ပြင်နန့် ရခိုင်မြီတိ ဟိနီသမျှကာလပတ်လုံလည်း အမှီပြုနီကတ်ရပါဖို့သိမ့်။

ဥပမာ ထိုင်းနိုင်ငံထဲက စိုက်ပျိုးရေးခြံတိမာ လုပ်နီကတ်တေ ရခိုင်သားတိမကန်ဟိပါ ရေ။ ထိုင်းနိုင်ငံသားတိ စိုက်ပျိုးရေးကဏ္ဍမာ ဇာပိုင်စီးပွါးဖြစ်အောင်လုပ်ကတ်တေလဲ။ နှင်းဆီပန်း၊ အာလူ၊ စပျစ်၊ ကော်ပီဖူး/ပွင့်၊ မလာဥ အစဟိရေ စိုက်ခင်းတိကို ဇာပိုင်နည်းစနစ်တိနန့် လုပ်ကတ်တေလဲ။ ထိုင်းနန့် ရခိုင်ပြည်နန့် ရာသီဥတု ယင်း လောက်ထိအများကြီးမကွာထင်ပါရေ။ ယင်းပိုင် ကိုယ်ရို့လေ့လာမှတ်သားလို့ရလာ ရေ အသိပညာတိကို ကိုနန့်နီးစပ်ရာ ရခိုင်တောင်သူလယ်သမားတိကို ပြန်လည် ဖြန့်ဝီပီးကတ်ပါ။ ဇာအချိန်မာ ရီပီးရေ၊ ဇာအချိန်မာ မြေဆီထည့်ရေ ယင်းပိုင်စွာချေ တိက အမှုမဲ့၊ အမှတ်မဲ့ မနီကတ်ပါကဲ့လို့ တိုက်တွန်းချင်ပါရေ။ အေချင့်စွာ ရခိုင် ပြည် နန့် ရခိုင်လူမျိုးတိုးတက်ဖို့အတွက် အဓိကအခန်းကဏ္ဍတခုဖြစ်ပါရေ။ ရခိုင်ပြည်မာ ရခိုင်လူမျိုး (ခန့်မှန်း ၈၀ ရာခိုင်နှုန်းလောက်)စွာ အေလုပ်ငန်းတိနန့် အသက်မွီးဝမ်း ကျောင်းလုပ်နီကတ်ရစွာကို အားလုံးအသိပါရာ။

ယင်းပိုင်နည်းတူ တခြားတခြား နိုင်ငံတကာမာ ကျောင်းတက်နီကတ်တေ ရခိုင်လူငယ်ချေတိ၊ အလုပ်အကိုင် လုပ်နီကတ်တေလူတိ၊ စီးပွါးရေးလုပ်ငန်းလုပ်နီကတ်တေ လူတိကလည်း မိမိရို့အတွိအကြုံတိ၊ ယင်းအထဲက ကိုယ့်လူမျိုးအတွက် အကျိုးဟိ နိုင်စွာတိကိုလေ့လာမှတ်သားပနာ ပြန်ပြီးကေဖြန့်ဝီပီးကတ်ပါ။ကျနော်ရို့ ရခိုင် လူမျိုး မာ ဂနိအချိန်ထိ တခြာလူမျိုးနန့်စာက သတင်းအချက်အလက်၊ သဖောထားအမြင်၊ အတွိအကြုံဖလှယ် မှုတိ ကောင်းအားနည်းနီကတ်ပါသိမ့်ရေ။ ဂနိလက်ဟိ သက်ဟိ ထင်ယှား ဟိနီကတ်တေလူတချို့မာ ဘ၀ကို ပီးဆပ် ပနာ ရထားရေအတွိအကြုံတိ ပြောလို့မဆုံးအောင်ဟိကတ်ပါရေ။ ယင်းအတွိအကြုံတိစွာ ရခိုင့်သမိုင်း မာ နောက်လာဖို့မျိုးဆက်သစ်တိအတွက်လည်း ကဂေါင်းအရေးကြီးရေလို့ ကျနော်မြင်ရေ။ ယကေလေ့ ယင်း ကိစ္စတိကို သူရို့ကလွဲပြီးကေ တယောက်လည်းမသိ။ ရခိုင်ပြည် လွတ်မြောက်ရေးအတွက် ဥက္ကဌကြီး ခိုင်မိုးလင်းဦးဆောင်ပနာ ကရင်ပြည်က ရခိုင်ပြည်ထိချီ တက်ခရေလမ်းကြောင်းရေ ကမ္ဘာ့သမိုင်းမာတောင် စာ တင်လောက်တေ။

ယင်းခရီးစွာ အာရှတိုက်မှာ အမျိုးသားလွတ်မြောက်ရေးအတွက် တရုတ်ပြည်က မော် စီတုန်းဦးဆောင်ရေ လီ ရှစ်ထောင်(၈၀၀၀)ခရီးကို ချီတက်ပွဲပြီးကေ ဒုတိယခရီးအ ရှည်ဆုံးချီတက်ပွဲဖြစ်တေ။ ကိုယ်တိုင်ကိုယ်ကျပါဝင်ခ ရေလူတိ အသက်ရှင်ဟိနီတုန်းမာ ယင်းသမိုင်းချေတခုကို လူအများသိအောင်၊ တတ်နိုင်ကေ ကမ္ဘာသူ၊ ကမ္ဘာ သားတိသိအောင် ဖွင့်ပြခစီချင်စွာကတော့ ကျနော့ဆန္ဒပါ။

ကျနော် ဂုပိုင်ရွီးနီစွာတိကို လူတိကတော့ အမျိုးမျိုးထင်နိုင်ပါရေ။ တချို့ကလည်း အကောင်းမြင်နိုင်ရေပိုင်၊ တချို့ကလည်း ”အလကားပါရာဝေ၊ ငပေါကြီးရာ” လို့ ပြောချင်ပြော ကတ်ဖို့။ တချို့ကလည်း ကဲ့ရဲ့သင်္ဂြိုလ်ပြု ချင်ပြုကတ်ပါဖို့၊ တချို့ကလည်း ယင်းသူ ကား ဇာတခုလုပ်နိုင်လို့လဲ ဆိုပနာမီးချင်ကေ မီးကတ်ပါဖို့။ ယင်းပိုင် မီးရေလူဟိ ရေဆိုကေတော့ခါ ယင်းအမီးကိုဖြေယင်းနန့် ကျနော်ဖတ်ဖူးရေအကြောင်းအရာချေတခုနန့် တခါ တည်းမျှဝီပီး လိုက်ပါမယ်။

ယင်းအကြောင်းအရာချေကတော့ အမေရိကန်နန့် ရုရှားစစ်ဖြစ်ချင်ချင် တဖက်နန့်တဖက် အခြေအနေလုံးဝတင်းမာနီရေ အချိန်မှာပါ။ ရုရှားရီငုပ်သင်္ဘောတိ အစွမ်း ထက်မြက်လွန်းအားကြီးလို့ အမေရိကန်က မျက်ဖြူ ဆိုက်၊ ခေါင်းညီးနီရရေအခြေ အနေပါ။ အမေရိကန်တိ ရုရှားရီငုပ်သင်္ဘောတိရန်ကို ပြန်ပြီးတိုက်ခိုက်ခုခံဖို့ အတွက် ဇာလုပ်လို့ ဇာကိုင်ရမှန်းမသိဖြစ်နီပါရေ။ ယင်းပိုင်ဖြစ်နီရေအချိန်မာ အမေရိကန် လွှတ်တော်မာလည်း ယင်းကိစ္စကို အကြိတ်အနယ်ဆွေးနွေးကတ်စွာလည်း တရက်ထက်တရက် အချိန်ရာကုန်လာရေ အဖြေရှာလို့ မရ ဖြစ်နီပါရေလတ်။

တရက်နိခါ အမေရိကန်ရီတပ်သင်္ဘောတိကို ရုရှားစစ်မြီပြင်မာ လက်ဟိဦးဆောင်နီ ရေဗိုလ်ချုပ်တယောက် ယင်းအစည်းအဝေးကို တက်လာပါရေ။ ယင်းအစည်းအဝေးမာ အဖြေရှာလို့မရဖြစ်နီစွာကို သူကအကြံတခုပီး ပါရေ။ သူပီးရေအကြံကတော့ ” ရုရှားရီငုပ်သင်္ဘောတိကို ရီအောက်ကနီ ရီထက်ကိုအလိုအလျောက်ပေါ်တက် လာအောင်လုပ်ရဖို့၊ ယကေ ကိစ္စပြတ်ယာ” ဆိုပနာ အကြံပီးလိုက်ပါရေ။ ယေခါ အစည်း အဝေးခန်းမတခုလုံး မှာ ဟိနီကတ်တေ သမတကအစ ၀န်ကြီးတိ၊ အမတ်တိအား လုံးတိမျက်စိစွာ ယင်းဗိုလ်ချုပ်ပါးကို တပြိုင်တည်း စုပြုံရောက်လာကတ်ပနာ ”ယင်းရု ရှားရီငုပ်သင်္ဘောတိကို ရီအောက်ကနီ ရီထက်ကို အလိုအလျောက်ပေါ်လာ အောင် ဇာပိုင်လုပ်ရပါဖို့လဲ ဗိုလ်ချုပ်” ဆိုပနာ တယောက်တပေါက် ၀ိုင်းမီးကတ်ပါရေလတ်။ ယေခါ ယင်းဗိုလ် ချုပ်က ဇာပိုင်ဖြေရေထင်ကတ်ပါလဲ။

ယင်းဗိုလ်ချုပ်ဖြေလိုက်စွာကတော့ -
”ဇာပိုင်လုပ်ရဖို့လဲဆိုစွာကို ငါ့လာမမီးကဲ့။ ငါစွာ စစ်တိုက်နီရေ ဗိုလ်ချုပ်တယောက်ရာ ဖြစ်တေ၊ သိပ္ပံပညာသျှင် တယောက်မဟုတ်ပါ။ ကျနော့် စိတ်ကူးနန့်အမြင်ကို တင်ပြ စွာရာဖြစ်ပါရေ။ လက်တွိလုပ်ကတ်ရဖို့စွာက သမ တကြီးအပါအ၀င် အစိုးရအဖွဲ့နန့် သိပ္ပံပညာသျှင်တိရာဖြစ်တေ” လို့ပြောလိုက်ပါရေ။ ကျနော်လည်းယင်းပိုင် ကျနော့် စိတ်ကူးနန့်အမြင်သျှေတိကို တင်ပြရစွာရာဖြစ်ပါရေ။လက်တွိလုပ်ကတ်ရဖို့စွာက ရခိုင်သားတိုင်းမာ တာ ၀န်ဟိပါရေ။ ရခိုင်လူမျိုးတခုလုံး ဖွံ့ဖြိုးတိုးစီချင်ရေဆန္ဒနန့် တင် ပြစွာပါရာ။ မှန်စွာကိုပြောဂေ ရခိုင်ပြည် ကြီး လွတ်လပ်ရေးရပါစီ --- လို့ အကျိန်ခံ လိုက်ပါယင့် ----။ ။
အားလုံးကျမ္မာ၊ ချမ်းသာ၊ ပျော်ရွှင်နိုင်ကတ်ပါစီ။

søndag 12. oktober 2008

Puppy and Parties!!!!

ပြည်သူနန့် တော်လှန်ရီး
ပါပီကလေး ပုတုတု
သူ့ စကားက ၀ုဝု
သူ့ စကားလူမသိ
လူ့ စကား သူမသိ
သနားပါဘိ။

အေကဗျာချေစွာ ကျနော်ရို့အချေမူလတန်းကျောင်းသားဘ၀ခါ ဆိုလို့ကောင်းရေ အတွက် ကျောင်းသား တိုင်းနီးပါးအလွတ်ရလီကတ်ဖို့ထင်ပါရေ၊ အဓိပါယ်ကလည်း လွယ်ရေ။ ရှင်းလည်းရှင်းရေအတွက် အချေတိအ တွက် မျက်စိထဲမှာ ကွင်းကွင်းကွက် ကွက်မြင်ပြီးကေ ခံစားလည်းခံစားနိုင်ပါရေ။ ကျနော်ဇာဖြစ်လို့ ဒေကဗျာ ချေကို ပြန်ပြောင်းသတိရလာလဲဆိုကေ အဓိကအရင်းခံကတော့ ရခိုင့်တော်လှန်ရီးအကြောင်းကို လက်ဟိရခိုင့် တော်လှန်ရီးပါတီ၊ အဖွဲ့အစည်းတိ အခြေအနေတိကို စိုင်းစားယင်း၊ စိုင်းစားယင်းနန့် အေနီရာကိုရောက်လာရ စွာပါ။

အေနိထက်ထိ ရခိုင်ပြည်နန့်ရခိုင်လူမျိုးအတွက်ဆိုပြီးလုပ်နီကတ်တေ ရခိုင့်တော် လှန်ရီးပါတီတိ၊ အဖွဲ့အစည်း တိ ရွီလို့မရလောက်အောင်ဟိပါရေ။ ယေဒါလေ့ ဂနိရခိုင် ဇာဖြစ်နီလေ။ အမြင့်က အောက်ကိုရောက်လာရေ။ ရှိကနီနောက်ကိုရောက်လာရေ။ အဂုဆိုကေ ရခိုင့်တော်လှန်ရီးအခင်းအကျင်း၊ အခြီအနီစွာ ဗမာပြည်အသိုင်းအ၀ိုင်းကြားမှာတောင် ”ချဘိတ်”အဆင့်မှာပါ။ သင်္ချာဗေဒနန့်ဆိုကေ အနှုတ်ဇာလောက်ပြလို့ဟိလီလေးမသိယာ။ အောက်သားတိက ကမ္ဘာမာရာနောက်ကျကေလည်း ဗမာပြည်မာ ထိပ်က။

ဇာကြောင့် ဂုပိုင်ဖြစ်ရလဲဆိုစွာတိကိုကြည့်ကေ အမြင်အမျိုးမျိုး၊ အထင်အမျိုးမျိုး၊ အသံအမျိုးမျိုးတိကို နားနန့်မ ကန်အောင် ကြားကတ်ရပါဖို့ယေ။ အေချင့်ကတော့ လူ့သဘာဝပါ။ မြင်ပိုင်၊ ထင်ပိုင်၊ ပြောပိုင်ခွင့်ဟိစွာ လူ့အ ခွင့်အရေးတခုပါ။ ယေဒါလည်း မြင်စွာ၊ ထင်စွာ၊ ပြောစွာမာ တရားနည်းလမ်းမကျကေတော့ ယင်းလူရေ အဆိုး မြင်ဝါဒီလို့ ပြောလို့ရပါရေ။ ကျနော်မှားကေလေ့ ကျနော့ကိုပြောကတ်ပါ။ နာခံဖို့ အဆင်သင့်ပါရာ။ ကျနော် စိုင်းစားမိစွာတိကတော့ ဂုပိုင်ဖြစ်လာရစွာရေ ရခိုင်လူမျိုးတိကိုယ်တိုင်က နိုင်ငံရီးကို စိတ်မ၀င်စားကတ်လို့လား၊ ပါတီ အဖွဲ့အစည်းအတိကြားမှာ စည်းလုံးညီညွတ်မှုမဟိ ကတ်လို့လား၊ လက်ဟိခေါင်းဆောင်တိ အရည်အချင်းမ ဟိကတ်လို့လား၊ မဟုတ်ကေ ရခိုင့်နိုင်ငံရီးကိုစိတ်ဝင်စားမှု ယုတ်လျော့လာကတ်လို့လား၊ ယပိုင်ဆိုကေ နောက် ထပ်ခေါင်းဆောင်ချေတိကိုကား မွီးထုတ်ပီးကတ်ဖို့ တမျိုးတဖုံပြန်မစိုင်းစားကတ်ယာ လား ~~~~~~~~~~ ~~ ယင်းပိုင်~~~~~ယင်းပိုင် လားပေါင်းများစွာနန့် စိုင်းစားမိပေါင်းလည်း ရွီလို့မရလိုက်ပါယာ။ လက်ဟိအ ခြေ အနေမာဆိုကေ ရခိုင့်တော်လှန်ရီးအင်အားစုစွာ ခြာချိုင်ချေနန့်တူပိုင်မြင်ပါယက်ထော။ ခါး မဟိ။ ဇာပင် ဖြစ်ဖြစ် အေယှင့်ကိုလောလောစိုင် ထားလိုက်ပါ။

ကျနော့အမြင်တဖေ့သျှေကို ဆွေးနွေးကြည့်ပါမေ။ ပထမအချက်က ရခိုင့်တော်လှန်ရီးကို အင်(န်)ဂျီအိုတိ ဖေ့ သျှာတစိချေပြပနာ ဖျက်ဆီးလိုက်တေ၊ ဒုတိယအချက်က ရခိုင့်တော်လှန်ရီးကို ဗမာ့ဒီမိုကရေစီ ပြဒါးကျလားခ ရေလို့ထင်ပါရေ။

အင်(န်)ဂျီအိုတိ ခေတ်မစားခင် ရခိုင်ပြည်မာ ၀တုတ်စားပြီးကေတိုက်နီခကတ်တေ ပြောက်ကျားတိ ရွာတိုင်းနီး ပါးမာဟိခရေ။ မင်းပြား၊ ရသေ့တောင် စရေမြို့တိကိုတောင် တက်သိမ်းခပနာ အောက်သားအစိုးရ ဘဏ်တိကိုဝင်သိမ်း၊ ဆင်းရဲရေပြည်သူတိကို အလုပ်အကျွေ့းပြုခကတ်တေ။ တော်ရုံတန်ရုံပလိပ်၊ စစ်သားသုံးလေးကောင် လောက်နန့် ကျွန်းတိကိုလားဖို့စွာကို ဖင်တုန်အောင်ကြောက်ခကတ်တေ။ ပြည်သူတိ အားရ၀မ်းသာဖြစ်လိုက် ကတ်တေပင်။

ပြောက်ကျားတိအတွက်ဆန်၊ ထမင်း၊ ငါး၊ ဟင်းကအစ အိမ်တိုင်းမာဟိခကတ်တေ။ ဘုန်းကြီးကျောင်းတိုင်းမာ ဟိခကတ်တေ။ အထူးသဖြင့် ကျွန်းရွာချေတိမာဖြစ်တေ။ အေချင့်တိစွာ ရခိုင်ပြည်သူတိ နိုင်ငံရေးတက်ကြွမှုနန့် အမှန်တရားကို ချစ်မြတ်နိုးစွာ တိကို ပြသစွာဖြစ်ပါရေ။ အေအခြင်းအရာ အဖြစ်အပျက်တိစွာ ၁၉၇၀ ခုနှစ်ဝန်း ကျင် လောက်ထိ ရခိုင်ပြည်နန့် ရခိုင့်တော်လှန်ရီးအခြေအနေ တစိတစောင်းချေပါ။

လွန်ခရေနှစ်စိချေလောက်က ရခိုင်အမျိုးသားတရပ်လုံး လိုလားတောင့်တနီရေ အမျိုးသားစည်းလုံးညီညွတ်မှုကို အခြီခံရေ တပ်ပေါင်းစုတခု အင်(န်)ဂျီအိုအားကိုးနန့် ဖြစ်တော့ဖြစ်လီခပါရေ။ ယေဒါလေ့ ယင်းတပ်ပေါင်းစုရေ သန္ဓေစတေရေလောက်ကပင် စောင်းဂီစောင်းဂန်းနန့်တည်ပြီးကေ အချိန်မစိ၊ လမပြည့်ဘဲ အန်(င်)ဂျီအိုညှစ် အားနန့်မွီးလာစွာဖြစ်လို့ ရောဂါဘယတိ၊ အမှောင့်ပယောဂတိ သောင်းခြောက်ထောင်လောက်နန့် မွီးရာပါ ကာလနာရောဂါထက်တောင်ဆိုးပါသိမ့်ရေ။ ယင်းဗိုင်းရပ်(စ်)ပိုးတိကိုယှင်းထုတ်ဖို့ နည်းပညာရှာ မတွိကတ်ပါ သိမ့်။ စည်းလုံးညီညွတ်ရေးလမ်းကြောင်းကိုရောက်ကတ်ရဖို့အစား အချင်းချင်းတိုက်ခိုက်ပျက်သုဉ်းရေးလမ်း ကြောင်းကို ဦးတည်နီကတ်တေလို့ဆိုကေ ကောင်းတော့လွန်ဖို့မထင်။ အေချင့်စွာ ပြည်သူ့ဆန္ဒအစစ်အမှန်ကို အခြီမခံခကတ်ဘဲ မိမိရို့ထင်ရာ၊ မြင်ရာကိုစိုင်းခကတ်လို့ ရလာရေဆိုးကျိုးတိဖြစ်ပါရေ။ အစကပင် ပြည်သူ့ ဆန္ဒကို အခြီခံပနာ ပြည်သူ့အားနန့်တည်ဆောက်ခဖို့ဆိုကေ ယင်းမကောင်းဆိုးဝါး ဗိုင်းရပ်(စ်)ပိုးတိကို ပြည် သူတိကလည်း အကပ်ခံလီကတ်ဖို့မထင်။ လစိ၊ နိစိနန့် ခွန်အားဗလပြည့်ဝရေ ရခိုင်တပ်ပေါင်းစုကြီးတခု မွီးဖွား သန့်စင်လီဖို့ထင်ယင့်။

ယင်းနောက်ပိုင်းမှာ ဇာတိဖြစ်လာကတ်လဲဆိုကေ ဂုနားကပြောခရေပိုင် ပြောက်ကျား တိလမ်းလိုက်မှားလာ ကတ်တေ။ တောထဲကနီပြီးကေ မြို့ထက်ရောက်လာကတ်တေ၊ မြို့ထက်ကနီပြီး ဟော်တည်ထက်တိကို ရောက် လာကတ်တေ၊ အချင်းချင်း စားခွက်လု ရန်စောင်လာကတ်တေ။ စားခွက်မရရေအဖွဲ့က အောက်သားပါးမာ လက်နက်ချ ဒူးထောက်တေ။ ပြည်သူအကျိုး၊ အမျိုးသားအကျိုးထက် ကိုယ့်အကျိုးစီးပွါးအတွက် တော်လှန်ရီးကို အသုံးချလာကတ်တေ။ ဒီမိုကရေစီကို ပါးစပ်ကလူကြားကောင်းရုံ အော်ပနာ မိမိရို့ကိုယ်၌က အာဏာရှင်ဆန်နီ ကတ်တေစွာတိ အများကြီး။ (အသုံးအနှုံးတိ ရင့်ရော်လားကေ ၀န္ဒာမိပါ)။

ယင်းပိုင် ယင်းပိုင်နန့် ပြည်သူနန့် တော်လှန်ရီးသမားတိကြားမာ ကင်းကွာမှန်းမသိ ကင်းကွာလာရေ၊ အဆက် အဆံနည်းလာရေ၊ တော်လှန်ရီးအဖွဲ့အစည်းတိက ဇာလုပ်လို့ ဇာကိုင်နီကတ်မှန်းပြည်သူတိ တခုလည်းမသိ။ ပြည်သူတိ ဇာကိုလိုချင် ရေလဲဆိုစွာကို တော်လှန်ရီးသမားတိ အတွက်မခံ(မစိုင်းစား)။ အောက်သား ဒီမိုကရေ စီပြဒါးကျပနာ ကိုယ့်ရည်မှန်းချက်၊ ဦးတည်ချက်တိ အခြီမခိုင် ယိုင်နဲ့လာကတ် တေ၊ အန္တိမရည်မှန်းချက် ဇဝေဇ၀ါဖြစ်လာရေ။ ကျနော် ကာလံဒေသံ၊ ဧကံဓနံ ဆိုရေ အယူအဆ အတွေးအခေါ်ကို အတိုင်းအတာတခုအထိ လက်ခံပါရေ။ တခါက မိတ် ဆွေတယောက်နန့် ဒေကိစ္စကို ဆွေးနွေးဖြစ်ခကတ်ပါရေ။ ယေခါ သူက တော်လှန် ရီး သမားတိ အခြေအနေပြောင်းလဲလာကတ်စွာကို ထောက်ပြပါရေ။ ယေဒါလည်း ကျနော်က အခြေအနေ၊ အ ချိန်အခါအရ ပြောင်းလဲလာကတ်စွာကို စောင့်ကြည့်သင့် ပါရေဆိုပြီးနာ မယုတ်မလွန်ပြောဖူးခပါရေ။ သူက တော့ အေချင့်စွာလုံးဝမဖြစ်သင့် ကြောင်း။ မိမိရို့ ရည်မှန်းချက်ပန်းတိုင်ကိုလားရေလမ်းမာ ဇာအကြောင်း ကြောင်းကြောင့်နန့်မဆို ဇဝေဇ၀ါမဖြစ်သင့်ကြောင်း၊ အေချင့်စွာအမျိုးသားတော်လှန်ရီးအ တွက် ရေရှည်မာ အန္တရာယ်ဖြစ်နိုင်ကြောင်းတိကို ထောက်ပြ ခဖူးပါရေ။

ဂနိလက်ဟိအခြေအနေတိကို ပြန်ကြည့်ကေ ကျနော်လည်းသူ့ပိုင် တရက်ထက် တရက်ခံစားလာရပါရေ။ ယင်း ကြောင့် ရုပ်သီးရုပ်တော်လှန်ရေးသမားတိဘ၀ ကို ရောက်မှန်းမသိရောက်နီကတ်တေဘ၀တိက အယင်ဆုံးရုန်း ထွက်ပနာ အမျိုးသား တော်လှန်ရီးခရီးကို ပြန်အသက်သွင်းကတ်ဖို့ တာဝန်ယူလုပ်ကိုင်နီကတ်တေ ပုဂ္ဂိုလ် အပေါင်းရို့ကို စေတနာမှန်နန့် ရိုးသားပွင့်လင်းစွာ ပြောချင်ပါရေ။

နောက်ဆုံးမာ အချိန်မီမပြုပြင်ကေ ဗမာပြည်နိုင်ငံရေးအသိုင်းအ၀ိုင်းမာလည်း ကပ်မကျ၊ ရခိုင်ပြည်သူပါးမာ လည်း မျက်နှာမရဘဲနန့်၊ ”ဓါးလည်းမရ၊ ဖွတ်လည်းဆုံး” ဆိုရေအဖြစ်မျိုး ဆိုးကျိုးတိကို ဧကန်မုချတွိ ကတ်ရပါ ဖို့။ ဂနိကမ္ဘာကြီးကို နည်းပညာခေတ်၊ အိုင်တီခေတ်လို့ ပြောနီကတ်တေကာလမာ လက်ဟိ ရခိုင့်တော်လှန် ရီးပါတီတိ၊ အဖွဲ့အစည်းတိနန့် ပြည်သူတိကြားထဲက ဆက်သွယ်ရေးကတော့ အထက်မာ ကျနော် ဖော်ပြခရေ ကဗျာချေပိုင် -

ပါပီကလေး ပုတုတု
သူ့ စကားက ၀ုဝု
သူ့ စကားလူမသိ
လူ့ စကား သူမသိ
သနားပါဘိ။


ခိုင်နောင်ဂျိန်

တော်လှန်ရီးသမားတိုင်းကိုပြောစွာမဟုတ်ပါနှမ်း။ ယကေလေ့ မတရား လူ ”ထိပ်” ပါရာ။ ရခိုင်ပြည်လွတ်မြောက်ရေးအတွက် တောထဲမာ ဆင်းရဲဒုက္ခမျိုးစုံကို ခါးစည်းခံပြီးကေ အသက်ကိုစွန့်တိုက်ပွဲဝင်နီကတ်တေ ရဲဖော်အပေါင်းကို အစိုင်လေးစားလျှက်ပါရာ။

Puppy and Parties!!!!

ပါပီကလေး ပုတုတု
သူ့ စကားက ၀ုဝု
သူ့ စကားလူမသိ
လူ့ စကား သူမသိ
သနားပါဘိ။


အေကဗျာချေစွာ ကျနော်ရို့အချေမူလတန်းကျောင်းသားဘ၀ခါ ဆိုလို့ကောင်းရေ အတွက်ကျောင်းသားတိုင်းနီးပါးအလွတ်ရလီကတ်ဖို့ထင်ပါရေ၊ အဓိပါယ်ကလည်း လွယ်ရေ။ ရှင်းလည်းရှင်းရေအတွက် အချေတိအတွက် မျက်စိထဲမှာ ကွင်းကွင်းကွက် ကွက်မြင်ပြီးကေ ခံစားလည်းခံစားနိုင်ပါရေ။ ကျနော်ဇာဖြစ်လို့ ဒေကဗျာချေကို ပြန် ပြောင်းသတိရလာလဲဆိုကေ အဓိကအရင်းခံကတော့ ရခိုင့်တော်လှန်ရီးအကြောင်း ကို လက်ဟိရခိုင့်တော်လှန်ရီးပါတီ၊ အဖွဲ့အစည်းတိ အခြေအနေတိကို စိုင်းစားယင်း၊ စိုင်းစားယင်းနန့် အေနီရာကိုရောက်လာရစွာပါ။
အေနိထက်ထိ ရခိုင်ပြည်နန့်ရခိုင်လူမျိုးအတွက်ဆိုပြီးလုပ်နီကတ်တေ ရခိုင့်တော် လှန်ရီးပါတီတိ၊ အဖွဲ့အစည်းတိ ရွီလို့မရလောက်အောင်ဟိပါရေ။ ယေဒါလေ့ ဂနိ ရခိုင် ဇာဖြစ်နီလေ။ အမြင့်က အောက်ကိုရောက်လာရေ။ ရှိကနီနောက်ကိုရောက်လာ ရေ။ အဂုဆိုကေ ရခိုင့်တော်လှန်ရီးအခင်းအကျင်း၊ အခြီအနီစွာ ဗမာပြည်အသိုင်း အ၀ိုင်းကြားမှာတောင် ”ချဘိတ်”အဆင့်မှာပါ။ သင်္ချာဗေဒနန့်ဆိုကေ အနှုတ်ဇာ လောက်ပြလို့ဟိလီလေးမသိယာ။ အောက်သားတိက ကမ္ဘာမာရာနောက်ကျကေ လည်း ဗမာပြည်မာ ထိပ်က။

ဇာကြောင့် ဂုပိုင်ဖြစ်ရလဲဆိုစွာတိကိုကြည့်ကေ အမြင်အမျိုးမျိုး၊ အထင်အမျိုးမျိုး၊ အသံအမျိုးမျိုးတိကို နားနန့်မကန်အောင် ကြားကတ်ရပါဖို့ယေ။ အေချင့်ကတော့ လူ့သဘာဝပါ။ မြင်ပိုင်၊ ထင်ပိုင်၊ ပြောပိုင်ခွင့်ဟိစွာ လူ့အခွင့်အရေးတခုပါ။ ကျနော် စိုင်းစားမိစွာတိကတော့ ဂုပိုင်ဖြစ်လာရစွာရေ ရခိုင်လူမျိုးတိကိုယ်တိုင်က နိုင်ငံရီးကို စိတ်မ၀င်စားကတ်လို့လား၊ ပါတီ အဖွဲ့အစည်းအတိကြားမှာ စည်းလုံးညီညွတ်မှုမဟိ ကတ်လို့လား၊ လက်ဟိခေါင်းဆောင်တိ အရည်အချင်းမဟိကတ်လို့လား၊ မဟုတ်ကေ ရခိုင့်နိုင်ငံရီးကိုစိတ်ဝင်စားမှု ယုတ်လျော့လာကတ်လို့လား၊ ယပိုင်ဆိုကေ နောက် ထပ်ခေါင်းဆောင်ချေတိကိုကား မွီးထုတ်ပီးကတ်ဖို့ တမျိုးတဖုံပြန်မစိုင်းစားကတ်ယာ လား ~~~~~~~~~~~~ ယင်းပိုင်~~~~~ယင်းပိုင် လားပေါင်းများစွာနန့် စိုင်းစားမိပေါင်းလည်း ရွီလို့မရလိုက်ပါယာ။ လက်ဟိအခြေအနေမာဆိုကေ ရခိုင့် တော်လှန်ရီးအင်အားစုစွာ ခြာချိုင်ချေနန့်တူပိုင်မြင်ပါယက်ထော။ ခါး မဟိ။ ဇာပင် ဖြစ်ဖြစ် အေယှင့်ကိုလောလောစိုင် ထားလိုက်ပါ။

ကျနော့အမြင်တဖေ့သျှေကို ဆွေးနွေးကြည့်ပါမေ။ ပထမအချက်က ရခိုင့်တော်လှန်ရီး ကို အင်(န်)ဂျီအိုတိ ဖေ့သျှာတစိချေပြပနာ ဖျက်ဆီးလိုက်တေ၊ ဒုတိယအချက်က ရခိုင့်တော်လှန်ရီးကို ဗမာ့ဒီမိုကရေစီ ပြဒါးကျလားခရေလို့ထင်ပါရေ။

အင်(န်)ဂျီအိုတိ ခေတ်မစားခင် ရခိုင်ပြည်မာ ၀တုတ်စားပြီးကေတိုက်နီခကတ်တေ ပြောက်ကျားတိ ရွာတိုင်းနီးပါးမာဟိခရေ။ မင်းပြား၊ ရသေ့တောင် စရေမြို့တိကိုတောင် တက်သိမ်းခပနာ အောက်သားအစိုးရ ဘဏ်တိကိုဝင်သိမ်း၊ ဆင်းရဲရေပြည်သူတိကို အလုပ်အကျွေ့းပြုခကတ်တေ။ တော်ရုံတန်ရုံပလိပ်၊ စစ်သားသုံးလေးကောင်လောက်နန့် ကျွန်းတိကိုလားဖို့စွာကို ဖင်တုန်အောင်ကြောက်ခကတ်တေ။ ပြည်သူတိ အားရ၀မ်းသာဖြစ်လိုက်ကတ်တေပင်။

ပြောက်ကျားတိအတွက်ဆန်၊ ထမင်း၊ ငါး၊ ဟင်းကအစ အိမ်တိုင်းမာဟိခကတ်တေ။ ဘုန်းကြီးကျောင်းတိုင်းမာ ဟိခကတ်တေ။ အထူးသဖြင့် ကျွန်းရွာချေတိမာဖြစ်တေ။ အေချင့်တိစွာ ရခိုင်ပြည်သူတိ နိုင်ငံရေးတက်ကြွမှုနန့် အမှန်တရားကို ချစ်မြတ်နိုးစွာ တိကို ပြသစွာဖြစ်ပါရေ။ အေအခြင်းအရာ အဖြစ်အပျက်တိစွာ ၁၉၇၀ ခုနှစ်ဝန်းကျင် လောက်ထိ ရခိုင်ပြည်နန့် ရခိုင့်တော်လှန်ရီးအခြေအနေ တစိတစောင်းချေပါ။

လွန်ခရေနှစ်စိချေလောက်က ရခိုင်အမျိုးသားတရပ်လုံး လိုလားတောင့်တနီရေ အမျိုးသားစည်းလုံးညီညွတ်မှုကိုအခြီခံရေ တပ်ပေါင်းစုတခု အင်(န်)ဂျီအိုအားကိုးနန့် ဖြစ်တော့ဖြစ်လီခပါရေ။ ယေဒါလေ့ ယင်းတပ်ပေါင်းစုရေ သန္ဓေစတေရေလောက်ကပင် စောင်းဂီစောင်းဂန်းနန့်တည်ပြီးကေ အချိန်မစိ၊ လမပြည့်ဘဲ အန်(င်)ဂျီအိုညှစ်အားနန့်မွီးလာစွာဖြစ်လို့ ရောဂါဘယတိ၊ အမှောင့်ပယောဂတိ သောင်းခြောက်ထောင်လောက်နန့် မွီးရာပါကာလနာရောဂါထက်တောင်ဆိုးပါသိမ့်ရေ။ ယင်းဗိုင်းရပ်(စ်)ပိုးတိကိုယှင်းထုတ်ဖို့ နည်းပညာရှာမတွိကတ်ပါသိမ့်။ စည်းလုံးညီညွတ်ရေးလမ်းကြောင်းကိုရောက်ကတ်ရဖို့အစား အချင်းချင်းတိုက်ခိုက်ပျက်သုဉ်းရေးလမ်းကြောင်းကို ဦးတည်နီကတ်တေလို့ဆိုကေ ကောင်းတော့လွန်ဖို့မထင်။ အေချင့်စွာ ပြည်သူ့ဆန္ဒအစစ်အမှန်ကိုအခြီမခံခကတ်ဘဲ မိမိရို့ထင်ရာ၊ မြင်ရာကိုစိုင်းခကတ်လို့ ရလာရေဆိုးကျိုးတိဖြစ်ပါရေ။ အစကပင် ပြည်သူ့ဆန္ဒကို အခြီခံပနာ ပြည်သူ့အားနန့်တည်ဆောက်ခဖို့ဆိုကေ ယင်းမကောင်းဆိုးဝါး ဗိုင်းရပ်(စ်)ပိုးတိကို ပြည်သူတိကလည်း အကပ်ခံလီကတ်ဖို့မထင်။ လစိ၊ နိစိနန့် ခွန်အားဗလပြည့်ဝရေ ရခိုင်တပ်ပေါင်းစုကြီးတခု မွီးဖွားသန့်စင်လီဖို့ထင်ယင့်။

ယင်းနောက်ပိုင်းမှာ ဇာတိဖြစ်လာကတ်လဲဆိုကေ ဂုနားကပြောခရေပိုင် ပြောက်ကျား တိလမ်းလိုက်မှားလာကတ်တေ။ တောထဲကနီပြီးကေ မြို့ထက်ရောက်လာကတ်တေ၊ မြို့ထက်ကနီပြီး ဟော်တည်ထက်တိကို ရောက်လာကတ်တေ၊ အချင်းချင်း စားခွက် လု ရန်စောင်လာကတ်တေ။ စားခွက်မရရေအဖွဲ့က အောက်သားပါးမာ လက်နက်ချ ဒူးထောက်တေ။ ပြည်သူအကျိုး၊ အမျိုးသားအကျိုးထက် ကိုယ့်အကျိုးစီးပွါးအတွက် တော်လှန်ရီးကို အသုံးချလာကတ်တေ။ ဒီမိုကရေစီကို ပါးစပ်ကလူကြားကောင်း အောင် အော်ပနာ မိမိရို့ကိုယ်၌က အာဏာရှင်ဆန်နီကတ်တေစွာတိ အများကြီး။

ယင်းပိုင် ယင်းပိုင်နန့် ပြည်သူနန့် တော်လှန်ရီးသမားတိကြားမာ ကင်းကွာမှန်းမသိ ကင်းကွာလာရေ၊ အဆက်အဆံ နည်းလာရေ၊ တော်လှန်ရီးအဖွဲ့အစည်းတိက ဇာ လုပ်လို့ ဇာကိုင်နီကတ်မှန်းပြည်သူတိ တခုလည်းမသိ။ ပြည်သူတိ ဇာကိုလိုချင် ရေလဲဆိုစွာကို တော်လှန်ရီးသမားတိ အတွက်မခံ(မစိုင်းစား)။ အောက်သား ဒီမိုက ရေစီ ပြဒါးကျပနာ ကိုယ့်ရည်မှန်းချက်၊ ဦးတည်ချက်တိ အခြီမခိုင် ယိုင်နဲ့လာကတ် တေ၊ အန္တိမရည်မှန်းချက် ဇဝေဇ၀ါဖြစ်လာရေ။ ကျနော် ကာလံဒေသံ၊ ဧကံဓနံ ဆိုရေ အယူအဆ အတွေးအခေါ်ကို အတိုင်းအတာတခုအထိလက်ခံပါရေ။ တခါက မိတ် ဆွေတယောက်နန့် ဒေကိစ္စကို ဆွေးနွေးဖြစ်ခကတ်ပါရေ။ ယေခါ သူက တော်လှန်ရီး သမားတိ အခြေအနေပြောင်းလဲလာကတ်စွာကို ထောက်ပြပါရေ။ ယေဒါလည်း ကျနော်က အခြေအနေ၊ အချိန်အခါအရ ပြောင်းလဲလာကတ်စွာကို စောင့်ကြည့်သင့် ပါရေဆိုပြီးနာ မယုတ်မလွန်ပြောခပါရေ။ သူကတော့ အေချင့်စွာလုံးဝမဖြစ်သင့် ကြောင်း။ မိမိရို့ ရည်မှန်းချက်ပန်းတိုင်ကိုလားရေလမ်းမာ ဇာအကြောင်းကြောင်း ကြောင့်နန့်မဆို ဇဝေဇ၀ါမဖြစ်သင့်ကြောင်း၊ အေချင့်စွာအမျိုးသားတော်လှန်ရီးအ တွက် ရေရှည်မာအန္တရာယ်ဖြစ်နိုင်ကြောင်းတိကို ထောက်ပြ ခဖူးပါရေ။

ဂနိလက်ဟိအခြေအနေတိကို ပြန်ကြည့်ကေ ကျနော်လည်းသူ့ပိုင် တရက်ထက် တရက်ခံစားလာရပါရေ။ ယင်းကြောင့် ရုပ်သီးရုပ်တော်လှန်ရေးသမားတိဘ၀ ကို ရောက်မှန်းမသိရောက်နီကတ်တေဘ၀တိက အယင်ဆုံးရုန်းထွက်ပနာ အမျိုးသား တော်လှန်ရီးခရီးကို ပြန်အသက်သွင်းကတ်ဖို့ တာဝန်ယူလုပ်ကိုင်နီကတ်တေ ပုဂ္ဂိုလ် အပေါင်းရို့ကို စေတနာမှန်နန့် ရိုးသားပွင့်လင်းစွာ ပြောချင်ပါရေ။

နောက်ဆုံးမာ အချိန်မီမပြုပြင်ကေ ”ဓါးလည်းမရ၊ ဖွတ်လည်းဆုံး” ဆိုရေအဖြစ်မျိုး ဆိုးကျိုးတိကို ဧကန်မုချတွိကတ်ရပါဖို့။ ဂနိလက်ဟိ ရခိုင့်တော်လှန်ရီးပါတီတိ၊ အဖွဲ့အစည်းတိနန့် ပြည်သူတိကြားထဲက ဆက်သွယ်ရေးကတော့ အထက်မာ ကျနော် ဖော်ပြခရေ ကဗျာချေပိုင် -

ပါပီကလေး ပုတုတု
သူ့ စကားက ၀ုဝု
သူ့ စကားလူမသိ
လူ့ စကား သူမသိ
သနားပါဘိ။

ခိုင်နောင်ဂျိန်
တော်လှန်ရီးသမားတိုင်းကိုပြောစွာမဟုတ်ပါနှမ်း။ ယကေလေ့ မတရား လူ ”ထိပ်” ပါရာ၊