fredag 24. desember 2010

နီရာယူ....အသင့်ပျင်....

အော်....

ဒီဇင်္ဘာ....ဒီဇင်္ဘာ....

ဆိုးလိုက်တေ ကံကြမ္မာ

မဟာဗမာ အမွီဆိုး

ငရို့အမျိုး....ကျွန်လူမျိုး....။



အော်....

ဒီဇင်္ဘာ....ဒီဇင်္ဘာ....

လာပြန်ယာ တခါ

ဒေကြမ္မာဆိုး

ငရို့ မရိုက်ချိုးကတ်ယာလား....။



နိုးထဂတ်ဖိ....

ရုန်းကြွဂတ်ဖိ....

မချိရေကြားက

ဟိသမျှအားနန့် လှော်ဂတ်မေ

အဖ ရခိုင်ပြည်ထိလေ။



တော်လှန်ရေးသစ္စာနန့် -

free4waddy

လူအားလို့ လက်ယားနီသည်။

ဒေနိခါ wild tv program မာ ပြလားရေ အစီအစိုင်ချေတခုကိုကြည့်ဘနာ ဆက်စပ်စိုင်းစားမိလားရေ အကြောင်းချေတိကို ရွီးပြပါမေ။ တီဗွီထဲမာ ကျွဲချေတကောင် အမိဝမ်းကမွီးလို့ အချင်းတောင် အစိမ်းလလတ်ပါသိမ့်။ ယိုင်ပီယိုင်ပါးနန့် တောထဲမာ လမ်းလျှောက်နီဘာရေ။ ယင်းကျွဲချေကို တောစပ်ကခြင်္သေ့မတကောင်က ချောင်းနီရေ။ တချက်ချေရာကြာရေ…ယင်းခြင်္သေ့မက ယင်းကျွဲချေကို အလွယ့်ချေ ဖမ်းစားပလိုက်တေ။ (ဒေချင့်က တီဗွီမာ မြင်လိုက်ရရေ မြင်ကွင်း)



ကျွဲချေခမာ အမိဝမ်းကကျလို့ လောကကြီးအလှကို မှုံရီမှုံဝါးကြည့်ဘနာ လမ်းစမ်းလျှောက်ကြည့်နီရေအချိန်။ တောစတဖက်က ခြင်္သေ့မ ကျွဲချေကိုချောင်းနီရေ။ ယင်းမြင်ကွင်းကို အကျွန်ရို့အားလုံးမြင်နီရရေ။ ယင်းနီရာမာရာ အကျွန်ရို့ရခိုင်လူမျိုးထဲက၊ ဗုဒ္ဓဘာသာထဲက တယောက်ယောက်ဟိခဖို့ဆိုဂေ ခြင်္သေ့မအစာတထပ်မစားရစွာကို ဂရုမစိုက်ဘဲ ကျွဲချေတဘ၀ အသက်ဟြင်သန်ဖို့လမ်းကို ရွီးချယ်ဘနာ ခြသေ့င်္မလန့်လားအောင် ဟိုင်းးးး ဟိုင်းးးးဆိုဘနာ အသံပီးလို့ဖြစ်ဖြစ်၊ ကျောက်ခဲနန့်ဖြစ်ဖြစ် ပစ်ဘနာ လုပ်ပလိုက်ကတ်ဖို့စွာသေချာရေ။



ယေကေလေ့ ဒေနိ တိရိစ္ဆာန်အခွင့်အရေးကိုလှုပ်ယှားပါရေဆိုရေလူတိအနီနန့် မလုပ်ခ။ ဇာဖြစ်လို့လဲ……ဒေသတင်းအချက်အလက်တိကို ရယူဖို့ ဗီဒီယိုရိုက်ခရေလူတိစွာရေ တိရိစ္ဆာန်အခွင့်အရေးကို လှုပ်ယှားနီဘာရေဆိုဘနာ ကမ္ဘာမာကြွီးကြော်ထားဂတ်တေ လူတိဖြစ်တေ။ ယင်းနီရာမာ ကျွဲချေတကောင်တန်ဖိုး၊ အသက်တချောင်းကို ယင်းသူရို့တိ ဂရုမစိုက်။ ဇာကို ဂရုစိုက်လေ့ဆိုဂေ ယင်းသူရို့အတွက် သတင်းအချက်အလက်ချေတခု ရဖို့စွာကိုရာ စိတ်ဝင်စားရေ။ (ဂနိ ဒီမိုကရေစီလို့အော်နီကတ်တေ မဟာဗမာ့သတင်းမီဒီယာတချို့ပိုင်)



တိရိစ္ဆာန်အခွင့်အရေးကို လှုပ်ယှားနီပါရေဆိုရေလူတိက တိရိစ္ဆာန်တကောင်သီဖို့စွာကို ကိုယ့်ထမင်းအိုးလောက် တန်ဖိုးမထား။ ယင်းပိုင်ယာ ဂနိကမ္ဘာမာ လူသားချင်းတန်းတူရေး၊ လူ့အခွင့်အရေးဆိုဘနာ ကုလားဆိုးတိကို အော်ပီးနီကတ်တေအကောင်တိကို တချက်လားပြောကြည့်ခီ။ ယင်းကုလားဆိုးတိကို လူသားချင်းတန်းတူအခွင့်အရေးဟိရေဆိုဘနာ မင်းရို့နိုင်ငံမာ ထားလိုက်ဆိုဂေ တနိုင်ငံကလေ့ လက်ခံဖို့မဟုတ်ယေ။



ယင်းပိုင်ယာ ကျွဲချေပိုင်အဖြစ်မျိုးရောက်နီရေ ငရို့ဘ၀ကို အောက်ချီးခြင်္သေ့မက တခါလေ့သနားလီဖို့မဟုတ်။ လူကြားကောင်းအောင် အော်နီဂတ်တေ နိုင်ငံတကာအဖွဲ့အစည်းတိကလေ့ သူရို့ထမင်းအိုးကွဲဖို့၊ အကျိုးစီးပွါးထိခိုက်ဖို့ဆိုဂေ လက်ပိုက်ကြည့်နီဂတ်ဖို့စွာမာမလွဲ။ ယင်းဇူးနန့် အရာ အရာစွာတိကိုလေ့ ကိုယ်ရို့စွာကိုယ်ရို့ စိုင်းစားဆင်ခြင်လီဂတ်ပါဖိ…..(ဥပမာ ဖက်ဒရယ်ရို့…ပဌမ၊ ဒုတိယ ပိန်လုံညီလာခံချေတိက အစပယေ…)

“ငရို့ကို ငရို့ကလွဲပြီးကေ တကောင်လေ့ မကူညီ”

အားလုံးကိုလေးစားစွာနန့် -

Free4waddy

lørdag 27. november 2010

ရခိုင်နန့် ဖက်ဒရယ်

ရခိုင်တိ ဆုံယှုံးနီရေ အချုပ်အခြာအာဏာစွာ“ရွှီတုံး” နန့် တူပြီးဂေ၊ ဂနိဗမာတချို့အပါအ၀င် တခြားတိုင်းရင်းသားတိတောင်းဆိုနီဂတ်တေ ဖက်ဒရယ်ပြည်ထောင်စုဆိုစွာ “ကြီးတုံး” အဆင့်ရာဟိရေ။ အောက်ချီးတိနန့်ပေါင်းကေ “ကြီးတုံး” က “ချီးတုံး” ဖြစ်လားဖို့စွာသေချာရေ။ စနစ်ကိုယုံရေ၊ လူကို မယုံ။

နောက်တချက်က တခြားတိုင်းရင်းသားမာ ပထ၀ီအနီအထားအရ သူရို့ခထောက်မာသူရို့ ရေဟြည်ရပ်တည်နိုင်ဖို့အခက်အခဲဟိရေ။ အောက်ချီးမာ ပိုဆိုးရေ။ အောက်ချီးပြည်က ထွက်ကုန်ဆိုလို့ ထန်းရည်နန့် မြက်ခြောက် ရာဟိရေ။ ယင်း ထန်းရည်နန့်မြက်ခြောက်ကို ပြည်ပကိုတင်ပို့ဖို့ဆိုဂေတောင်မ ရခိုင်နန့်မွန်က သီးခြားခွဲထွက်လားဂေ အောက်ချီးပြည်စွာ လာအိုနိုင်ငံရို့ပိုင် ကုန်းတွင်းပိတ်နိုင်ငံဖြစ်လားဖို့။ ယင်းချင့်ကို အောက်ချီးတချို့ကမြင်ဘနာ ဖက်ဒရယ်လို့အော်ရေ။ ယင်းဇူးနန့် ဖက်ဒရယ်စနစ်ဆိုစွာကို အောက်ချီးတချို့နန့် တခြားတိုင်းရင်းသားတိက ကျွန်းကိုင်းမှီ၊ ကိုင်းကျွန်းမှီ သဖောမျိုးနန့် မချစ်ကေလေ့ အောင့်ဘနာနမ်းနီဂတ်စွာရာဖြစ်တေ။ တယောက်ကိုတယောက် မခွဲနိုင်၊ မခွာနိုင်လောက်အောင် ချစ်လို့မဟုတ်။

ရခိုင်တိအနီနန့် ဒေအချိန်မာ ဟိုယောင်ယောင် ဒေယောင်ယောင်လုပ်နီဖို့အချိန်မဟုတ်ယာ။ ရခိုင်ပြည်ကျွန်ဘ၀ကလွတ်မြောက်ပြီးဂေ ခေတ်မီ၊ သာယာ၊ ဖွံ့ဖြိုး၊ တိုးတက်၊ အီးချမ်းရေ ရခိုင်နိုင်ငံပြန်တည်ထောင်ဖို့ကိုရာ လုံးဝ(လုံးဝ) အာရုံစူးစိုက်သင့်ရေ။ ရခိုင်ပြည်ကို ကိုယ်စားပြုနီရေပါတီတိ၊ အဖွဲ့အစည်းတိအားလုံး “ဘုံ” ရည်မှန်းချက်တခုရာ ဟိသင့်ရေ။ ယင်းလောက်ယာ.....

free4waddy

torsdag 18. november 2010

ရခိုင်စာပီ ဟြင်သန်ဘာဇီ.....

လူမျိုးတမျိုးအနီနန့် တခြားလူမျိုးတိကို တန်းတူရပ်တည်နိုင်ဖို့ ဘာသာစကားနန့် စာပီစွာ အသက်လောက်အရေးကြီးဘာရေ။ ဘာသာစကားဟိပြီးကေ စာပီမဟိရေလူမျိုးချေတိ အကျွန်ရို့မျိုးနွယ်ထဲမာ ဇာပိုင်အခြေအနေဟိဂတ်တေလဲဆိုစွာကို မျက်စိမာတချက်ချေ အယင် မြင်ဂတ်ပါ။ သူရို့တိ ဘ၀အခြေအနီ၊ နီထိုင်စားသောက်မှုအဆင့်အတန်း၊ လူရာဝင်မှု၊ မ၀င်မှုတိကို မျက်စိမာကြောင်းလို့ မြင်မိဂတ်ဖို့ထင်ဘာရေ။ (ဒေပိုင်ပြောရစွာသည် သူရို့တိကိုနှိမ်ချင်လို့ အထင်သေးလို့မဟုတ်ပါ။ အပါးဆုံးဥပမာချေတခုကို ထိုးပြလိုက်စွာရာဖြစ်ပါရေ။)

စကားဆိုစွာက လူချင်းတွိမပြောလို့ရစွာဖြစ်ပြီးကေ စာပီဆိုစွာက လူမပါဘဲ လီထဲမာအတိုင်းအဆမဟိ ပြောလို့ရရေဆိုစွာကို ဒေစာကသက်သီပြနီဘာရေဒေ။


ရခိုင်စာပီစွာ ဗမာပြည်ထဲက ကရင်၊ ကချင်၊ ကယား၊ ချင်းတိမာပိုင် တခုချေလေ့မဟိစွာက အသစ်စရစွာ မဟုတ်ပါ။ ဟိပြီးသား သံချီးတက်နီရေဓါးချေကို ပြန်သွီးရေအဆင့်လောက်ရာဟိဘာရေ။ ယကေလေ့ ဂနိ ယင်းပြန်သွီးဖို့အဆင့်ချေလောက်မာ အဓိကပြဿနာတခုက လီယူလီသိမ်း ပြဿနာလို့ အကြမ်းဖျင်းယူဆလို့ရဘာရေ။ ဒေပြဿနာက လူမျိုးတိုင်း၊ နိုင်ငံတိုင်းမာ ကြုံနီဂတ်ရစွာပါ။ အကျွန်ရို့မာ အဓိက အဟန့်အတားဖြစ်နီစွာက တောင်ပိုင်း၊ မြောက်ပိုင်းဆိုရေ ဒေသစွဲအခြီခံပြဿနာ။ ဒေနီရာမာ အကျွန်တခုပြောချင်စွာက သံတွဲမာပင်နီနီ၊ မောင်တောမာပင်နီနီ ရခိုင်မျိုးရိုးကမွီးလာကေ အားလုံးရခိုင်သားပါယာ။ ရခိုင်သမိုင်းမာ တောင်ပိုင်း၊ မြောက်ပိုင်းစစ်ပွဲဆိုဘနာ အမေရိကန်မာပိုင် ဖြစ်ခစွာလေ့မဟိခ၊ တောင်ပိုင်းသားပြောရေစကားကို မြောက်ပိုင်းသားနားမလည်ဆိုစွာလေ့ မဟိပိုင်၊ မြောက်ပိုင်းသားပြောရေစကားကိုတောင်ပိုင်းသားတိနားမလည်ဆိုစွာလေ့ မဟိသလောက်ရှားရေ။ ယင်းပိုင်ဆိုကေ ဇာဖြစ်လို့ “ဘုံ” စာပီတခု ပြန်ဟြင်သန်လာအောင် မလုပ်နိုင်ဘဲနီရပါဖို့လဲ။ ဒေနီရာမာ အချင်းချင်းကြားထဲမာ နားလည်မှုတခုလိုအပ်နီစွာက


“တောင်ပိုင်းသားတိကလေ့ မြောက်ပိုင်းလီသံကို ရခိုင်စာပီအဖြစ်ပြန်ဖော်ထုတ်ဖို့ကြိုးစားနီရေလို့ မမြင်မိဖို့လိုရေပိုင်၊ မြောက်ပိုင်းသားတိကလေ့ တောင်ပိုင်းသားတိ လီယူလီသိမ်းကို အတိုင်းအတာ တခုထိနားလည်ခွင့်လွှတ်ပီးကတ်ရဖို့”လို့မြင်ဘာရေ။


ယကေလေ့ “ ဘယ်ကလာသလဲ၊ ဘယ်နယ်ကလဲ” ဆိုရေ အသုံးအနှုန်းတိကို ရှောင်ရှားပနာ အဓိကရည်မှန်းချက်ပန်းတိုင်ဖြစ်တေ ရခိုင်စာပီပြန်ဟြင်သန်ရေးကို အာရုံစိုက်ပနာရွီးလားကေ မကြာရေတနိန့်မာ ရုပ်လုံးပေါ်လာဖို့လုံးဝယုံကြည်ဘာရေ။ တောင်ပိုင်း၊ မြောက်ပိုင်းဆိုရေ အတွေးအခေါ်ရေ မသမာရေအကောင်တိ၊ လူစိတ်မဟိရေအကောင်တိ သွီးထိုးလှုံ့ဆော်ပီးမှုရာဖြစ်ပါရေ။ ဂနိလူငယ်ချေတိကြားထဲမာ ယင်းအတွေးအခေါ်တိမဟိပါယာ။ ယင်းချင့်ကို ဇာကသက်သီပြနီလဲဆိုကေ ဂနိ ရခိုင့်တော်လှန်ရီးထဲမာ တောင်ပိုင်းကလူငယ်ချေတိ ဇာလောက်ပါနီတေဆိုစွာကို လေ့လာကြည့်ဂေ သိဘာလိမ့်မေ။ လီယူလီသိမ်းစိချေကွဲပြားနီစွာလောက်နန့် ဟြိဆက်မတိုးနိုင်ဂေ မျက်ဖြူဆိုက်လီ၊ ဆရာကြိုက်လီပါယာယေ။


လီယူလီသိမ်းကွဲပြားကတ်စွာတိကို အကျွန့်အတွိအကြုံကို စိချေတင်ပြပါမေ။ ဥပမာ ဗမာပြည်မာ ရထားကို အကျွန်ရို့ရခိုင်လူမျိုးတိက “ရထား”လို့ အသံထွက်ကတ်ပါရေ။ ရန်ကုန်တ၀ိုက်မာ “ယထား” ဆိုဘနာ အသံထွက်ကတ်တေ။ မော်လမြိုင်ဖက်ကိုရောက်လားခကေ “ယက်ထား” ဆိုဘနာ အသံထွက် ကတ်တေ။ ဇာလောက်ပင် လီယူလီသိမ်းကွဲကွဲ ဂနိဗမာပြည်မာ “မြန်မာစာ”ဆိုစွာ ဘုံစာပီတခုအဖြစ်ရပ်တည်နီဘာရေ။ ဒေချင့်က လီယူလီသိမ်းကွဲကတ်စွာလောက်ပါသိမ့်။


လီယူလီသိမ်းထက်ပိုဆိုးစွာတိ ဟိပါသိမ့်ရေ။ ဥပမာ ထိုင်းနိုင်ငံဆိုပါဖိ။ မဲဆောက်မြို့ထဲမာ ဈီးလားလို့ (၂၅)ပြားတန်တခုကို ဇာလောက်ကျလဲလို့ မီးခီကေ ထိုင်းလူမျိုးတိက “ယဲ့ဆိဟ” (၂၅)ပြား လို့ပြောဘာရေ။ ယကေ ချင်းမိုင်ကိုရောက်လားခလို့ လားမီးခီကေ “ စောင်ဟ” လို့ ဖြေပါဖို့ယေ။ အဂုလက်ဟိ ကျနော်နီရေနိုင်ငံမာလေ့ ယင်းပိုင်ပါယာ။ ပထမ ကျနော်နိုင်ငံအလယ်ပိုင်းမာနီဘနာကျောင်းတက်ခခါ ယင်းဖက်ကလူတိ (၂၅)ကို “ချုယာဖန်း” လို့ ပြောဂတ်ပြီးကေ အဂုလက်ဟိ ကျနော်အလုပ်လုပ်နီရေ နိုင်ငံအနောက်ပိုင်းကလူတိကျဂေ “ဖန်း အော် တီးဗဲ” ဆိုပြီးကေ ပြောဂတ်တေ။


အကျွန် အလယ်ပိုင်းကပြောင်းလာခါစ ဘဏ်မာဖေ့သျှာ(၂၀၀၀) လားထုတ်ဖို့ပြောစွာကို စကားနားမလည်လို့ ဘဏ်က၀ါကျီးမ က ဘဏ်ထဲမာဟိသမျှဖေ့သျှာကို ထုတ်ပီးလိုက်တေ။ ဒေဂု အလုပ်ကိုစရောက်ခါစလေ့ အလုပ်ထဲကလူတိက အကျွန့်ကိုဇာပြောလဲဆိုကေ “မင်းပြောရေစကားက ငါရို့စကားမဟုတ်၊ ခက်က ခက်နန့်” ဇာဖြစ်တေ၊ ညာဖြစ်တေဆိုဘနာ ပြောခကတ်ပါရေ။ ဒေနိုင်ငံမာ အဂုထက်ထိ ယင်းပိုင်လီယူလီသိမ်းကွဲစွာတိကို ဒေသ(၁၉)ခု ခွဲဘနာ လေ့လာနီဂတ်တုန်းဘာသိမ့်။ အကျွန်ရို့မာက တောင်ပိုင်း၊ မြောက်ပိုင်းဆိုဘနာ (၂)ခုရာ ဟိပါသိမ့်ရေ။

လီသံဇာလောက်ပင်ကွဲကွဲ၊ ဝေါဟာရအသုံးအနှုံးဇာလောက်ပင်ကွာကွာ ဘုံစာပီတခုဟိနီလို့ ကမ္ဘာ့အလယ်မာ မျက်နှာမော့၊ ရင်ကော့နီကတ်စွာ မဟုတ်ပါလားချင့်။


နောက်တခုက

အကျွန်ရာ ယင်းပိုင်အပြောခံရလို့ ဒေကောင်တိနန့်အလုပ်အတူတူဆက်လုပ်လို့ရဖို့မဟုတ်ဆိုဘနာ ထွက်လားခကေ ဂုလောက်ဆိုကေ ထမင်းငတ်၊ ဟင်းငတ်နန့် လစန့်ကြောင်ချင်ဂေ ကြောင်လီယောက်မေ။ ယင်းဇူးနန့် အမျိုးသားအတွက် မဟိမဖြစ်လိုအပ်တေ၊ ကဂေါင်းလေ့အရေးကြီးရေ ရည်မှန်းချက်ပန်းတိုင်တခုကို ချီတက်နီဂတ်စွာမာ တယောက်ကိုတယောက် သည်းခံစိတ်ဟြည်ဘနာ အချင်းချင်းလက်တွဲလုပ်လားဂတ်ဖို့ အချိန်ကျနီဘာယာ။

ရခိုင်စာပီတခု အယင်ဆုံးပြန်လို့ဟြင်သန်လာအောင် ရခိုင်လူမျိုးတိုင်းမာ တာဝန်ဟိဘာရေ။ အားလုံးဝိုင်းလို့ ကြိုးစားဂတ်ပါမေ…..


အားလုံးကို လေးစားစွာနန့် -

free4waddy

mandag 15. november 2010

အောက်ချီးကိုးကွယ်ချင်ရေ လူတိသို့

အေအမ်ပီမာ ရခိုင်လူမျိုးတိကို လေ့စာချင်စိတ်၊ သိချင်၊ မြင်ချင်၊ တတ်ချင်စိတ်တိကို ၀လုံးခေါင်းမာထည့်ဘနာ ပိတ်ပင်ထားရေ။ အမြင်မကျယ်အောင် လုပ်ထားရေဆိုဘနာ တချို့ကပြောလို့ ဒေစာကိုရွီးလိုက်ရစွာ။ ယကေလေ့ ဇာပင်ဖြစ်ဖြစ် ဒေပိုင်စာရွီးချင်စိတ်ဖြစ်လာအောင် စိတ်ကိုဆွပီးရေအတွက် ကျေးဇူးတင်ဘာရေ။

အောက်ချီးအကြောင်းကို လေ့လာလာဂတ်စွာ နှစ်ပေါင်းဇာလောက်ကြာယာလဲ။ မွီးလောက်ကပင် မြင်နီရယာ။ အရာတခါ ကျောင်းမာ ၀သျှေတန်းကပင် သင်ချင်မှန်းမသိ၊ မသင်ချင်မှန်းမသိ ယင်းသူရို့အကြောင်းတိ၊ သမိုင်းတိကို မသင်မနီရ သင်ပါလတ်ကတ်ပြီးယာ။ ယင်းဇူးနန့် ဂနိကမ္ဘာမာဟိသမျှရခိုင်သားကို အောက်ချီး(Expert) လို့ ပြောလို့ရရေ။ ဂနိလေ့ ဇာနီရာမဆို အောက်ချီးအကြောင်းကို လေ့လာလို့ရရေ။ အောက်ချီးတိ ပစဟလောက်ကပင် အူမကိုမြင်ရေ။ ဒေနီရာမာ ရခိုင်နန့် တခြားပြင်ပကမ္ဘာက အကြောင်းတိကိုရာဆွေးနွေးပြောဆိုသင့်ရေ။ ယင်းအကောင်တိအကြောင်းရောက်ပါလတ်ကေ ဖွတ်ဝင်စွာထက်ဆိုးရေ။

ဗေဒင်ဆရာတော့ မဟုတ်။ ယကေလေ့တခုပြောခမေ။ ဖဆပလခေတ်မာ အောင်ဆန်းတိုင်းရင်းအရေးလုပ်လို့ အောက်ချီးတိလက်သပ်ပနာ ဂဠုန်ဦးစောကိုသတ်ခိုင်းပလိုက်တေ။ ယင်းခေတ်က အောင်ဆန်းကိုသတ်ဖို့ အောက်ချီးတိမာ ဂဠုန်ဦးစောတယောက်ရာဟိခရေ။ ဂနိ ဗမာပြည်မာ မဆိုကောင်း၊ ဆိုကောင်း ဒီမိုကရေစီရလာလို့ အောင်ဆန်းစုကြည်ရာ တိုင်းရင်းသားအရေးကို တချက်ဦးစားပီးဘနာလုပ်ကြည့်။ ဂဠုန်ဦးစောလက်သစ် အကောင်ပေါင်း သောင်းနန့်သိန်းနန့်ချီလို့ဟိရေ။ မယုံဂေ စောင့်ကြည့်။ ယင်းချင့်စွာ အောက်ချီးတိ နိုင်ငံရေးအခင်းအကျင်းယေ။ ကောင်း အ၀ီးကြီးလားကြည့်နီစရာမလို၊ လေ့လာနီစရာမလို။

ယင်းကောင်တိအကြောင်းကို ဦးစားပီးဘနာ ဒေနီရာမာ အကျယ်တ၀င့် ဆွေးနွေးနီစွာရေ ရခိုင်သားတိကို ဂျီဝိဂျီဝါဖြစ်လားနိုင်ရေ။ ယင်းကောင်တိကို အထင်ကြီးဘနာ ကိုးကွယ်ဖို့မျှော်လင့်နီစွာရေ ဇာနန့်လားတူလဲဆိုဂေ….
အောက်ချီးတိ ဦးရှင်ကြီးနတ်ကို ကိုးကွယ်နီစွာနန့် တူရေ။ အောက်ချီးတိမာ ရီလမ်းခရီးလားဖို့ဆိုကေ အန္တရယ်မကျရောက်အောင်၊ အန္တရယ်ကျရောက်ခကေလေ့ ကယ်ပါ၊ ကူပါဆိုဘနာ ဦးရှင်ကြီးနတ်ကို ပူဇော်ပသဂတ်တေ။ ဦးရှင်ကြီးဆိုရေနတ်စွာ ရီမြုပ်လို့သီရေနတ်လို့ လူများတိပြောစွာကို ကြားဖူးရေ။ ယပိုင်ဆိုဂေ ယင်းနတ်က ရီထဲမာ တခြားသူများတိ ဒုက္ခရောက်နီစွာကိုကူနိုင်ဖို့လား၊ မကူနိုင်လား အသေအချာစိုင်းစားပြီးမ ပူဇော်ပသကတ်။

စကားစပ်မိလို့ အရာတခုပြောပြလိုက်မေ။ တခါက မယူကမ်းက သဗ္ဗာန်တစီး ရသေ့တောင်က ဈီးဝယ်လို့အပြန် မယူမြစ်အလယ်လောက်ကိုရောက်တေခါ မုန်းတိုင်းမိရေလတ်။ ယေခါ သဗ္ဗာန်မာပါရေလူတိက ကြောက်ဘနာ ကျွီးကတ်တေ၊ အော်ကတ်တေ။ မယူရှင်မကယ်ပါ၊ ဘုရားကယ်ပါ၊ တရားကယ်ပါနန့် သဗ္ဗာန်ကို တခုပိုင်လေ့ထိမ်းလို့မရအောင် အော်နီဂတ်တေလတ်။ နောက်ဆုံးသဗ္ဗာန်သေက တခုပိုင်လေ့ထိမ်းလို့မရခါ ဒေါသထွက်ပြီးကေ “ ဟိုက်…ခလိုးသမီးတိ၊ ဒေအချိန်မာ နင်ရို့တိကို မယူရှင်မလေ့မကယ်နိုင်၊ ဘုရားလေ့မကယ်နိုင်။ ကယ်နိုင်စွာဆိုလို့ ဒေကောင် မောင်သာဖြူရာဟိရေကား။
ဟြိခိုးချင်ဂေ ငါ့ကိုခိုးဂတ်” ဆိုဘနာ ကောင်းဆဲပလိုက်မ သဗ္ဗာန်ငြိမ်ကျလားရေလတ်။ ရခိုင်လူမျိုးကို ရခိုင်ကလွဲပြီးကေ တကောင်လေ့ ဆာဒါခံဘနာ လာမကူဆိုစွာကို မှတ်ထား။

ယင်းဇူးနန့် တခုလေ့ဖြစ်လာဖို့မဟုတ်စွာကို သိယင့်သားနန့် ဆားမစားရ၊ ရီမစားရ အောက်ချီးအကြောင်းတိကို အော်နီဂတ်စွာတိရေ အကျိုးမဟိရေအပြင် ပိုလို့တောင်ဆိုးလားနိုင်ရေဆိုစွာကို သတိပြုဂတ်ဖို့လိုရေ။ ကိုယ်ရို့အကြောင်းကို အယင်သိအောင်လုပ်ကတ်ပါ။
( သဗ္ဗာန်သေနာမေကို တခြားနာမေတခု အစားထိုးလိုက်ပါရေ။)

Free4waddy

fredag 29. oktober 2010

အဖမြီ

(က)
အထင်ကရသမိုင်း
ဖျောက်ဖျက်မရရေသမိုင်း
ဂန္တ၀င်သမိုင်းများကို
ရင်ဖက်တိထဲမာ
ကိုယ်စီကိုယ်ငှ
ထိုးထွင်းထားဂတ်တေ….။
သမိုင်း ဆိုရေစကလုံးတိစွာ
ရိုးအီနီဂေလေ့သော့
“သမိုင်းဆိုစွာ ဇာတိမာန်”
ယင်းဇာတိမာန်ကို
သမိုင်းက မွီးပီးလိုက်တေ….။

(ခ)
မြီဖုံးခရေ မြို့ပြများ
ပြာဖုံးခရေ မြို့ပြများ
သွီးစွန်းခရေ မြို့ပြများ
ယင်း မြို့ပြတိစွာ
လူးလှိမ့်ဘနာ လှုပ်ယှား
ဓါးသွီးရေအသံတိ
ဘ၀ဂ်ညံဖို့ဒေ….။

(ဂ)
အစိုဉ်အလာကြီးမားခြင်း
ရွှီရောင်လွှမ်းရေ မြို့ပြများ၏
ယိုဉ်ကျေးမှု ပြယုဂ်တိစွာ
ငါရို့ နှလုံးသားထဲမာ
ငါရို့ သွီးသားထဲမာ
ခိုင်မာစွာ တည်ဟိ
ခြွီဖျက်မရရေ သမိုင်းခွန်အား
ဒေမြီစွာ
ငါရို့အဖမြီ….။

(ဃ)
ပြာဖြစ်လားရေ ရခိုင့်ရွှီနန်းတော်
ဒေမြီမာ ပြန်ဘနာကျရောက်ခ
ငါရို့သွီးများစွာ
နှလုံးသွီးသားတိနန့် တသားတည်းဖြစ်
ယုံကြည်သူရို့
အသက်နန့် ထုဆစ်ခဂတ်တေ
အတောက်ပဆုံး သမိုင်း
အခမ်းနားဆုံးသော သမိုင်းအဖြစ်
ရဲရင့်ရေ ရက္ခိတသွီးတိနန့် ထုဆစ်ကတ်
ဖျောက်ဖျက်မရရေ သမိုင်းတွန်းအား
ဒေမြီစွာ
ငါရို့ အဖမြီ….။

(င)
တော်လှန်သူရို့၏
သွီးတိ
ချွီးတိ
ဘ၀တိ
အသက်တိနန့် ထုဆစ်ကတ်ကေ
ရွှီရောင် နိန့်သစ်တိစွာ
ဂန္တ၀င်သစ်၏ အမှတ်တရ
ဂန္တ၀င်သစ်၏ အထင်ကရသမိုင်းဖြစ်ရဖို့ဒေ
မမိနိုင်ရေ သမိုင်းစွမ်းအား
ဒေမြီစွာ
ငါရို့ အဖမြီ….။

(စ)
ဒေမြီစွာ
ရက္ခိတမြီ
အဖမြီ
ဘူမိရက္ခိတ ပုတ္တရမြီ
ဂန္တ၀င်မြီ
ငါရို့မြီ
အို….အဖမြီ။

ခိုင်လင်း (မေဃ၀တီ) (၁၀၊ ၆၊ ၀၅)

tirsdag 12. oktober 2010

ဗုံး (Made by Arakan)

ခါတိုင်းနိဆို အလုပ်ကို နာရီခွဲပုံမှန်လမ်းလျှောက်နီကျ။ ဂနိမိုးထဖက် စိတ်ကူးသျှေတခုနန့် စိတ်တိတက်ကြွလာဘနာလျှောက်ပလိုက်စွာ(၂၅)မိနစ်နန့် ရောက်လားခရေ။ ယင်းစိတ်ကူးသျှေကတော့ မကြာခင်ထွက်လာဖို့ဟိရေ “ ဥဒါန်းမကျီ” နန့် ” ရိုးတောင်ထိပ်သို့ ဓါးမမိုးစီချင်” ဆိုရေ ရခိုင့်မျိုးချစ် အနုပိုင်ညာသျှင်တိ ဖန်တီးလိုက်တေ ရခိုင့်အနုပညာ“ဗုံး” တိဖြစ်တေ။“ ဒေ “ဗုံး” နှစ်လုံးစွာ ရခိုင်သူ၊ ရခိုင်သားတိ အတွက်တပ်လှန့်သံဖြစ်ပြီးကေ အောက်ချီးတိအတွက် စက်ကြီး(၁၃)ပါးထဲက ၀ရဇိန်လက်နက်၊ မိုးကြိုးစက်ပိုင် ယင်းကောင်တိကို မိုးကြိုးပစ်လိုက်စွာဖြစ်တေ။

ဂနိအချိန်မာ အောက်ချီးတိကို ရာစွာလက်နက်နန့် တိုက်ကတ်ရဖို့။ တော်လှန်ရီးတရပ်ဆိုစွာ တောထဲမာသနပ်ကိုင်လို့ တိုက်နီမှတော်လှန်ရီးမဟုတ်။ အမျိုးကိုချစ်ကေ ရရေလက်နက်၊ ဟိရေလက်နက်နန့်တိုက်လို့ရရေ။ ဂီတာကိုင်ရေလက်တိက ဂစ်တာနန့်တိုက်၊ ဘောလ်ပင်ကိုင်ရေလက်တိက ဘောလ်ပန်နန့်တိုက်၊ မြေဖြူကိုင်ရေလက်တိက မြေဖြူနန့်တိုက်ကတ်ရဖို့။

ယင်းပိုင်ယာ သစ္စာဖောက်ဆိုစွာလေ့ ရန်သူဘားမာ ဒူးထောက်လက်မြှောက်ဘနာ လက်နက်လားချရေအကောင်မ သစ္စာဖောက်မဟုတ်။ ရန်သူနန့် သမီးယောက္ဖပိုင်အလူးတလဲနီပနာ ရန်သူ့နန့်အကျိုးတူ (သို့) ရန်သူ့အကျိုးစီးပွါးကို ဒေါက်ထောက်ပီးနီရေအကောင်တိစွာလေ့ သစ္စာဖောက်ယာ။

ဂနိ ဂီတာကိုင်ရေလက်တိ၊ ဘောလ်ပန်ကိုင်ရေလက်တိ တော်လှန်ရီးစင်မြင့်ထက်ကိုတက်ပါလတ်ကတ်ယာထော….ဒေချင့်စွာ ဇာဘင်ပြောပြော တော်လှန်ရီးမာ တဆင့်တိုးတက်လာရေဆိုစွာကို တယောက်လေ့ငြင်းလို့မရ။ ဒေ သခြင်းသံတကို ကြားလိုက်စွာနန့်ိ အကျွန်ရို့နဂြော၊ ပဂြောတိစိမ့်လားရေပိုင် တခြားရခိုင်သားတိ နားထဲကိုရောက်လားခကေ…. အထူးသဖြင့် ပြည်တွင်းထဲက လူငယ်ချေတိရင်ထဲကို ထိုးဖောက်ဝင်ရောက်လားခကေ ငါရို့အနာဂါတ် ငါရို့လက်ထဲကိုရောက်လာဖို့စွာသေချာရေ။ ရန်သူနိုင်ငံနန့် ရန်သူစစ်တပ်ကို ချေမှုန်းနိုင်ဖို့အတွက် ပထမ ရန်သူဦးနှောက်ကို မလှုပ်နိုင်၊ မယှားနိုင်၊ ဂျီဝိဂျီဝါအခြေအနေပျက်လားအောင်လုပ်ရဖို့ဆိုဘနာ စစ်ဥပဒေသတိက ဆိုထားရေ။ ဂုလေ့ ဒေ “ဗုံး“ နှစ်လုံးကြောင့် အောက်ချီးတိ ဂျီဝိဂျီဝါမဖြစ်လားဂေတောင် အနည်းဆုံး “ နောက်ကုန်းကို ကျမွိနန့် အထောင်းခံရရေပိုင်”တော့ တွိလီဂတ်ဖို့စွာတော့ သေချာရေ။

ယင်းဇူးနန့် အဂုထွက်လာဖို့ အမျိုးသားရီးနန့်သက်ဆိုင်ရေသခြင်းတိကို အမျိုးသားရီးအသိနန့် ၀ယ်ယူအားပီးဂတ်ဖို့ တိုက်တွန်းရေ။ ပြောက်ကျားတိကို ထမင်းချေတနပ်၊ ဆလိပ်ချေတလိပ်၊ ဆတ်ကြေးချေ တပြားတချပ်ပီးမ အမျိုးသားရီး၊ တော်လှန်ရီးကို အားပီးစွာ၊ ထောက်ခံစွာမဟုတ်။ ဒေပိုင် အမျိုးသားရီးနန့်ဆိုင်ရေ ကိစ္စတိမာ ကိုယ်စွမ်း၊ ဥာဏ်စွမ်းဟိသလောက် ကူညီပံ့ပိုးပီးစွာလေ့ အမျိုးကိုချစ်ကြောင်း လက်တွိပြစွာနန့် အတူတူဖြစ်တေ။
အဂု အသစ်ထွက်လာဖို့ ၊ ဥဒါန်းမကျီ နန့် ရိုးတောင်ထပ်သို့ ဓါးမမိုးစီချင် ဆိုရေ “ဗုံး”နှစ်လုံးကို ရခိုင်သူ၊ ရခိုင်သားတိုင်း ဘယ်တလုံး၊ ညာတလုံးကိုင်ဘနာ အောက်ချီးတိနောက်ကုန်းကို ”ကျမွိနန့် ထောင်းပိုင်ထောင်းနိုင်ဂတ်ပါဇီ”

မျိုးချစ်၊ ပြည်ချစ် အနုပညာသျှင်တိကို ဒေစာပိုဒ်ချေနန့် ဂုဏ်ပြုလိုက်ပါရေ။

အမျိုးသားရီးသစ္စာနန့် -
Free4waddy

fredag 17. september 2010

စည်းလုံးညီညွတ်ရေးနန့် အကျွန့်အမြင်

ဒေနိ ရခိုင်လူမျိုးတိုင်း အချင်းချင်းစည်းလုံးညီညွတ်ဖို့စွာကိုလိုချင်ကတ်တေ။ တချို့က ပြောကတ်တေ.. ” ရခိုင်သားတိ ဒေနိစည်းလုံးညီညွတ်ကေ နက်ဖန်ခါလွတ်လပ်ရေးရရေ” ။ တချို့က ”ရခိုင်သားတိ ညီစွာနန့် လွတ်လပ်ရေး ၅၀ % ရယာ” လတ်…..ယပိုင်ဆိုဂေ ရခိုင်သားတိအထဲမာ စည်းလုံးညီညွတ်ရေးစွာ ဒေလောက်၊ အသက်လောက်အရေးကြီးမှန်းသိနီဂတ်ယင့်နန့် ဇာဖြစ်လို့မလုပ်နိုင်ဂတ်စွာလဲလို့ မီးခွန်းပေါ်လာရေ။ အသေချာဆုံးအဖြေက စည်းလုံးညီညွတ်ရေးဆိုစွာကို လူကြားကောင်းအောင် အော်နီဂတ်ပြီးကေ လက်တွိမလုပ်ကတ်လို့ဖြစ်တေ။ စည်းလုံးညီညွတ်ရေးကို လိုချင်ဂေ စည်းလုံးညီညွတ်ဖို့အတွက် အခြေခံလိုအပ်ချက်တိ၊ နည်းလမ်းတိကို လူတိုင်းကရှာပနာ လိုက်လုပ်ကတ်ဖို့အရေးကြီးရေ။ ပစက အော်နီစွာလောက်နန့်မရဆိုစွာကို အားလုံးသဖောပေါက်သင့်ယာ။

အချင်းချင်းစည်းလုံးညီညွတ်ဖို့အတွက် အခြေခံလိုအပ်ချက်တိကတော့ အများကြီးဟိနိုင်ဘာရေ။ ယင်းအထဲက အရေးကြီးရေထင်ရေ အချက်ချေတိကို အကျွန့်အထင် တင်ပြရကေ..

(၁) ရင်းနှီးမှု -
တယောက်နန့်တယောက် ရင်းနှီးအကျွမ်းဝင်မှုမဟိဘဲနန့် စကားပြောဖို့စွာမလွယ် (အကျွန်ရို့ ရခိုင်လူမျိုးတိမာ ပိုဆိုးရေ။ ကိုယ်နန့် မသိ၊ မရင်းနှီးကေ စကားပြောဖို့အင်ရေ အကျင့်ဟိကတ်တေ)။ ယင်းဇူးနန့် တယောက်နန့်တယောက် ရင်းနှီးအကျွမ်းဝင်မှုဟိအောင် စကားပြောကတ်ဖို့လိုအပ်တေ။

တယောက်နန့်တယောက် ရင်းနှီးလာကေ တယောက်စိတ်ဓါတ်ကိုတယောက်သိလာဖို့၊ တယောက်ခံစားချက်ကို တယောက်နားလည်လာဖို့၊ တယောက်နန့်တယောက် အပြန်အလှန် ဘြန်းစီးကာ ပုတ်ခတ်တိုက်ခိုက်နီဂတ်စွာတိကနီဘနာ ”ခွီးကိုသတ်ချင်ဂေ ခွီးရှင်မျက်နှာကိုကြည့်” ဆိုရေစကားပိုင် လုံးဝလျော့ကျလားဖို့လို့မြင်ရေ။
ယင်းဇူးနန့် အချင်းချင်းကြားမာ တယောက်နန့်တယောက် အကျွမ်းဝင်အောင်၊ ရင်းနှီးအောင်အယင်လုပ်ကတ်ရဖို့။ ဒေချင့်က အခြေခံအကျဆုံးအချက်ဖြစ်တေ။

ဇာကြောင့် ဒေစကားကိုပြောရလဲဆိုကေ ဒေနိဒေမာဖြစ်ပျက်နီဂတ်တေ အခြင်းအရာတိကိုမြင်လို့၊ တစိချေလေ့ စိတ်မချမ်းသာလို့ ပြောရစွာ။ ဒေမာ ၀င်ဘနာပြောဆိုဆွေးနွေးနီဂတ်တေလူတိထဲမာ ရင်းနှီးမှုဆိုရေ အခြေခံမဟိလို့ ဒေပိုင်ဖြစ်နီဂတ်စွာ။ အမျိုးသားရီးအတွက် ကောင်းရာကောင်းကျိုး ဇာလောက်ပင်ပြောဆိုဆွေးနွေးနီဂတ်ကေလေ့သော့ တယောက်နန့်တယောက် မသိဂတ်၊ မသိအောင်လေ့ နာမေ၀ှတ်တိကို သုံးနီဂတ်တေ။ တယောက်ကိုတယောက် ပြောချင်ပိုင်ပြောလို့ရရေ။ ဆဲချင်ပိုင်ဆဲလို့ ရရေ။

ယင်းပြောဆိုဆွေးနွေးနီဂတ်စွာတိက ကြာလာခါ ဇာလောက်ထိဖြစ်လာလဲဆိုဂေ အမျိုးသားရေး၊ တော်လှန်ရေးအတွက် အားဆီးသျှေတခွက်၊ ကောင်းကျိုးသျှေတချက် မဖြစ်တေအပြင် သွယ်ဝိုက်တေနည်းနန့်(သို့) ဒါရိုက်(Direct) နိုင်ငံရေး၊ တော်လှန်ရေးကို ဖျက်ဆီးပိုင်ဖြစ်လာရေ။ ရခိုင့်အနာဂါတ်မျိုးဆက်သစ်ချေတိစိတ်ဓါတ်ကို အောက်ချီးတိဖျက်စီးစရာမလိုဘဲနန့် ရခိုင်တိက (volunteer) စေတနာပေါက် ဖျက်ဆီးပီးနီဂတ်စွာနန့်တူရေ။ ”ချစ်ရာမရောက်ဘဲ နှိပ်ရာရောက်နီရေ” မေသေ့သူတယောက်ကိုလေ့ တိုက်ခိုက်နီစွာမဟုတ်ပါနန်း။ အားလုံးကိုခြုံဘနာ အကြမ်းကောက်ချက်ချကြည့်စွာပါရာ။ ဟုတ်၊ မဟုတ်ကို ပြန်ဆွေးနွေးလို့ ရဘာရေ။

အကျွန်ရို့ရခိုင် အသိုင်းအ၀ိုင်းမာ အများစုက လက်ဟိအခြေအနေအရ ” နငယ်ကို လုံးတင်ဖို့ပျင်သိမ့်….နိုင်ငံရေးလာဖို့ယာလားမသိ” ”သဝေထိုး တ၀န်းဗူယီးချာ…စွာနန့် တော်လှန်ရေး လာဖို့ယာလားမသိ” ဆိုဘနာ သန်ဖက်ဝင်နီဂတ်စွာမာ ဒေပိုင်ပြောဆိုဆွေးနွေးနီဂတ်စွာတိရေ ကိုယ်ရို့အတွက် အကျိုးဟိနိုင်လား၊ အကျိုးယုတ်နိုင်လားဆိုစွာကို ပြန်ဘနာသုံးသပ်ကတ်ဖို့ အချိန်တန်ပါယာ လူရို့။

(လောလောစိုင် ဒေလောက်နန့် တံ့ထားလိုက်ပါဖို့သိမ့်….လိုအပ်တေလို့ထင်ဂေ ဆက်တင်ပြပီးပါမေ….)
အားလုံးကို လေးစားစွာနန့် -
Free4waddy

søndag 15. august 2010

ရာထူးကြီးကြီး ယူဂတ်ဖို့လား????

တခါက ဘန်ကောက်မာနီရေ အသိတယောက် အောက်ချီးမချေတကောင်နန့် ရကတ်တေ။ ရလို့ ကောင်းမကြာလိုက်။ ရက်ပြတ် ရန်ဖြစ်ကတ်တေ။ ရန်ဖြစ်တိုင်း လင်သေက ဇာစီပြောလဲဆိုကေ -

”ငါ ဒေကောင်မကို ရာထူးတိုးပီးလိုက်ဖို့ယာဒေ” လို့စီပြောရေ။

မယားသေလေ့ ဂျီဝိဂျီဝါနန့် ဇာပြောလို့ပြောမှန်းမသိ။ ဘေးနားက သငယ်ချင်းတိကလေ့ နားမလည်ကတ်။ နောက်ဆုံး တယောက်က မနီနိုင်လို့
” ယာ အကို့မာ ယင်းလောက်လေ့ ရန်ဖြစ်ကတ်တေ၊ အရာလေ့ ရာထူးတိုးပီးဖို့ဂျေးပြောနီရေ၊ ဇာပိုင်စွာလေ” လို့ မီးလိုက်တေ။
ယင်းခါ ဇာပြန်ပြောလဲဆိုဂေ

” ငါ နောက်တယောက် ထပ်ယူလိုက်ကေ ဒေကောင်မအလိုလို မယားကြီး ရာထူးကိုတိုးလီဖို့ မလားယေ” လတ်။

Free4waddy

mandag 9. august 2010

ရခိုင့်ရိုးရာ ငစွေအက




ရခိုင်ရိုးရာအကတိအထဲမာ ငစည်အကစွာ ခြီလှမ်းဟန်နန့် လက်ဖြောက်တီးဟန်ကို အဓိကထားပနာ ကပြရရေ အကတခုဖြစ်ပါရေ။ အဆိုနန့်အကရာ ပါဝင်ဘနာ တယောက်တည်းကပြရရေ အတီးလွတ်အကဖြစ်ပါရေ။ ငစည်တတ်ခေါ် ငစည်ဆရာက အမူအရာအမျိုးမျိုး၊ အသံအမျိုးမျိုးနန့် ကပြရပါရေ။ အမူအရာကောင်းကေ ကောင်းသလောက်၊ အဆိုအပြောကောင်းကေ ကောင်းသလောက် ပွဲကြည့်ပရိတ်သိတ်တိ စိတ်မာ အနုပိုဉ်ညာရသကို ခံစားရကတ်ပါရေ။

ပထမဆုံး ငစည်တက်သည် ငစည်သခြင်းနန့် နိဒါန်းပျိုးလို့ တိုင်းပြည်တည်၊ ဒုတိယ ဇာတ်ကွက်ဖော်ပြီးကေ၊ တတိယ လောင်းတစင်းနန့် ငစည်ဟြာခြင်း ယင်းပိုင် အပိုင်း(၃)ပိုင်းခွဲပနာ ကပြကတ်ပါရေ။ ရခိုင်ပင်လယ်ကမ်းတိမာ ငစည်ဟြာပုံကို ဟန်နန့်ကပြလားစွာဖြစ်ပါရေ။ ငစည်ကိုအကြောင်းပြုပနာ ယင်းအကကို ငစည်အက၊ ငစွေအက၊ ငစည်အက၊ ငစည်နှိုက်ပွဲ ဆိုပနာ အမျိုးမျိုး ပြောကတ်ပါရေ။ ငစွေ ကပွဲမာ ရယ်စရာ(ဟာသ)မြောက်တေ ပွဲဖြစ်တေအပြင် သိုက်၊ တဘောင်၊ စနည်း စရေ အနာဂါတ်ကို ကြိုပနာဟောပြောရေ အချက်တိလေ့ ပါရေအတွက် လာပနာနားထောင်ဂတ်တေ အာဂန္တုတိက ကဂေါင်းကြိုက်ကတ်ပါရေ။
အယင်ခေါက်ခါက ငစွေအကကို နန်းထဲမာရာ ကပြခကတ်ကေလေ့ ဘုရင်ခေတ်ကုန်ဆုံးလားခရေနောက်ပိုင်းမာ ငစွေကပွဲမာ ရပ်ရွာပွဲတိအဖြစ် ပြန်နှံ့လာခဘာရေ။ ရာဇ၀င်ကြောင်းနန့် သင်ခဏ်းစာတိ ပါဝင်ရေအတွက်နန့် လူကြိုက်များခဘာရေ။ ငစည်အက ဇာတ်လမ်းမာ သက္ကရာ ၉၈၄ ခုနှစ်မာ မြောက်ဦးမြို့မာ စိုးစံတော်မူခရေ နရပတိမင်းက ၀ါလှဖြူ (ခေါ်) ၀ါစိုးဖြူကို မိဖုရားအဖြစ်ကောက်ယူ သိမ်းပိုက်ခပါရေ။ ၀ါလှဖြူက မကြိုက်လို့ သက်ကြီးရွယ်အို (၀ါကျီး) ဘုရင်ကို ငစည်အရုပ်နန့် နံနှိမ်ပနာ နတ်ရွာစံစီခရေ ဇာတ်လမ်းဖြစ်ပါရေ။ လောင်းကြက်စားအမတ် ငကုသကိုရာ မိဖုရားက ကြိုက်တေအတွက်နန့် ဘုရင်ကြီးကို နတ်ရွာစံစီတင်မက သားတော်ချေ မင်းစနီကိုပါသတ်ပနာ ငကုသကို သက္ကရာဇ် (၁၀၀၀) ပြည့်နှစ်မာ ထီးနန်းစိုးစံစီခဘာရေ။ ငကုသစွာ ဒေမိဖုရားက နောက်ခါငါ့ကိုလေ့ ဒေပိုင်လုပ်ကြံနိုင်ရေလို့ စိုင်းစားမိဘနာ မိဖုရားအဖြစ်ကချဘနာ နန်းတော်ကနှင်ထုတ်လိုက်ပါရေ။ သူတပါးကို မကောင်းကြံကေ ကိုယ်ကိုတိုင်ဘေးဒါဏ်ခံရစွာကို သင်ခဏ်းစာပီးရေ ဇာတ်လမ်းဖြစ်ပါရေ။
ငစည်ကပွဲမာ မီးတိုင်ကို ကောင်းမသုံးကတ်ပါ။ လပ ပပြင်အောက်မာ မြီကွက်တလင်းပြင်မာ ကပြကတ်ပါရေ။ လူတိက ၀ိုင်းပနာကြည့်ကတ်ပါရေ။ ဇာတ်ထုပ်တခုကို တယောက်တည်းကပြရစွာ ဖြစ်တေအတွက်နန့် ရှင်ဘုရင်စကာပြောခါ ပလ္လင်အဖြစ် ဆုံထက်က ပြောရပြီးကေ၊ အမတ်ကြီးက လျှောက်တင်ရေအခါ ပလ္လင်အောက်ကိုဆင်းပနာ လျှောက်တင်ရပါရေ။ ငစည်ကဖို့အတွက် ပစ္စည်း၊ ပစ္စယတိ ကောင်းမလိုဘာ။ ရာဇပလ္လင်အဖြစ် ထိုင်ဖို့ ဆုံတလုံး၊ ယက်သဲ့တခု၊ ပလိုင်းတလုံး၊ လှော်တက်တချောင်း၊ တောင်းတလုံး၊ ဆန်တခွက်၊ ကတော့ပွဲတခု၊ ပ၀ါတပိုင်းရာ လိုဘာရေ။ ပုဝါကို မမပိုင်လုပ်တေခါ သုံးဖို့အတွက်ဖြစ်ပါရေ။ ငစွယ်တတ်စွာ ဂေါင်းမာ ငါးအစွယ်ပိုင် ရှိတတည့်သို့တထော်လောက် ထွက်နီအောင် ခေါင်းပေါင်းပေါင်းထားရဘာရေ။ ငစွယ်တတ်သည် သာခြင်းခေါ် လင်္ကာတမျိုးနန့် စပ်ဆိုထားရေ ငစွေသခြင်းကိုဆိုလို့ ကပါရေ။ ရှိကျသော ရခိုင်စကားတိပါဝင်ရေ ရမ်းဗြဲစကားကို သုံးပါသည်။

အမှားပါလို့ လိုအပ်စွာတိဟိကေ ထပ်လို့ဖြည့်စွက်ပီးကတ်ပါ ဟာလူရို့။

Free4waddy

lørdag 7. august 2010

ရခိုင်ပြည်သစ်တောအကြောင်း

ရခိုင်ပြည်တွင် သစ်တောဧရိယာ ဧက (၉ ၀၈၄ ၄၀၆) ကိုးသန်းကျော်ဟိဘာရေ။ ယင်း သစ်တောဧရိယာတိထဲက ကြိုးဝိုင်းသစ်တောအဖြစ် သတ်မှတ်ထားရေဧရိယာက (၃၃၆ ၂၄၆) သုံးသိန်းကျော်ဟိဘာရေ။ ကြိုးပြင်သစ်တော ဧရိယာက (၈ ၇၄၁ ၁၆၀) ဟိဘာရေ။ သစ်ထုတ်လုပ်ရေး လုပ်ငန်းတိကို တောင်ဂုတ်၊ မြေပုံ၊ ကျောက်ဖြူ၊ အမ်းနန့် သံတွဲမြို့နယ်တိမာ အများဆုံးလုပ်ကိုင်ကတ်ပါရေ။ သံတွဲ၊ တောင်ဂုတ်နန့် ဂွမြို့နယ်တိမာ ပြိုင်းပင်ပိုင် သစ်မာတိပေါက်ပြီးကေ နှစ်တိုင်းသစ်တန်ချိန် တသောင်းကျော်ထုတ်လုပ်နိုင်ဘာရေ။ ပြိုင်းပင်တိကို ကြိုးဝိုင်းတိနန့် စနစ်တကျထားဟိပြီးကေ နိုင်ငံခြားသို့တင်ပို့ရောင်းချဘာရေ။
ရခိုင်ပြည်မာ ပထမဆုံးတည်ဆောက်ရေ သစ်လုပ်ငန်းကော်ပိုရေးရှင်းပိုင် သစ်စက်ကြီးကို တောင်ဂုတ်မြို့နန့် (၃၆)မိုင်ဝီးရေ ဆားပြင်ရွာမာ တည်ဆောက်ထားနီဘာရေ။ သစ်စက်ကြီးပြီးလို့ လည်ပတ်ကေ တနှစ်ကို သစ်လုံး တန်လေးထောင် ခွဲစိတ်နိုင်ဘာဖို့။ ခွဲစိတ်ပြီးရေ သစ်တိကို ရီလမ်းကတဆင့် လောင်း၊ စက်လှေတိနန့် သံတွဲ၊ ကျောက်ဖြူ၊ စစ်တွေနန့် တခြားမြို့တိသို့ တင်ပို့ရောင်းချလားဖို့ ဖြစ်ပါရေ။

မောင်တောမြို့နယ်ဟိ မေယုသစ်တောကြိုးဝိုင်းမာ ရခိုင်ပြည်သစ်တောဦးစီးဌာနက စီမံကိန်းချပြီး စနစ်တကျအကောင်အထည်ဖော် စိုက်ပျိုးထားရေ ကျွန်းနန့် ပြိုင်းပင်တိမာ ဟြင်သန်ကြီးပြင်းနီကတ်ပါရေ။ မေယုသစ်တော ကြိုးဝိုင်းမာ စတုရန်းမိုင် ၂၂၀ လောက် အကျယ်ဟိဘာရေ။ ယင်းသစ်တောကြိုးဝိုင်းမာ ရခိုင်ပြည်နယ်သစ်တောဦးစီးဌာနက ၁၉၆၄ ခုနှစ်က ၁၉၇၁ ခုနှစ်ထိ ကျွန်းနန့် ပြိုင်းပင်တိကို တိုးချဲ့စိုက်ပျိုးပါလတ်စွာ မြေ ၁၂၄ ဧကမာ ပြိုင်းပင်ပေါင်း ၁၅၀ ၀၄၀ ပင်နန့်၊ မြေ ၁၄၆ ဧကမာ ကျွန်းပင်ပေါင်း ၁၇၆ ၆၆၀ ပင်ကို စိုက်ပျိုးနိုင်ခဘာရေ။

ရခိုင်ပြည်မာ အဖိုးတန်သစ်တိ တိုးပေါလာဖို့အတွက် ရခိုင်ပြည်သစ်တောဦးစီးဌာနက ၁၉၇၂ ခုနှစ်အတွင်းမာ သံတွဲကြိုးဝိုင်းဧက ၅၀ မာ ကျွန်းပင် ၆၀၀၀ ကျော် စိုက်ပျိုးခဘာရေ။ ကျောက်တော်မြို့နယ် တင်းမမြောက်တောင်၊ သာဇီကြိုးဝိုင်းနန့် မင်းပြားမြို့နယ် ပန်းမြောင်းကြိုးဝိုင်းတိမာ ကျွန်းပင်တိစိုက်ထားခဘာရေ။ ယပြီးကေ သစ်တောထိမ်းသိမ်းမှုလုပ်ငန်းတိကိုလေ့ သစ်တောဦးစီးဌာနက လုပ်နီဘာရေ။

ရခိုင်ပြည်မာဟိရေ သစ်တောတိထဲက တခြားသစ်တောထွက်ပစ္စည်းတခုက ၀ါးဖြစ်ပါရေ။ အဓိက ပေါက်တေ၀ါးမာ ခယန်ဝါးဖြစ်ပြီးကေ ဧရိယာမိုင် ထောင်ပေါင်းများစွာမာ တမျိုးတည်းပေါက်ပါရေ။ ရခိုင်ပြည်မာ စိုင်းဒင်မြစ်ဝှမ်းဒေသ၊ ကုလားတန်မြစ်ဝှမ်းဒေသ၊ လေးမြို့မြစ်ဝှမ်းဒေသက ဒလက်ချောင်းဒေသနန့် အမ်းမြို့နယ်တိမာ ၀ါးတောတိပေါက်ကတ်ပါရေ။ ၀ါးတောအကျယ်မာ စုစုပေါင်းဧရိယာ ၅၄၅၀ စတုရန်းမိုင်ဟိပြီးကေ ၀ါးထုတ်နိုင်ရေ ဧရိယာက ၂၁၂၀ စတုရန်းမိုင် ဟိဘာရေ။ ၀ါးတောတိမာ စုစုပေါင်း ၀ါးတန်ချိန် (၂၃)သန်းလောက်ဟိဘာရေ။ အများဆုံးပေါက်တေ ခယန်ဝါးမာ ပေ (၅၀) က (၇၀)ထိ ရှည်ပြီးကေ အချင်း တလက်မခွဲက (၃) လက်မထိ ဟိဘာရေ။ ၀ါးဆစ် တခုနန့်တခုအကြား (၁၂) လက်မက (၂၀)ထိ ရှည်ဘာရေ။ ဖြောင့်ပနာ အသားပါးကေလေ့ မာရေအတွက်နန့် အိမ်ဆောက်ဖို့နန့် စက္ကူထုတ်ဖို့ ပျော့ဖတ်တိလုပ်စွာမာ ကဂေါင်းအသုံးဝင်ဘာရေ။
ယပြီးကေ ကြိမ်၊ သိုင်း၊ လျှော်၊ သဇင်ပန်း၊ ပျားရည် အစဟိရေ အဖိုးတန်သစ်တောထွက် ပစ္စည်းတိလေ့ ထွက်ပါသိမ့်ရေ။

မှတ်ချက်။ ။ တိုင်းရင်းသားရိုးရာယိုဉ်ကျေးမှု၊ ရိုးရာဓလေ့ထုံးစိုဉ်များ စာအုပ်ကတဆင့် အတတ်နိုင်ဆုံးရခိုင်ပိုင် ဘာသာပြန်ဘနာ မျှဝီပီးစွာဘာ။ နောက်အချိန်ရခါ ဓါတ်သတ္တုတိအကြောင်း တင်ပြပီးလားဘာမေ။

ရခိုင်သားတိပိုင်စွာကို ရခိုင်သားတိ စားဂတ်ရလားလို့ စိုင်းစားကြည့်ဂတ်ပါလူရို့

အားလုံးကိုချစ်ခင်စွာနန့် -
Free4waddy

søndag 27. juni 2010

ချစ်သူသျှေနှစ်ယောက်၊ ဘ၀တခုနန့် ကဗျာသျှေတပုဒ်

ငါရို့အချစ်မာ
ဂုဏ်ပကာသန မပါစွာ
သေချာရေ....။

မာယာဆိုစွာ
အောက်ရွာ(ပြည်)က လာမှန်းသိလို့
မျိုးရက္ခသိက္ခာ သမာဓိ
တစိချေတောင် မလျော့ခ....။

ယေဒါလေ့
မသမာရေ သမိုင်းယုတ်
ခေတ်စုတ်တိအောက်မာ....

”ငါ” ဆိုရေ
ဘ၀တခုလုံးကို
သူ့ကဗျာ ကုန်ကြမ်းအတွက်
ရက်စက်စွာ ပီးဆပ်လိုက်ရရေခါ.....

free4waddy

mandag 17. mai 2010

အချစ်ဆုံးချေအတွက်

ရင်ထဲမာ….
စန္ဒာလ ၀င်းပပမင်းမျက်နှာ
ကြည့်မ၀ဘာ ချစ်သူ....။

သွီးသက် ခန္ဓာ
ကမ္ဘာမြီကျအောင်ထိ
ချစ်ဂတိ မပျက်စီတမ်းနန်း… ချစ်သူ….။

ဦးဦးဖျားဖျား
မင်းအနားမာ
မဟိခရဂေလေ့
ကျေနပ်တေ
နောက်ဆုံးလူ ဖြစ်ရဂေ ကျီယာ….။
Free4waddy

torsdag 29. april 2010

စိတ်ဓါတ်နန့် ဖွံ့ဖြိုးရေး

တရက်နိ အလုပ်မာ ဆရာတယောက်က ‘ဝေး မင်းအသီးတိစားချင်ကေ ငါ့အခန်းကိုလာလတ်၊ အသီးတိမကန်ဟိရေ’ ဆိုလို့ ၀မ်းဆာပိုင်တွိစွာနန့် သူစာသင်နီရေ (၃)တန်း အခန်းကို ၀င်လားခရေ။ ၀င်ဝင်ချင်း အသီးတိကိုမျက်စိမရောက်ဘဲ သင်ပုန်းကြီးကိုမျက်စိကရောက်လားခရေ။ ယင်း(၃)တန်းအချေတိကို ယင်းနိက သင်နီစွာက” ……………………………………………….” ဆိုရေ စာလုံးကို စက်ဝိုင်းချေတ၀ိုင်း ၀ိုင်းဘနာ ဘေးပတ်ပတ်လည်မာ တခြားလုပ်သင့်လုပ်ထိုက်စွာချေတိကို ချရွီးပြထားရေ။ အကျွန်ချက်ချင်းစိုင်းစားမိစွာက ငါရို့တိဒေပိုင်အရွယ်ခါ ဇာတိကိုသင်ကတ်ခရလဲ ဆိုစော်ကိုပါ။ ယင်းခါက မြန်မာစာ၊ သင်္ချာ၊ ပထ၀ီ၊ အောက်ချီးသမိုင်း ထင်ရေ။

စက်ဝိုင်း အလယ်ဂေါင်မာ ဇာရွီးထားလဲဆိုစွာကို စာဖတ်ပရိတ်သတ်တိ မသိချင်ဂတ်ပါလာ? (၃)တန်းအချေတိကို သင်နီစွာဖြစ်လို့ ဇာဖြစ်နိုင်ရေဆိုစွာကို စာဖတ်လူတိ အယင်စိုင်းစားကြည့်ဂတ်ပါနန်း…(ဟေဟေ)။

ယင်းချင့်ကို မလားခင် သစ်သီးတိဖက်ကို အယင်လားဂတ်ပါမေကား။ စာသင်ခန်းထဲကို အသီးတိဇာပိုင်ရောက်လာရလဲလို့ ထင်ချင်ထင်ဂတ်ပါဖို့။ ဒေနိုင်ငံမာက ကျောင်းသားတိကို နိတိုင်းအသီးတမျိုးမျိုး (အများအားဖြင့် ပန်းသီး၊ နပျောသီး၊ လိမ်မော်သီး…………………….) နန့် နွားနို့(မဟုတ်ကေ) ချော့ကလက်အရည်တမျိုး(တယောက်တဗူးကျ) နိတိုင်း ကျွေးဘာရေ။ အစိုးရက အလကားပီးစွာဘာ။ အားကစားလုပ်ချိန်တိမာဆိုကေ မလုပ်မနီရဘာ။ ငါ ပျင်းရေ၊ တယောက်တည်း အခန်းထဲမာရာနီချင်ရေဆိုဘနာ ကျန်နီခလို့ မရ။ အပြင်ကို အားလုံးထွက်။ ပြီးကေ ဆရာ၊ ဆရာမတိက အခန်းတန်းခါးကို သော့ပိတ်ထားခဘာရေ။ အပြင်(မဟုတ်ကေ) အားကစားရုံမာ လားကဇတ်ကတ်ပြီးစွာနန့် ပြန်လာကေ ယင်းအသီးတိနန့် နို့တိကို သောက်ကတ်လို့လားမသိ အချေတိစွာ မျက်စိအောက်မာ တရက်ထက်တရက် သန်ပါလတ်ကတ်တေ။ အရပ်တိဆိုလေ့ မော်တောင်ကြည့်ရဖို့။ ကလိမေချေတိက ပိုအကြီးယင်ဘာရေ။

အထက်က စက်ဝိုင်းကိစ္စနန့်ပက်သတ်လို့ အကျွန့်စိတ်ကူးတိစွာ ဟိုးလွန်ခရေ ၃-၄ နှစ်လောက်ကတရက်ကို ပြန်ရောက်လားခဘာရေ။ ယင်းအချိန်က အကျွန်စွာ ဒေဘာသာစကားနန့် စာကို အလုပ်နန့်တွဲဘနာ လက်တွိလုပ်နီရရေ အချိန်ဘာ။ ယင်းနိက ကြက်ခနီအဖွဲ့နန့် ၀ိုင်းလုပ်ပီးရဖို့တာဝန်ကျဘာရေ။ ကြက်ခနီအဖွဲ့က ဦးဆောင်ဘနာ အာဖရိကတိုက် ဆူဒန်နိုင်ငံက ဆင်းရဲသားတိကို ကူညီဖို့အတွက် မြို့သူ၊ မြို့သားတိဘားက အ၀တ်အစားအဟောင်းတိနန့် ဖနပ်ဟောင်းတိကို လှူဒါန်းပီးကတ်ဖို့ ကြော်ငြာထားဘာရေ။ ကြက်ခနီအဖွဲ့နန့် အကျွန်က မြို့လယ်ကကွင်းပြင်မာ ယင်းပစ္စည်းတိကို လက်ခံယူရပါရေ။

မြို့သူမြို့သားတိစွာ အထုပ်ကြီးတိ၊ အထုပ်ချေတိကို လာဘနာလှူလိုက်ကတ်စွာ တချက်ချေနန့် ပစ္စည်းတိတောင်ပိုင် ပုံလားဘာရေ။ အိမ်မာ အဟောင်းမဟိရေလူတချို့လေ့ ဈီးထဲကပစ္စည်းတိကို ၀ယ်ဘနာ လှူပလိုက်ကတ်စော် တချက်ချေနန့် (၁၀)ဘီးကား ၄-၅ စီးလောက် တိုက်ပလိုက်ရဘာရေ။ ယင်းခါက အကျွန်စိုင်းစားရေ။ အော်……..ဒေနိုင်ငံသားတိ ကောင်းသဒ္ဒါတရား ထက်သန်ဂတ်တေမလားဂု….ဇာဖြစ်လို့လဲချင့် ဆိုဘနာ။ ယကေလေ့ ယင်းအဖြေကို မရခဘာ။

ဟိုနိက စာသင်ခန်းထဲကို ရောက်လားခါမ….အော်…ဒေသူရို့တိကို အငယ်ချေခါကပင် ဒေပိုင်စိတ်ဓါတ်တိ ရိုက်သွင်းပီးထားလို့လားမသိယာ…ဆိုပနာ စိုင်းစားမိဘာရေ။ စက်ဝိုင်း အလယ်ဂေါင်မာ ရွီးထားစွာကတော့ “ လူသားဝါဒ “ ဖြစ်ပြီးကေ ဘေးပတ်ပတ်လည်မာ ရွီးထားစွာတိကတော့ လူသားတိုင်းလုပ်ဆောင်သင့်ရေ အချက်ချေတိကို ရွီးပြထားစွာဘာ။ အကျွန်အလုပ်က အိမ်ပြန်ရောက်ခါမ ယင်းချင့်ချေကို ဓါတ်ပုံရိုက်ဘနာ မယူမိခစွာကို နောင်တရနီမိရေ။ နောက်တရက် စစောလားပြီးကေ ဟိဖို့သိမ့်လားဆိုဘနာ လားကြည့်ခီခါ မဟိလိုက်ပါယာ။ ယင်းဇူးနန့် လူသားတိလုပ်ဆောင်သင့်ရေ အချက်ချေတိကို အပြည့်အ၀ မတင်ပြလိုက်နိုင်ဘာ။

ယင်းပိုင်ဆိုဂေ အကျွန်ရို့ရခိုင်တမျိုးသားလုံးကား ဇာပိုင်စိတ်ဓါတ်မျိုးတိ၊ အသိဥာဏ်မျိုးတိကို ရိုက်သွင်းခံနီဂတ်ရလဲ ဆိုစော်ကို စိုင်းစားဂတ်ရပါဖို့ယေ။

(နောက်လေ့ ကြုံဂေ တင်ပြပီးဘာမေ။ ဒေနီရာမာ လိုအပ်စွာတိဟိကေလေ့ ပပွင့်လလင်း အကြံပီးကတ်ပါ)
Free4waddy

lørdag 3. april 2010

၂၀၁၀ ရွီးကောက်ပွဲနန့် မျောက်လား၊ ပန်းလား

တခါက နတ်ယောင်ဂါး တယောက်နန့် ရရိုးသသားချေတယောက် ပန်း၊ မျောက်လှန်တမ်း ကဇက်ကတ်တေလတ်။ နတ်ယောင်ဂါးက ပန်းကျဂေလေ့ သူစားရေ။ မျောက်ကျဂေလေ့ သူစားရေ။ တလက်လေ့ မဟုတ်၊ နှစ်လက်လေ့မဟုတ်ဆိုခါ ရရိုးသသားချေက မခံနိုင်လို့ မီးရေလတ်။

“အကိုး…အကိုက မျောက်ကျဂေလေ့ အကိုစားရေ၊ ပန်းကျဂေလေ့ အကိုစားရေ…အကိုဂျေးစားနီရေ…အကျွန်က ဇာခါစားရဖို့လဲ ယကေ” ဆိုပနာမီးရေလတ်။

ယေခါ နတ်ယောင်ဂါးက ဇာပြောလိုက်လဲဆိုဂေ “ ဖေ့သာတိဒေါင်ထောင်ဂေ မင်းစား” လို့ ပြောလိုက်တေလတ်။

ဂုလေ့ လာဖို့ ၂၀၁၀ ရွီးကောက်ပွဲခါ ရခိုင်သားတိ ဖေ့သာတိဒေါင်ထောင်ခါမ စားလီရဖို့ယာလား မသိယာနန်း……..။
အားလုံးပျော်ဟြွင်နိုင်ဂတ်ပါစီ
Free4waddy

torsdag 1. april 2010

အာလီနန့် အကျွန့်ပြဿနာ

အာလီနန့် အကျွန့်ပြဿနာ
(သို့မဟုတ်)
စိတ်ခံစားမှုနန့် ခွဲထွက်စိုင်းစားခြင်း


လူတိုင်း စိတ်မာစွဲလန်းနီရေ အစွဲအလမ်းတခုစီဟိကတ်ပါရေ။ ယင်းအစွဲအလမ်းစွာလေ့ အမျိုးမျိုးကွဲပြားကတ်ပါရေ။ ချစ်စွာ၊ မုန်းစွာ၊ ကြိုက်စွာ၊ မကြိုက်စွာ အမျိုးမျိုးဟိကတ်ပါရေ။ ယင်းချင့်တိစွာရေ အခွင့်အခါသင့်တိုင်း၊ ကြုံကြိုက်တိုင်း နဂိုဟိနီပြီးသားဓါတ်ခံက အလိုအလျောက်စိတ်ခံစားမှုကို ဖြစ်ပေါ်လာစီတတ်ပါရေ။ များသောအားဖြင့်ကလေ့ ကိုယ်ကြိုက်စွာ၊ နှစ်သက်စွာတွိရ၊ မြင်ရ၊ ကြားရဂေ စိတ်ချမ်းသာမှုကို ခံစားရစီပနာ ကိုယ်မကြိုက်စွာ၊ မနှစ်သက်စွာတိကို တွိရ၊ မြင်ရ၊ ကြားရဂေ အလိုအလျောက် စိတ်မသက်မသာဖြစ်မှုတိကို ဖြစ်ပေါ်စီတတ်ပါရေ။

အကျွန်လေ့လူသားတိထဲက တယောက်ဖြစ်တေအတွက်နန့် ယင်းအထဲမာပါပါရေ။ အကျွန်က မိုးထဖက်အလုပ်လားဂေ လမ်းမာဒေမြို့ကလွှင့်ရေ ရေဒီယိုလိုင်းကိုနားထောင်ဘနာ လားကျင့်ဟိပါရေ။ ယင်းရေဒီယိုမာ ကော်ဖီကြော်ငြာတခုစီလာဘာရေ။ ယင်းကြော်ငြာမာ “ အာလီ………..အာလီ“ ဆိုဘနာစီ အော်ဘာရေ။ ယကေ အစခါ အကျွန်ကပဇောင်ပိုင် စိုင်းစားမိလဲဆိုကေ “ဇာလေတခု…မိုးမလင်းသိမ့်..ကုလားနာမေ အာလီ ကိုရာတခု အော်နီကတ်တေဂါး” ဆိုပနာ စိုင်းစားမိရေ။ ယင်းအသံကို ကြားဂေစိတ်ထဲမာ အလိုလို စိတ်မချမ်းမသာ ဖြစ်နီပါရေ။ ယင်းပိုင် တရက်မဟုတ်၊ တပါတ်မဟုတ် အလုပ်လားတိုင်း၊ ယင်းအသံကိုကြားတိုင်း အကျွန်စော် အလိုလိုစိတ်မချမ်းမသာ ဖြစ်နီပါရေ။
ဒေချင့်စွာရေ ကုလားကိုမုန်းရေစိတ်ဓါတ်အရင်းခံနန့် မိုးမလင်းသိမ့် ကုလားနာမေကိုကြားရရေခါ စိတ်မချမ်းမသာ ဖြစ်ရစွာပါ။

ယပိုင်ဆိုကေ အကျွန်က အရာအခြားတဖက်က လှည့်စိုင်းစားပါရေ။ ဇာပိုင်စိုင်းစားလဲဆိုဂေ ဒေချင့်စော် ကုလားနာမေကိုအော်နီဂတ်စော်မဟုတ်။ အင်္ဂလိပ်ပိုင် Early မိုးထဖက်စောစောမာ လူတိကိုကော်ဖီသောက်ဖို့ နှိုးဆော်စော်ရာ ဆိုဘနာပြောင်းပြီးကေ ခံစားကြည့်ပါရေ။ ယေခါ အယင်ခံစားနီရေ ကုလားနာမေပိုင် ခံစားနီစွာထက် အများကြီးသက်သာလားပါရေ။

ယင်းဇူးနန့် ဒေမာဟိနီဂတ်တေ ရခိုင်သူ၊ ရခိုင်သားတိကိုလေ့ အကြောင်းအရာတခုခု၊ ပြဿနာတခုခုကို ရင်ဆိုင်ကြုံတွိခံစားဂတ်ရရေခါ နဂိုဟိပြီးသားခံစားချက်အတိုင်း ဒါသီကျစိုင်းစားတွေးခေါ်ရေ ပုံစံမျိုးမဟုတ်ဘဲနန့် ဒေါင့်ပေါင်းစုံ၊ ဖက်ပေါင်းစုံက စိုင်းစားတွေးခေါ်နိုင်အောင် အကျွန့်ကိုယ်တွိအဖြစ်အပျက်ချေတခုကို မျှဝီတင်ပြလိုက်ရစော်ရာ ဖြစ်ပါရေ။

သာမန်အဖြစ်အပျက်ချေတခုကလေ့ တခါတရီ ဘ၀တခုလုံးနန့်သက်ဆိုင်ရေ အတွေးအခေါ်ချေတိကို ရနိုင်ဖို့ထင်ဘာရေ။ ရခိုင်သူ၊ ရခိုင်သားတိုင်း စိတ်ချမ်းသာ၊ ကိုယ်ချမ်းသာ ဟိနိုင်ဂတ်ပါစီ…..။


Free4waddy

tirsdag 23. mars 2010

၂၀၁၀ ရခိုင့်ရိုးရာ သင်္ကြန်သံဂျပ်

လေး လေး....လေး လေး....မောင်ရို့...းမောင်ရို့....
မောင်ရို့....မောင်ရို့....လေး လေး....လေး လေး

နိုင်ငံရေး.........နိုင်ငံရေး..................

ရခိုင်ပြည် နိုင်ငံရေး
အလေး(လီး)ထားလို့ နားထောင်စီချင်
ကမ္ဘာတခွင် ဟြိကိုမတိုး
ချင်း(လူမျိုး) နောက်ကိုလေ့ ရောက်နီဗျာလ်လေ.....။

ANC ဘောလုံးပွဲ
ဟက်တက်ကွဲလို့.....ချအိုးပေါ်ရေ...
ဒေ ရခိုင် ဇာဂျောင်ဂြား
လားနီရဖို့....မသိဗျာလ်ဝေ............။

ကမ္ဘာပြတ်က ရခိုင်တိ
ပစမစိ ၀မ်းအူနာရေ...
ဒေပိုင်ရာ..... ဟြိကိုလား
ဆယ်ပါးမှောက်ဖို့ ကျိန်းသီနီရေ.......။

စတိတ်မန့်တိ တ၀ီဝီ
Delete လုပ်လို့ တခါလေ့ မကျီ
အပြောနန့်အလုပ် တခါလေ့မညီ

(သံပြိုင်) ဖြုတ်ကတ်ပါ....ထုတ်ကတ်ပါ....သတ်ကတ်ပါ လေးးးးးးးးးးးးးးးးးးးး

(သင်္ကြန်ကျလို့...မောင်ရို့ပျော်ရေ.....ကျေးဇူးပြုလို့ မဆဲပါဂေ့ဝေ....)၂ ဟိဟိ

(ကျွန်းသားအမြင် သံစိုင်ချေနန့် ဖတ်ကြည့်ကတ်ပါနှင်း)

mandag 22. mars 2010

၂၀၁၀ သင်္ကြန်စာ

လူမျိုးတမျိုးရေရှည်တည်တံ့ခိုင်မြဲဖို့အတွက် ဘာသာစကား၊ စာပီတိအရေးကြီးရေပိုင် ယင်းလူမျိုး၏ ယိုဉ်ကျေးမှုကလေ့ ကဂေါင်းအရေးကြီးရေ။ ဂု သင်္ကြန်ပါးပါလတ်ယာ..ကမ္ဘာမာ ဇာလူမျိုးနန့်လေ့ မတူရေ ရခိုင့်ရိုးရာသင်္ကြန်ယိုဉ်ကျေးမှုကို ရခိုင်တိထိမ်းသိမ်းကတ်ရဖို့ အချိန်ကိုရောက်ပါလတ်ယာ။

ရခိုင့်ရိုးရာယိုဉ်ကျေးမှု သင်္ကြန်ကို ရခိုင်တိမထိမ်းသိမ်းကေ ဇာလူမျိုးကလေ့ လာလို့ထိမ်းသိမ်းပီးလီဖို့ မဟုတ်။

ဂနိ ရခိုင်တပြည်လုံးမာ နည်းအမျိုးမျိုးနန့် (တရားသည်ဖြစ်စီ၊ မတရားသည်ဖြစ်စီ) ၀င်ရောက်နီရာယူလာရေ အောက်ချီးသင်္ကြန်ယိုဉ်ကျေးမှုကို အမျိုးသာရေးစိတ်ဓါတ်ိနန့်ထိမ်းသိမ်းကာကွယ်ကတ်ရဖို့တာဝန်စော် ရခိုင်သားတိုင်းအတွက် အမျိုးသားရေးတာဝန်တရပ်ဖြစ်လာရေ။

လူမှု့အသိုင်းအ၀ိုင်းတခုကို ခေတ်မီတိုးတက်အောင်လုပ်လို့ရကေလေ့ ရိုးရာယိုဉ်ကျေးမှု အစိုင်အလာဆိုစော်တိကို ခေတ်မီတိုးတက်အောင်လုပ်လို့မရ ထင်ရေ။
ဥပမာ နံသာသွီးပွဲကို ခေတ်မီအောင်ဆိုဘနာ ရွာလယ်ဂေါင်မာ အမှုန့်ကြိတ်စက်တလုံးချလို့ ကြိတ်ပစ်စော်ရေ နံသာရည်ဖြစ်ချင်ဂေ ဖြစ်လာလိမ့်မေ။ ရခိုင့်ရိုးရာ နံသာသွီးပွဲတော့ ဖြစ်လာဖို့မဟုတ်။

ဘုရားရီချိုးစော်ကိုလေ့ လူတိချိုးစော်ကြာရေဆိုဘနာ မီးသတ်ကားက်ပိုက်နန့် လာချိုးလို့ ရလီဖို့မဟုတ်…..
ယင်းပိုင်ယာ…ရခိုင့်ရိုးရာသင်္ကြန်ယိုဉ်ကျေးမှု အစစ်အမှန်ဖြစ်တေ မဏ္ဍပ်ထဲမာလောင်းတိနန့်၊ အပျိုသျှေ လပျိုသျှေတိ တယောက်နန့်တယောက် ရီဖလားကိုင်ဘနာ အပြန်အလှန်လောင်းကတ်စော်တိရေ ရခိုင့်ရိုးရာသင်္ကြန်ယိုဉ်ကျေးမှု အစစ်အမှန်တိဖြစ်တေ။ ယင်းနီရာမာ ဂနိခေတ်မှီရေလို့ ပြောရဖို့လား???? အောက်ချီးယိုဉ်ကျေးမှုလို့ ပြောရဖို့လား(သေချာရေ) ပြွတ်နန့်ရီလောင်းနီဂတ်စော်တိမြင်ရေခါ အသဲနှလုံးကို အပ်နန့်ထိုးပိုင် ခံစားရရေ။

ယင်းဇူးနန့်…….
အကျွန်ရခိုင်ပြည်က ညီအစ်ကို မောင်နှမတိကို မှာချင်ဘာရေ….။
(၁) ရခိုင့်ရိုးရာယိုင်ဉ်ကျေးမှုကို ဖျက်ဆီးဘနာ အောက်ချီးယိုဉ်ကျေးမှုလွှမ်းမိုးဖို့ကြိုးစားနီရေ မဏ္ဍပ်တိကို လုံးဝ(လုံးဝ) မလားဂတ်ကေ့။ (အမိအဖတိလေ့ ကိုယ့်သားသမီးတိကို ယင်းမဏ္ဍပ်တိမာ ၀င်ပါခွင့်မပြုသင့်ရေပိုင် လူငယ်လူရွယ်တိကလေ့ ကိုယ့်ရိုးရာယိုဉ်ကျေးမှုကို အတတ်နိုင်ဆုံးဖော်ထုတ်ပီးဂတ်ရဖို့ တာဝန်ဟိရေ)။

(၂) တ၀မ်းတခါး ကောင်းစားဖို့အတွက် အောက်ချီးယိုဉ်ကျေးမှုကို ရခိုင်ပြည်မှာ ပြန့်ပွါးအောင်လုပ်နီဂတ်တေ အမျိုးသားသစ္စာဖောက် ကုမ္ပဏီတိ၊ လူပုဂ္ဂိုလ်တိကို တတ်နိုင်ရေနည်းနန့် ဆန့်ကျင်ဂတ်။

လိုအပ်စော်တိဟိကေ ထပ်ဖြည့်ပီးကတ်ပါ…….

Free4waddy

onsdag 10. februar 2010

ချစ်သူ.... သာဓု ခေါ်နိုင်ဇီ...

အပြုံးနန့် ကမ်းခရေ လက်ကို
အရှူံးဆု ပီးအပ်တေပြောဖို့
ကို့မာ အားမဟိပါ ချစ်သူ….။

မင်းမဟိရေ မြို့ပြညဉ့်အလှတိက
ကို့ဘ၀ကို တောက်ပနိုင်ဖို့ မထင်
ရင်ကွဲခံဗျာလ် တောပြန်ထွက်လိုက်မေ
ရသေ့ ဘ၀နန့်တော့ မဟုတ်ပါ ချစ်သူ….။

ကွဲအက် စုတ်ပြတ်လီဖို့
နှလုံးသွီးတစက်
မင်းရင်ကို မဖောက်ထွက်နိုင်ခကေလေ့
အဖပြည်အတွက် ပီးဆပ်လိုက်မေ
ချစ်သူ သာဓု ခေါ်နိုင်ဇီ….။
Free4waddy

mandag 18. januar 2010

၂၂၅ နှစ်မြောက် အခမ်းအနားနန့် ရခိုင်ပြည်လွတ်မြောက်ရေးပါတီ ဓါတ်ပုံတိ

ရခိုင်ပြည်လွတ်မြောက်ရေးပါတီ တတိယအကြိမ်ညီလာခံ ကိုယ်စလှယ်တိ အမှတ်တရ


၂၂၅ နှစ်မြောက် အဖရခိုင့်ဘုရင့်နိုင်ငံတော် ကျဆုံးနိန့်အခမ်းအနား (နော်ဝေး)