lørdag 31. mai 2014

Ready made (အဆင်သင့်စား) တောကောင်သားကင် ၀ထု




ဟိုး.....အယင်ခေါက်က တိုင်းပြည်တပြည်ကို ခွီးဘလူးတိ အုပ်ချုပ်လို့နီရေလတ်......ယင်း ခွီးဘလူးတိစွာ တိုင်းပြည်ထဲမာ ကိုက်ချင်ပိုင်ကိုက်၊ သတ်ချင်ပိုင်သတ်၊ စားချင်ပိုင်စားဘ၀နန့် စိတ်တိုင်းကျအုပ်ချုပ်နီလီရေလတ်....။

သူရို့တိုင်းပြည်ထဲမာ ယင်းပိုင်အုပ်ချုပ်နီနိုင်ကေလေ့ တိုင်းပြည်နားတ၀ိုက်က ခဲဝါတိ၊ တောကြောင်တိ၊ ဘာဝုံတိကိုကျခါ သူရို့လုပ်ချင်ပိုင်လုပ်လို့မရ။ ခွီးဘလူတိဟောင်ကေ ဒေကလေ့ လိုက်ဟောင်ရေ။ ကိုက်ကေ့ ပြန်ကိုက်တေဆိုခါ ခွီးဘလူးတိစွာ တခြားတိုင်းပြည်တိအလယ်မာ ကကောင်းမျက်နှာငယ်ရဘနာ အဟြက်ကွဲနီလီရေလတ်.......။

ယင်းဇူးနန့် ခွီးဘလူးတိစွာ ယင်းခဲဝါတိ၊ တောကြောင်တိ၊ ဘာဝုံတိကို ဇာပိုင်နည်းနန့် မျိုးပြုန်းလားအောင်လုပ်ရဖို့လဲဆိုစွာကို အကြံကြီးကြံဘနာ စိုင်းစားနီယင်း တရက်နိန့်ခါ အကြံတခု ဘွင်းခနဲပေါ်လာပါရေလတ်.....

ယင်းအကြံကတော့ခါ နောက်ဆုံးပေါ် တိုယိုတာ၊ ဟွန်ဒိုင်း၊ မစ်ဆူဘီချီ အစဟိရေ ကားကုမ္ပဏီတိက ထုတ်လုပ်တေ နည်းပညာအဆင့်မြင့်ရေ ဖျာလိပ်တိကို အော်ဒါမှာဘနာ ယင်းဖျာလိပ်တိနန့် ကိုင်းထောင်ပါရေလတ်။ ယေခါ ယင်းတောကောင်အုပ်စုတိရေ တခါလေ့မမြင်ဖူးရေဖျာလိပ်ခေါင်းထဲကို အစုလိုက်၊ အစုလိုက်ဝင်ကတ်ပါရေလတ်။ ဖျာလိပ်ဝတိစွာ ၀င်စခါအကျယ်ကြီးပိုင်တွိကေလေ့ ၀င်လီကျပ်လီ...၀င်လီကျပ်လီနန့်....ရုန်းလို့လဲမရ၊ အူလို့လဲမရ၊ ဟောင်လို့လဲမရ ဖြစ်လာပြီးကေ နောက်ဆုံးအပေါက် ဖျာလိပ်ဝက ထွက်ကျလာရေခါ "တန်ဇူးထိုးပြီး တောကောင်းသား(အကင်)...စားရန်အသင့်" (Made in Burma) ဆိုရေ တံဆိပ်တိနှိပ်ဘနာ ထွက်လားခလီပါရေလတ်.......

ငါ့ဝထု တပိုဒ်ဆုံးယာ....ကျန်စွာဟိသိမ့်ကေ ဆက်ပြောလီကတ်ဖိ...........

Free4waddy

လက်ဟိ ရခိုင့်တော်လှန်ရေးကို သုံးသပ်ခြင်း





လက်ဟိရခိုင့်တော်လှန်ရေးအခြေအနေကို သုံးသပ်ရဖို့ဆိုကေ ဟန်ယောင်ဝေ (EBO/NRP) ကောင်းမှုနန့် ၂၀၀၄ က ပြည်ပမာ စခရေ ရခိုင်ပြည်အမျိုးသားကောင်စီက စလိုက်မေ။ ယင်းညီလာခံမာ ပြည်ပရခိုင့်အတိုက်အခံအင်အားစုတိအားလုံးနီးပါး ပါခကတ်တေ။ ယကေလေ့ မကြာခင် အကြောင်းအမျိုးမျိုးကြောင့် ပြန်ပြိုကျလားခကတ်တေ။

အကြောင်းအမျိုးမျိုးဆိုစွာမာ အဓိကအကြောင်း(၂)ခုဟိရေ။ ယင်းချင့်တိက ဇာလဲဆိုကေ-

(၁) ပြည်သူ့ဆန္ဒမပါဘဲ NGO ဖေ့သျှာနန့် သူရို့အလိုကျ ဖုတ်ပူမီးတိုက်လုပ်လိုက်ရခါ လမစိဘဲမွီးလာရေအသျှေပိုင် မွီးလောက်ကပင် (၉၇)ပါးရောဂါ ကပ်ပါလာရေ။ မကြာခင် သီကျလားရေ။

(၂) နောက်တချက်က ကိုယ်ကျိုးမျှော်လူတစုကြောင့်ဖြစ်တေ။ (ဥပမာ) ဒေါက်တာခင်မောင်ဦးဆောင်ရေ ရခိုင်ပြည်အမျိုးသားညီညွတ်ရေးပါတီကို ညီလာခံဆုံးဖြတ်ချက်အရ (၆)လ အတွင်းမာ NUPA နန့် မဟာမိတ်လုပ်ထားစွာကို တရားဝင်ပြန်ဖျက်ပီးဖို့တောင်းဆိုခရေ။ (၆)လ မပြည့်ခင် စိချေအလိုမာ မဟာမိတ်လုပ်ထားစွာကို လုံးဝမဖျက်နိုင်ကြောင်း တရားဝင်စတိတ်မန်းတစောင်ထွက်လာရေ။
အထက်ကဖြစ်ရပ်တိရေ ရခိုင်ပြည်အမျိုးသားကောင်စီကို အဓိကဖြိုခွဲဖျက်ဆီးပစ်တေ အကြောင်းရင်းတိဖြစ်တေ။

ယင်းပိုင်အခြေအနေကနီ ၂၀၁၂ မာ အစိုးရနန့် တိုင်းရင်းသားလက်နက်ကိုင်တိ ငြိမ်းချမ်းရေး ဆွေးနွေးပွဲဖြစ်ပါလတ်တေခါ ရခိုင်ပြည်လွတ်မြောက်ရေးပါတီလဲ အခြေအနေအရပါဝင်လာရရေ။ အစိုးရအနီနန့် တခြားတိုင်းရင်းသားတိကိုပိုင် ရခိုင်ပြည်လွတ်မြောက်ရေးပါတီကိုလေ့ ပြည်ထဲကိုဝင်ဘနာ ပြည်သူတိနန့် ထိတွိခွင့်ပီးကြည့်လိုက်တေ။ နဂိုကပင် နိုင်ငံရေးဓါတ်ခံအင်အားကောင်းရေ၊ မျိုးချစ်စိတ်ဓါတ်ထက်သန်ရေလူတိနန့် တော်လှန်ရေးအဖွဲ့အစည်းတခု ရင်ရင်ချင်းထိမိကတ်တေခါ တော်လှန်ရေးမီးတောက်ကြီး ဟုန်းခနဲ ထတောက်လားခရေ။ အောက်သားအစိုးရ မျက်စိမျက်ဆန်ပြူးဘနာ ခြီမကိုင်မိ လက်မကိုင်မိ ဖြစ်လားခရေ။

တခြားတိုင်းရင်းသားတိကို ပြည်နယ်အဆင့်ဆွေးနွေးပွဲ၊ ဗဟိုအဆင့် ဆွေးနွေးပွဲတိကို အဆင့်ဆင့်လုပ်ကေလေ့ ရခိုင့်တော်လှန်ရေးအင်အားစုတိကို ပြည်ထဲကိုနောက်တခေါက် ထပ်သွင်းဖို့ ချနုံ့တုံအောင် ကြောက်လားခရေ။ ယင်းချင့်နန့် တချိန်တည်းမာ လှိုင်းပိုင်တလိပ်လိပ်တက်လာရေ ရခိုင့်အမျိုးသားနိုးကြားရေစိတ်ဓါတ်တိကို ချိုးပလိုက်ရဖို့ဆိုစွာကို မယူမနည်းနန့် ကြံစည်လာရေ။ ချက်ချင်းဆိုပိုင် ရခိုင်-ကုလား အရေးအခင်းကို ဖန်တီးရေ။ ယင်းချင့်ရည်ရွယ်ချက်က ဇာလဲဆိုကေ " တော်လှန်ရေးသမတိကို အားကိုးနီလို့မရ၊ ကုလားတိရန်ကို မြင်ရေမလား...ငရို့ကိုပုန်ကန်ဖို့မချောင်းကေ့" ရခိုင်သားတိကို တဖက်လှည့်နန့် လှည့်စားဘနာ ခြောက်ပလိုက်စွာဖြစ်တေ။

တဖက်မာ တော်လှန်ရေးသမားတိကိုလေ့ နည်းအမျိုးမျိုးနန့် သပ်လျှိုသိမ်းသွင်းရေ။ ဒေပိုင် သပ်လျှိုသိမ်းသွင်းစွာတိမာ ဇာကြောင့်ပါလာကတ်ရလဲဆိုစွာ အကြောင်း(၅)ချက်ဟိရေ။

(၁) နာမ်ရာဟိပြီးကေ ရုပ်မဟိရေ တော်လှန်ရေးသမားတိ နီရာလိုချင်မှု။
(၂) တော်လှန်ရေး နီမြီ အခြီကုပ်စခန်း ရခိုင်ပြည်မာ မချနိုင်မှု။
(၃) တိုင်းပြည်နန့် လူမျိုးအကျိုးထက် ကိုယ်ကျိုးပိုအရေးကြီးရေ တော်လှန်ရေးသမား တချို့ပါဝင်နီမှု။
(၄) မဟာမိတ်တိုင်းရင်းသားတိ (ကရင်၊ ကချင်)ရို့၏ မျက်နှာကို ကြည့်နီရမှု။
(၅) နိုင်ငံတကာနန့် အစိုးရစွန့်ကြဲပီးရေ မသထာရီစာတိကို လောဘဇောတိုက်လာကတ်မှု။

ဒေဖော်ပြပါ အခြေအနေတိစွာ လက်ဟိတော်လှန်ရေး၏ လက်တွိပဂတိ အခြေအနေတိဖြစ်ကြောင်း သုံးသပ်တင်ပြလိုက်ပါရေ။

မှတ်ချက်။ (တယောက်ကိုလေ့ မပုတ်ခတ်၊ မစော်ကား။ အမှန်တရားကို တင်ပြခြင်းရာဖြစ်တေ။ တတေ့ကျလို့ နောက်ကုန်းကို ကျမွိနန့်ထောင်းပစ်ပိုင် တွိလားကေတော့ မတတ်နိုင်)

Free4waddy

သိကတ်လီ



သိကတ်လီ
★★★★★★

ငါ့လူရို့ စကားပြောနီယာ
ငါရို့သွီးတိ စီးဆင်းနီယာ
ကုလားတန်မြစ်ရီပိုင်
လေးမြို့မြစ်ရီပိုင်
မယူမြစ်ရီပိုင်
ဇာသူရို့တားကတ်ဖို့လဲ
ဇာသူရို့တားနိုင်ဖို့လဲ
သမိုင်းကတော့ခါ
အချေမွီးဖို့ပျင်နီယာ

ဝီးနီရ

ဆရာ ဦးစိုးသိန်းသို့





လူတဘ၀ဖြစ်လာရေ.......... သင်္ကြန်လေ့ မပျော်ရ၊ ၀ါကျွတ်လေ့ မပျော်ရ၊ တန်းဆောင်မုန်းလေ့ မပျော်ရ....

ဆရာ ဦးစိုးသိန်းပြောဖူးခရေ စကားတခွန်းကို ရက်ပြတ်စိုင်းစားနီမိရေ။ ဆရာ ဦးစိုသိန်းဆိုစွာ မွန်-ဗမာ ကပြား။ အကျွန့်မာ ငယ်ဆရာ။ စာပြစွာမာ ဘာသာပေါင်းစုံတော်ရေ။ တပည့်တိကိုလည်း စေတနာကောင်းဟိရေ ဆရာကောင်းတယောက်။ အကျွန် ဒေနိ ကဗျာချေယက်ချေ မတောက်တခေါက် ရွီးနီစွာ ယင်းဆရာကျေးဇူးတိမကင်း။

တရက်နိ ယင်းဆရာ (၁၀)တန်းစာမီးပွဲအခြေလွှာစစ်ဖို့ ရန်ကုန်ကိုရောက်ယင်း အကျွန့်ပါးကိုရောက်ပါလတ်တေ။ အကျွန်ကလေ့ ကိုယ့်မာဟိရေဖေ့သျှာချေနန့် ဆရာကိုတတ်နိုင်သလောက် ပုဇွန်တောင်မာ ပြုစုပီးရေ။

ဆရာ အကျွန့်ကို စကားတခွန်းပြောခရေ..........
" ဝေး ထွန်းထွန်း.....နိုင်ငံခြားကိုလားလို့ ဖေ့သျှာဟြာဖို့လား ဆရာကို လာမမီးကေ့။ ယင်းပိုင်လားကေ ဖေ့သျှာအများကြီး ရချင်ကေ ရလိမ့်မေ.....ယကေလေ့ ယင်းချင့်စွာ ချမ်းသာစွာမဟုတ်။ ဆရာမာ မိသားစုနန့်၊ သားချေ၊ သမီးချေနန့် ရခိုင်ပြည်မာ နီရရေ....ဒေချင့်မ ချမ်းသာစွာ" ငါ တခါလေ့ မလား။ ဆိုဘနာ ပြောလားခရေ.............။

အကျွန်ဟိုနှစ်က ဇူလိုင်လမာ ရခိုင်ပြည်ကိုရောက်ခီရေ။ ဆရာ ဘ၀တပါးကိုပြောင်းလားခယာ....မတွိလိုက်ရ။ စစ်တွေ အထက(၂)မာ တာဝန်ထမ်းဆောင်နီယင်း  ဘ၀တပါးကိုပြောင်းလားခရေလို့. သတင်းကြားမိရေ။
 ကောင်းရာသုဂတိကို လားပါစီ ဆရာ.......

Free4waddy

ရခိုင်ပြည်က သင်္ကြန်အကြောင်း





ရခိုင်ပြည်မြောက်ပိုင်းက သင်္ကြန်အကြောင်းကို ရခိုင်ပြည်တောင်ဖက်ပိုင်းက ညီအကိုမောင်နှမတိကို စိချေ ဖောက်သေချလိုက်မေ...။

အကျွန်ရို့ဘားမာ သင်္ကြန်ကျစွာ တမြို့နန့်တမြို့ မတူကတ်ပါ။ အပါးဆုံးဥပမာ ပြရဖို့ဆိုကေ စစ်တွေကစလို့ ပြပါမေ။ ဒေနိန့်ခါ စစ်တွေမာ သင်္ကြန်အကျ ဆိုကေ အကျွန်ရို့ ရသေ့တောင်မာ နက်ဖန်ခါမ သင်္ကြန်ကျပါရေ။ ဘူးသီးတောင်မာ သန်ဖက်နိန့်ခါ မကျပါရေ။ မောင်တောမာ အဖီးနိန့်ခါမ ကျပါရေ။ ဒေချင့်စွာ နှစ်စိုင်နှစ်တိုင်း ပုံမှန်ကျကတ်စွာပါချင့်။ ယင်းဇူးနန့် စစ်တွေမာ ကျပြီးကေ ရသေ့တောင်၊ ရသေ့တောင်မာ ကျပြီးကေ ဘူးသီးတောင်၊ ဘူးသီးတောင်မာ ကျပြီးကေ မောင်တော မြို့ရိုတိကို ပတ်ဘနာသင်္ကြန်ချဖို့ တောင်ပိုင်းကလူတိကို ဖိတ်ခေါ်လိုက်ပါရေ။

အရာ ယင်းထက်ပျော်ဖို့ကောင်းစွာဟိပါသိမ့်ရေ။ အကျွန်ရို့ ရသေ့တောင်မြို့နယ် မယူကမ်းက သင်္ကြန်ပွဲပါ။ မယူကမ်းမာ ရွာပေါင်းဇာလောက်ဟိလဲဆိုစွာကိုတော့ အကျွန်အသေအချာ မမှတ်မိပါ။ အကျွန်မှတ်မိသလောက်ပြောရဖို့ဆိုကေ မယူကမ်းတောင်ဖက်အစွန်းဆုံး အငူမော်ကုန်တန်းရွာက နီဘနာ ရသေ့တောင်မြို့နယ်အဆုံး မြောက်ဖက်အစွန်းဆုံး ဆင်အိုးရွာထိ အနည်းဆုံးမဟိဆိုကေလေ့ ရွာပေါင်းရာနန့်ချီလို့ဟိပါရေ။ ယင်းတကမ်းလုံးမာ တရွာကိုတရက် အလှည့်ကျစနစ်နန့် မိုးမကျ မချင်း၊ လယ်မထွန်မချင်း သင်္ကြန်ပွဲကို ချကတ်ပါရေ။

အယင်ခါ ရခိုင်ပြည်မာ ဘားဘူဟိယင့် ဆန်ဟိယင့်၊ ဒိုင်းကျီဟိယင့် ရီဟိယင့်ဆိုပိုင်...ဒေပိုင်ချစ်ဖို့ကောင်းရေ ယိုင်ကျေးမှုတိကို ပိုင်ဆိုင်နိုင်ခကတ်ကေလေ့...ဒေနိ အောက်သားတိလက်အောက်မာ ငရို့အမျိုးတိ သင်္ကြန်ပင် ချနိုင်ကတ်သိမ့်ယင့်လား မဆိုနိုင်ယာ...........

Free4waddy

လူစင်စစ်က ဒုက္ခသည် ဖြစ်လားရရေ ဘ၀



အမှန်မာ ဒုက္ခသည်လျှောက်ဖို့ တခုပိုင်လေ့ ရည်ရွယ်ချက်မဟိခ။ တောထဲ တောင်ထဲမာ ကိုယ့်ရဲဖော် ရဲဖက်တိနန့် အီးအတူ ပူအမျှ နီချင်ခစွာ....ယကေလေ့ အကြောင်းဖန်လာရေခါ ဘ၀ဇာတ်ဆရာအလိုကျ လုပ်လုပ်ပီးလိုက်ရရေ။

ပဌမဆုံး ဘ၀ဇာတ်ဆရာက ထိုင်းဝန်ကြီးချုပ် တက်ခ်စိန်။ အောက်သားအစိုးရနန့် ကဂေါင်းပလူးပလဲဖြစ်ဘနာ နယ်စပ်မာတော်လှန်ရေးသမားတိကို ဖမ်းဘနာ ဗမာပြည်ကို ပြန်ပို့ရေ။ ယင်းပိုင်နန့် ပါတီလူကြီးတိက ဒုက္ခသည်ကဒ်တခုခုဟိထားကေ နီရထိုင်ရစကေ ချောင်ဖို့ဆိုဘနာ အကြံပီးကတ်စွာက လိုလိုမယ်မယ် လျှောက်ထားလိုက်တေ။

ဒုတိယတချက်က လူမာကံဇာတာနိမ့်လာရေခါ အချစ်ကမုန်း၊ ဖဲကရှုံး (ဖဲမကဇက်ပါ၊ ကာရံညီအောင်ပြောလိုက်စွာပါရာနန်း) ရည်းစားကိစ္စတိနန့် ဗရဗွီသတ်ဘနာ KNU က ဗိုလ်တကောင်နန့် စကားများစိမ်ခေါ်ဖြစ်တေ.....
ကလင်......ကလင်.......ကလင်......
ဟလို
ကရင်။ ခင်ဗျား ခိုင်ထွန်းထွန်းလား
ဖြေ။ ဟုတ်ကဲ့
ကရင်။ အဲ ငါ KNU က ဗိုလ်........................ဘဲ။ .........................
ဖြေ။ အဲဒါဆိုရင် ငါလဲ ALP က ဗိုလ်ဘဲ။ မင်းနေတဲ့နေရာကို့ ငါမသိဘူး။ ငါ အမျိုးသား ဒီမိုကရေစီ တပ်ပေါင်းစု (National Democratic Front) ရုံးမှာ အမြဲတမ်းရှိတယ်။ မင်း ကြိုက်တဲ့အချိန်လာခဲ့ ဆိုဘနာ ပြန်ပြောလိုက်တေ။

အကျွန်ဖုန်းပြောနီစွာကို အကျွန့်ဘေးနားက ကရင်တပည့်ချေကြားလားခပြီးကေ ရုံးမာ ငါးတိ ဟင်းတိဝယ်ကေ ဖျင်လို့ရအောင်ဝယ်ထားရေ ဓါးမကိုလားယူဘနာ " အဲဒီကောင်လာရင် ကျနော်ရှင်းမယ်၊ ဆရာထွန်း ရှင်းစရာ မလိုဘူး" ဆိုဘနာ ခြံဝမာ ဓါးမထောင်ပြီးကေ ကင်းစောင့်နီရေ။ ယင်းချင့်တိစွာ တဆင့်စကား တဆင့်နားနန့် ပါတီကလူကြီးတိနားထဲကိုရောက်လားခရေ။ ပါတီက လူကြီးတိလေ့ မဟာမိတ် ကရင်နန့်မျက်နှာပျက်ဖို့စွာကြောက်လို့ အကျွန့်ကိုရုံးလေ့မတက်ခိုင်းဘဲနန့် ခြံထဲကအိမ်ပြင်မထွက်ရ အမိန့်ထုတ်ထားလိုက်တေ။

တတိယပြဿနာက ပါတီဂေါင်းဆောင်တချို့နန့် ကတောက်ကဆ ဖြစ်ကတ်တေ။ ယင်းသတင်းလေ့ တဆင့်စကား တဆင့်နားနန့် အမေရိကန်ရို့၊ အင်္ဂလန်ရို့မာဟိကတ်တေ၊ အကျွန်ရို့ရဲဖော်တိကို အင်္ဂလိပ်စာပြပီးနီခကတ်တေ ဆရာ၊ ဆရာမတိ နားထဲကိုရောက်လားခရေ။ ယေခါ ယင်းဆရာ၊ ဆရာမတိက အကျွန့်အတွက်စိုးရိမ်ဘနာ ကုလသမဂ္ဂ ဒုက္ခသည်များရုံးတာဝန်ခံ (မဲဆောက်)ပါးကို အကျွန့်ကို တတိယနိုင်ငံတခုခုကို အယင်ဆုံးပို့ပီးဖို့ ဖုန်းဆက်ကတ်တေ။ ယင်းပိုင်နန့် UN ရုံးက တာဝန်ခံစွာ ALP ရုံးဖုန်းကို ဆက်ဘနာ အကျွန့်ကိုဆက်သွယ်ဖို့ကြိုးစားနီစွာ (၅)ခေါက်လောက်ကျနီယာ။ အကျွန်က တောထဲကိုလားလိုက်၊ အစည်းအဝေးလားလိုက်၊ ညီလာခံလားလိုက်နန့် အကျွန်နန့် တခါလေ့မတိုးဖြစ်နီရေ။

နောက်ဆုံးအကျွန်ချင်းမိုင်ကိုရောက်နီရေ နိန့်တနိန့် ဖုန်းတလုံးဝင်လာရေ။
မီး။ နင် ခိုင်ထွန်းထွန်းလား
ဖြေ။ ဟုတ်ပါရေ
မီး။ ငါ မဲဆောက် ယူအန်ရုံးက တာဝန်ခံအရာဟိမ အယ်လီဇဘတ်။ နင်အဂု ဇာရောက်နီလဲ။
ဖြေ။ ငါ ချင်းမိုင်မာ
မီး။ မဲဆောက်ကို အယင်ဆုံးရရေနည်းနန့် ပြန်လာပါ။

အကျွန့်မာ ပစပို့စာအုပ်လေ့ ကုန်လားခယာ၊ ထိုင်းထောက်လှမ်းရေးလက်မှတ်လေ့မဟိ။ အကျွန်ဒုဥက္ကဌခိုင်စိုးနိုင်အောင်ကို အကျိုးအကြောင်းပြောပြဘနာ ဖုန်းဆက်တေ။ ကံဆိုးချင်ခါ ထောက်လှမ်းရေးတိ ခရီးလွန်နီကတ်လို့ တယောက်လေ့မဟိ။ ယပိုင်ဆိုကေ ဖြစ်ချင်ပိုင်ဖြစ် အကျွန်နက်ဖန်မိုးလင်းအာရုံကားနန့် ဆင်းလာပါဖို့။ လမ်းမာ ဖမ်းမိကေ ပြန်လို့ဖုန်းဆက်သွယ်ပါမေ ပြောလိုက်တေ။ ကံကောင်းချင်ခါ လမ်းမာ အဖမ်းအဆီးမဟိခ။

ယင်းပိုင်နန့် မဲဆောက်ကိုရောက်လို့ ယူအန်ရုံးကိုလားခဘနာ အ၀မာ ဂိတ်စောင့်ကို နာမေပီးလိုက်စွာနန့် " မင်းရောက်လာကေ အယ်လီဇဘတ်က သူ့ပါးကိုခေါ်ယူခ ဆိုဘနာမှာထားပါရေလတ်။ ယင်း ဂိတ်စောင့်က အယ်လီဇဘတ်ရုံးခန်းကို လိုက်ပို့ပီးပါရေ။ ရုံးခန်းထဲကိုရောက်စွာနန့် ယင်းတိုင်သျှင်မက နင် အင်္ဂလန်ရို့၊ အမေရိကန်ရို့ကို လားဖို့စောင့်နီကေ ကြာလားဖို့၊ အဂု လောလောစိုင် နော်ဝေကအိန်တာဗျူးဖို့ ရောက်နီကတ်တေ၊ နင် နော်ဝေကို လားလိုက်ပါ၊ နော်ဝေလေ့ ကောင်းပါရေ " ဆိုဘနာ ပြောရေ။ အကျွန်ကလေ့ ဇာကိုပင်ပို့ပို့ ပို့ချင်ရေနီရာကိုပို့ လို့ပြောလိုက်တေ။

ယင်းပိုင်နန့် လူစစင်စစ်က ဒုက္ခသည်ဘ၀ ကျရောက်လားပါကြောင်းးးးးးးးးးးးးးးးးးး

Free4waddy

စိုင်လာပျက် မုန့်တီ





သောင်းပြောင်ထွီလာ
ဒေကမ္ဘာမာ
ဆား၊ ငပိမပါ
စိုင်လာပျက်မုန့်တီတခွက်
ပေါ်ထွက်လို့လာ......။

ဟင်းရည်အိုးမှောက်သံ
ခွက်ကိုင်ပေါက်သံ
ဘ၀ဂ်ညံရေ
အမှန်တရား ပေါ်ထွက်ပါစီကား
ပြည်ကြီးရခိုင် လွတ်စီသား........။

Free4waddy

အတ္တ ရထားဆွဲပွဲ





တနီသတ် ချခြောက်
ရွာပြင်မာ ကုန်းကောက်
ရွာထဲမာ လာပစ်ပေါက်
အားလုံး လမ်းစပျောက်.......။

ဟြိကို မမြင်
နောက်ကိုငင်
ကိုဘင် အသိ
ချခြောက်စာ မိ..........။

ပြည်သူ့အသံ
နားထောင်ဇံ
ငရို့ရာအမှန်
အတ္တမလွန်ကေ့.....။

Free4waddy

အကြီးဆုံး ဘေး





လူ့လောကမာ မီးဘေး၊ ရီဘေး၊ လီဘေး၊ သခိုးဘေး၊ ဒမြဘေး ယင်းဘေးတိကို အကြီးဆုံးဘေးအန္တရယ်အဖြစ်သတ်မှတ်ထားကတ်တေ.....။

အမှန်မာ ယင်းဘေးတိထက် ကြီးရေဘေးတခုကို လူတိ မိနီကတ်တေ.....ယင်းဘေးက ဇာဘေးလဲဆိုကေ.....

"လူတဘ၀ဖြစ်လာပြီးကေ ကိုယ့်လူမျိုး လူမှု့အသိုင်းအ၀ိုင်းက ပစ်ပါယ်ခံရပြီးကေ လူရာအသွင်း မခံရရေဘေးဖြစ်တယ်"

မသီမချင်း စူးကျဝက်ပိုင် ဘ၀နန့်၊ ဆင်ဖြူမျက်နှာ ဆင်မဲ မကြည့်ဝံ့ဆိုရေပိုင် တနုံ့နုံ့ခံစားရဘနာ သီကျလားနိုင်ရေ။

Free4waddy

အချိန်နန့်အလုပ်ကို အကျိုးဟိစွာ စီမံခန့်ခွဲနည်း





အချိန်ဆိုစွာ အလုပ်ဟိကေလေ့ ကုန်ရေ၊ အလုပ်မဟိကေလေ့ ကုန်ရေ။ ယင်းပိုင် တမွိမွိကုန်နီရေအချိန်တိကို ကိုယ့်အတွက်ဇာပိုင်အသုံးချဖို့လဲဆိုစွာကို သတိထားမိရေလူလဲဟိဖို့ပိုင် သတိမထားမိရေလူတိလဲ ဟိကတ်ဖို့။ သတိထားမိဘနာ အကျိုးဟိဟိအသုံးချနိုင်ရေလူက သတိမထားမိရေလူတိထက်တော့ အကျိုးများဖို့စွာ သေချာရေ။ ယင်းဇူးနန့် အားလုံးသူ သတိထားမိလာအောင် ဒေစာပုဒ်ချေကို ရွီးလိုက်စွာဖြစ်တေ။

အချိန်ကို အကျိုးဟိဟိအသုံးချနိုင်ဖို့အတွက် တရက်စာပုံမှန်အချိန်စရင်း၊ တပါတ်စာပုံမှန်အချိန်စရင်းချေတိနန့် လေ့ကျင့်လုပ်ယူလားနိုင်စွာက အကောင်းဆုံး။ နောက်တခုက တချိန်တည်းမာ အလုပ်နှစ်ခု၊ သုံးခုလုပ်လို့ရရေ အလုပ်တိဟိပါရေ။

ဒေနီရာမာ အကျွန့်အတွိအကြုံချေတိနန့် မျှဘနာ တင်ပြပီးပါမေ။ အကျွန်ဆိုကေ မိုးထ(၅)ချက်တီး ဒေါင်ခနဲမြည်စွာနန့် အလုပ်လားဖို့ အိပ်ရာက ထရပါရေ။ (၅)ချက်တီးခွဲမာ အိမ်ကထွက်နိုင်မ အလုပ်ကိုအချိန်မီကွက်တိလောက် ရောက်နိုင်ပါရေ။ ယင်းနာရီခွဲချေအတွင်းမာ လုပ်စရာအလုပ်တိက မကန်ပါ။ ကိုယ်လက်သန့်စင်ဖို့၊ ကော်ဖီသောက်ဖို့၊ ဇာသတင်းတိထူးလဲ၊ ဒေနိ ရာသီဥတုအခြေအနေ ဇာပိုင်ဟိဖို့လဲ သတင်းတိကို မီတာ(၁၀၀) အပြီးနှုန်းနန့်ဖတ်ရဖို့၊ ထမင်းဗူးထည့်ရဖို့၊ အလုပ်လားဖို့ အ၀တ်အစားဝတ်ရဖို့၊ ဖနပ်ဝတ်ရဖို့ (အ၀တ်အစားတိကို ဆောင်းတွင်းဖက်ဆိုကေ သုံးလေးထပ် ၀တ်ရပါရေ)။

ယင်းအလုပ်တိအားလုံးကို နာရီခွဲအတွင်းမာ တခုပြီးမ တခုလုပ်ဖို့ဆိုစွာ အကျွန့်အတွက်တခုပိုင်လေ့ မဖြစ်နိုင်။ တယောက်အတွက်လေ့ ဖြစ်နိုင်ဖို့မထင်။ ယင်းဇူးနန့် အကျွန် အိပ်ရာကထထချင်း မီးဖွင့်၊ ရပူအိုးဆောက်၊ ကွန်ပြူတာဖွင့်ထားခပြီးကေ မျက်နှာသစ်၊ သွားတိုက်၊ ကိုယ်လက်သန့်စင်ရေ အလုပ်တိကို လုပ်ပါရေ။ ဒေချင့်စွာ တချိန်တည်းမာ အလုပ်(၃)ခုကို တပြိုင်တည်းလုပ်နီစွာပါ။

အခန်းထဲကို ပြန်ရောက်စွာနန့် ကော်ဖီဖျော်၊ အိန်တာနက်ဖွင့် သတင်းဖတ်၊ တချိန်တည်းမာ အ၀တ်အစားတိကို ကော်ဖီသောက်ယင်း၊ သတင်းဖတ်ယင်း ကုလားထိုင်မာ ထိုင်လို့ဝတ်ပါရေ။ ယင်းချင့်တိကို ဗြုန်းဗြုန်းတပြိုင်တည်းလုပ်လို့ ပြီးစွာနန့် ထမင်းဗူးမာ ထမင်းထည့်ကေ အလုပ်ကိုပြီးရပါရေ။ တခါတရီ ကောက်ဖီကို ကုန်အောင်သောက်ဖို့မရခ။ ကျန်ရေကော်ဖီကို လမ်းမာလားယင်းနန့် သောက်လားပါရေ။



အလုပ်က နိန့်ခင်းဖက် (၂)ချက်တီးခွဲလောက်ဆိုကေ အိမ်ပြန်ရောက်ပါရေ။ အိမ်ပြန်ရောက်ကေ အိန်တာနက်ဖွင့်ဘနာ သတင်းတိပြန်ဖတ်၊ ဖတ်စရာ စာအုပ်တိဟိကေ စာဖတ်၊ စိတ်မာခံစားချက် ရွီးချင်စရာဟိကေ စာရွီး၊ Chat စရာဟိကေ Chat လုပ်ပြီးကေ ညစာ(၅)ချက် ဒေါင်ခနဲတီးစွာနန့် ညစာထမင်းချက်ပါရေ။ (၆)ချက်တီးစွာနန့် ရီချိုး၊ (၇)ချက်တီးကေ ရေဒီယိုသတင်းတိကို နားထောင်ယင်း ထမင်းစားရေ။ စားပြီးကေ တနားတပို အိန်တာနက်ပြန်သုံးဘနာ (၉)ချက်တီးကျော်လောက်ဆိုကေ အိပ်ရာဝင်ပါရေ။

ဒေချင့်စွာ အကျွန်၏ တရက်တာအချိန်လည်ပတ်မှုပါ။ အကျွန်ရို့ လူငယ်ချေတိ အချိန်ကို အလဟသ မဖြစ်စီဘဲ အကျိုးဟိဟိအသုံးချတတ်နိုင်ကတ်ပြီး အဖပြည်အတွက် ပိုလို့အကျိုးဟိရေအလုပ်တိကို လုပ်နိုင်ကတ်ပါစီ။

Free4waddy

ရခိုင်ညီလာခံ(ကျောက်ဖြူ) သို့ ဆုတောင်းသ၀ဏ်လွှာ





- ခေတ်ကာလနန့်အညီ ရခိုင်တမျိုးသားလုံး၏ လက်ဟိပဂတိအခြေအနေ လိုအပ်ချက်တိ၊ လိုအင်ဆန္ဒတိကို အရိပ်ကင်းလွတ်ပြီး လလွတ်လလပ်၊ ပပွင့်လလင်း တွိဆုံဆွေးနွေးပွဲကတဆင့် တမျိုးသားလုံး၏ဆန္ဒကို မှန်တချပ်၊ ကြီးမုံတချပ်ပိုင် ရောင်ပြန်ဟပ်စီနိုင်ရေ ညီလာခံကြီး ဖြစ်ပါစီကြောင်း ဆုမွန်ကောင်းတောင်း ဆန္ဒပြုလိုက်ပါရေ။

- တိုင်းပြည်နန့်လူမျိုး ရေရှည်တည်တံ့ခိုင်မြဲဖို့ အမျိုးသားလုံခြုံရေး၊ ပညာရေး၊ ကျမ္မာရေး၊ ဖွံ့ဖြိုးတိုးတက်ရေးတိအတွက် ရေတို၊ ရေရှည်စီမံကိန်းတိချမှတ်ပြီး ပေါက်မြောက် ထိရောအောင် အကောင်အထည်ဖော်နိုင်ကတ်ပါစီ။

- ရခိုင်ပြည်နန့် ရခိုင်လူမျိုးတိအတွက် ထိုက်တန်သော၊ ရခိုင်တမျိုးသားလုံး နှစ်ပေါင်းမြောက်များစွာ မျှော်လင့်စောင့်စားနီသော မျှော်လင့်ချက်ရောင်ခြည်တိကို ဒေညီလာခံဘကြီးက ပြတ်သားကြည်လင်သော အလင်းရောင်အမျှင်တန်းတခုကို ပီးနိုင်ကတ်ပါစီလို့ ဆုတောင်းမေတ္တာ ပို့သလိုက်ပါရေ။

- ညီလာခံကြီး အောင်မြင်ပါစီ.............


ခိုင်ထွန်းထွန်း
နော်ဝေနိုင်ငံ (ခေတ္တ)
သတင်း

အမေရိကန်ရောက် ဒုက္ခသည်အတု ရခိုင် သုံးလေးကောင် သို့........





ထိုင်းမာ လက်လုပ်လက်စားရခိုင်သားတိကို နိုင်ငံရေး၊ တော်လှန်ရေးနန့် တခါချေလေ့ မပါတ်သက်ဖူးရေလူတိကို ဒုဥက္ကဌ က ရခိုင့်ရေရှည်အကျိုးကို မျှော်ကိုးဘနာ မဟုတ်ကေလေ့ ဟုတ်ပါရေ။ မလုပ်ကေလေ့ လုပ်ပါရေ ဆိုဘနာ အမျိုးမျိုးကြံဖန်ဘနာ လုပ်ပီးလိုက်လို့ တတိယနိုင်ငံတိကိုရောက်လားခကတ်တေ။

တတိယနိုင်ငံတိကိုရောက်လားခကတ်တေနောက်ပိုင်းမာ အယင်ခါ ပေါက်တူးပေါက်နီရေလက်တိ၊ ကပ်ကျေးကိုင်နီရေလက်တိ ကွန်ပြူတာကီးဘုတ်မာ ကကျီးဇာနားမာ၊ ခခွေ ဇာနားမာ ဆိုစွာကို သိပါလတ်စွာနန့် ဇာတိနာပြလာကတ်တေ။ ပါတီကိုတိုက်ခိုက်တေ၊ ပုဂ္ဂိုလ်ရေးအရ တိုက်ခိုက်တေ။ ပုဇွန်ဦးနှောက်နန့် စမ်းဖီစမ်းဖန်း လိုက်ယမ်းနီကတ်တေ။

အေး...၀ါကျီးတိကတော့ ဖုန်းကြီးတောင် အရှုံးပီးရရေလူတိဆိုခါ တခုလေ့ ပြန်တုန့်ပြန်လီဖို့မဟုတ်ိ။ သူရို့တိက ခန္ထီပါရမီ ပြည့်နီယာ။ မင်းရို့ဆုတောင်းထားရဖို့စွာတခုရာဟိရေ....မင်းရို့ ယင်းဖက်ဒို့ လည်ဖို့ရောက်တေအချိန်...ယင်းမာ ခိုင်ထွန်းထွန်းမဟိပါလီစီကေ့..မသိပါလီစီကေ့..လို့ရာဆုတောင်းထားကတ်။ မင်းရို့တိကို အချုပ်ခန်းထဲမာ ထည့်ထားဖို့ ငရို့မာ အချုပ်ခန်းမဟိ။ ထမင်းလေ့ အပိုမဟိ။ သတိပီးစွာ။

Free4waddy

ရခိုင်အမျိုးသားညီလာခံ (ကျောက်ဖြူ)သို့ ဂုဏ်ပြုကဗျာ



ငရို့အလှည့်မာ
သမိုင်းတခေတ်ထုဆစ်ဖို့
သန္တာမြီ ကမ်းခြီမာ
အဖြီဟြာဖို့ စုနီကတ်ယာထော....။

အဖပြည်သာယာဖို့
အဖပြည်တိုးတက်ဖို့
ရက္ခိတရို့ အိမ်မက်
ရက္ခိတရို့ အသက်
မာန်တက်အားကြိုး
စည်းလုံးရေအမျိုး
ရန်စွယ်ဆိုးတိကို ဖြိုခွင်းဖို့
ငရို့ စုနီကတ်စွာဒေ.....။

ဒေက အလွန်
နက်ဖန်ရောက်ကေ
ငရို့ ကံကြမ္မာ
ငရို့ မဖန်တီးနိုင်ပါလို့
ဇာသူ အာမခံနိုင်ဖို့လဲယေ........။

Free4waddy

မိဖ မေတ္တာ...





ဒေနိန့် ရခိုင်ပြည်တပ်မတော် (AA) က ဒုစစ်ဦးချုပ် ဒေါက်တာ ညိုထွန်းအောင်ဓါတ်ပုံတိကိုမြင်ရလို့ ရင်ထဲမာဆို့လားပိုင်တွိပြီးကေ အမိမျက်နှာကိုပြီးမြင်မိလားရေ။ အမိတိုင်းစွာ သားတိကို ဇာလောက်ယုံကြည်မှုဟိရေ၊ သားတိ ယုံကြည်ချက်၊ ခံယူချက်နန့် တထပ်တည်းဟိပါရေ။ လိုအပ်လာကေ အမျိုးသားလွတ်မြောက်ရေးတိုက်ပွဲမာ ကိုယ်တိုင်မတိုက်နိုင်ကေတောင် နောက်တန်းကနီဘနာ သားတိအတွက် ထမင်းချက်၊ ရိက္ခာပို့ အမိတိဖြစ်တေမလားဂုလို့ ခံစားမိရေ။ အာဂ အမိတိ။ သားတိဆန္ဒကို ပစနန့်မပြောကေ့ အမူအရာချေနန့်တောင် မပြရေ အမိတိ။

ရပ်ထဲ ရွာထဲမာ၊ ကိုယ့်လူမှုပတ်ဝန်းကျင်မာ သားသမီးတိကို လူစံမီအောင်အနိုင်နိုင် ကြိုးစားပြုစုပျိုးထောင်ပီးလာရေ မိဖနှစ်ပါးလက်အောက်မာ အကျွန်ကြီးပြင်းခရစွာပါ။ အကျွန် ကုန်ခရေနှစ်က လားလည်ခီလို့ အကျွန်အိမ်က ပြန်ထွက်ဖို့နိန့် မိုးထစစောဆယ်ချက်တီးလောက်မာအမိမာ ဇာခါကပင် ကျစ်ဘနာ စုထားရေ ဒဂါင်္းတိလေ့မသိ
(၅၀၀၀)တန် တထပ်ကိုင်လာဘနာ " လမ်းမာ လိုလိုမေမေသုံးဖို့ ယူလားလီ" ဆိုဘနာ လာပီးရေ။ ဖော်ပြဖို့ မတတ်အောင် ရောဂါဝေဒနာတိကို ခံစားလိုက်ရရေ။

အမိအဖကို မသိတတ်တေသား၊ ညီအကိုမောင်နှမတိကို မသိတတ်တေသား၊ မိသားစုကို မျက်ကွယ်ပြုဘနာ နှစ်ပေါင်း(၂၃)နှစ်ကျော် စာချေတစောင် မရွီး၊ သီလားပျောက်လား မသိနိုင်ခရေသားဆိုး....

" မယူ မေမေ....မောင်မာ သုံးဖို့စွာဟိပါရေ" ပြန်လာခရရေ။

Free4waddy

ခြိင့်ထဲက ကြက်





လူတချို့ကိုကြည့်ဘနာ ဟိုးးးးလွန်ခရေ လေးငါးခြောက်နှစ်လောက်က WAO အစည်းဝေးတခုမာ ကိုဘအေး(ဂျပန်) ဥပမာပီးပြောလားခရေ အကြောင်းချေတခုကို ပြန်စိုင်းစားမဘနာ သံဝေဂ ရလာပိုင်တွိရေ။

ဒေနိ ရခိုင်လူမျိုးတိဘ၀စွာ စစ်တေ-ဘူးသီးတောင်သင်္ဖောထက်က ထမင်းဆိုင်မာချက်ရောင်းဖို့ပါလာရေ ခြိုင့်ထဲကကြက်တိနန့်တူရေ။ အချိန်တန်ကေ အိုးထဲရောက်ဖို့ဆိုစွာမသိဘဲ တကောင်ကိုတကောင် ဂေါင်းဆိတ်လိုက်၊ အချင်းချင်းခွပ်လိုက်နန့် ရန်ဖြစ်နီကတ်တေ။

ဒေဂု ဒေမာ ရခိုင်သားတချို့လေ့ ဘူးသီးတောင်သဖောင်္ထက်က ခြိုင့်ထဲကကြက်တိနန့် တူပိုင်မြင်လာရေ။

Free4waddy

ရခိုင်စာပီနန့် အသားထဲက လောက်ကောင်တိ





ရခိုင်စာပီပြန်လို့ အညွန့်ချေတလူလူပြန်တက်လာစွာ လွန်ခရေ နှစ်စိကေချေကသိမ့်။ အကျွန်မှတ်မိသလောက်ပြောရဖို့ဆိုကေ Arakanese Meeting Point (AMP) ပေါ်လာပြီးမ အွင်လိုင်းထက်မာ ရခိုင်စာပီဆိုစွာ ပြန်လို့အသင်ဝင်လာရေလို့ပြောကေ ပိုမှန်ဖို့ထင်ရေ။ အပြင်လောကမာ ဂနိထက်ထိ ရခိုင်စာအုပ်၊ စာပီထုတ်ဝီမှုတိ ဇာလောက်အားနည်းနီကတ်သိမ့်လဲဆိုစွာ အားလုံးသူအသိဖြစ်တေ။ ထုတ်ဖြစ်တေ စာအုပ်တိကိုလေ့ တချို့က အလှမ်းဝီးလို့ မဖတ်ရ၊ တချို့က ဆင်းရဲလို့ မ၀ယ်နိုင်၊ တချို့က စာဖတ်ဖို့စိတ်မ၀င်စားလို့ မဖတ်။ အကြောင်းအမျိုးမျိုးကြောင့် ရခိုင်စာပီနန့် ရခိုင်လူမျိုးကြားမာ ကွင်းဆက်ပြတ်နီသိမ့်ရေ အခြေအနေမာရာသိမ့်။

အပြင်လောကမာထက်စာကေ အွင်လိုင်းရခိုင်စာပီက ပိုလို့ဟြိကိုရောက်နီရေ။ ညက ရခိုင်သမသျှေတယောက် ရခိုင်စာပို့စ်တပုဒ်တင်ရေ။ ယင်းချင့်ကို တောင်ကုတ်ကလို့ပြောရေ မြင့်စိုးဆိုရေတယောက်က အောက်ချီးစာနန့် ရွီးတင်ဖို့ တိုက်တွန်းရေ။ သူ့အကြောင်းပြချက်က ရခိုင်ပိုင်ရွီးကေ လူအနည်းချေရာ နားလည်ဖို့၊ အောက်ချီးပိုင်ရွီးကေ မြန်မာပြည်က လူသန်းပေါင်းအများကြီးနားလည်နိုင်ဖို့ ဆိုဘနာ ဆရာကြီးယောင်ယောင်၊ သဘာကြီးယောင်ယောင် လာ comment ပီးရေ။

အကျွန့်စိတ်ထဲမာ ဟုန်းခနဲဒေါသထွက်လားပြီးကေ " သူ့ဟာသူ ဘယ်ဘာသာနဲ့ဘဲ ရေးရေး မင်းအပူလား။ ရွီးရာရွီးညမသျှေ...ဒေပိုင်ပွင့်လင်းစွာကိုကြိုက်တေ" ဆိုဘနာ comment လားပီးလိုက်တေ။ အကျွန် အစခါ ယင်းတိုင်သျှင်ကို အောက်ချီးထင်ဘနာ မဟာမဗာဝါဒီ၊ ဗမာမှု့ပြုရေလို့ စိတ်မာထင်ဘနာ ယင်းပိုင် comment ပီးလိုက်တေ။ (တောင်ကုတ်က ဆိုစွာကို နောက်သူ့ comment မာတွိရမ သိစွာ) အကျွန့်ကို ဇာပိုင်လာပြန်ပြောလဲဆိုကေ " ခိုင်ထွန်းထွန်းက ရခိုင်မဖြစ်နိုင်ဘူး၊ ရခိုင်လူမျိုးမာ ဒီလိုရိုင်းတဲ့လူမရှိဘူး" ဆိုဘနာ ပြန်လာရွီးရေ။ အကျွန် ရွံလို့ပြန်မရွီးလိုက်ယာ။

စာလေ့စကေ ဟြည်လားယာ။ အဓိကပြောချင်စွာက လုပ်တေလူတိတတိုင်က ကြိုးစား၊ပမ်းစား နိုင်သလောက်လုပ်နီကတ်တေ။ ဖျက်ဖို့အကောင်တိကလေ့ အဆင်သင့် အကြောင်းအမျိုးမျိုးပြနာ ဖျက်လိုဖျက်ဆီးလုပ်နီကတ်တေဆိုစွာကို သိထားကတ်ဖို့ ဒေစာကိုရွီးလိုက်ရစွာဖြစ်တေ။

" ရခိုင်စာပီ ဒေထက်မက အဆတစ်ရာ တိုးတက်အောင်မြင်ဘာဇီ"

Free4waddy

အောက်သားအလိုကျဖို့ အရေးကြီးရေ

အောက်သား အလိုကျဖို့ အရေးကြီးရေ

တနိန့်တခြားတိုးတက်လာရေ ကမ္ဘာကြီးမာ အစစအရာရာတိ ပြောင်းလဲတိုးတက်လာရေ။ ခေတ်စနစ်လိုအပ်ချက်အရ သဘာဝအလျောက်ပြောင်းလဲလာစွာတိဟိရေပိုင် နည်းပညာတိနန့် တီထွင်ကြံဆလို့ ပြောင်းလဲလာစွာတိလေ့ ဟိကတ်တေ။ တချို့နီရာတိမာ သဘာဝလွန် ပြုပြင်ပြောင်းလဲမှုတိလေ့ ဟိနီကတ်တေ။ လူမျိုးတမျိုးက လူမျိုးတမျိုး၏ ဘာသာစကား၊ စာပီ၊ ယိုင်ကျေးမှု၊ အနုပိုင်ညာ အစဟိရေ တန်ဖိုးဖြတ်လို့မရနိုင်ရေစွာတိကို သူရို့လူမျိုးဘောင်ထဲသို့ အားနန့်ဖြစ်ဖြစ်၊ နည်းပရိယာယ်အရဖြစ်ဖြစ် မရကေရအောင် သိမ်းသွင်းခံနီကတ်ရရေ။ ဒေအထဲမာ ရခိုင်ရို့ဘ၀စွာ အဆိုးဆုံးဖြစ်တေ။ ဆင်တူရိုးမှား ဘာသာစကား၊ စာပီ၊ ယိုင်ကျေးမှု၊ အနုပိုင်ညာတိကို မသိမသာချေနန့် သိမ်းယူလာနီစွာ မကြာရေကာလတခုမာ မြန်မာပြည်အတွက် ဒုတိယမြောက်" ပျူ " လူမျိုးအဖြစ် ရာဇ၀င်မာ စာရာကျန်ခဖို့ အခြေအနေဖြစ်ပါလတ်တေ။ နိုင်ငံတကာက ဘောလုံးသမားတိနာမေကို ဘောလုံးပွဲကြည့်ရေလူတိုင်းမြင်ဖူးကတ်ဖို့။ နာမေတိကို ရောမ(သို့)အင်္ဂလိပ် အက္ခရာနန့် ရွီးထားရေဆိုကေလေ့ သူရို့အသံထွက်အတိုင်း သူရို့နာမေကို မူရင်းမပျက်အောင်ရွီးကတ်တေ။ ရခိုင်တိမာ ကိုယ့်မူရင်းဘာသာစကားကို အောက်ချီးအကြိုက်၊ အောက်ချီးအလိုကျလိုက်ရွီးပါလတ်ကတ်လို့ ဒေနိန့်အချိန်မာ အမှားအမှန် ဝေဖန်ပိုင်းခြားနိုင်စွမ်း မဟိကတ်ယာ။ အတုကို အစစ်ထင်၊ အစစ်ကို အတုထင်ဘနာ အားလုံးခခဲမွိနီကတ်တေ။ ရခိုင်စာပီကို စကေတဘွေလိုက်စားပါရေလို့ ဆိုနီကတ်တေလူတိကပင် ယင်းပိုင်ဖြစ်နီကတ်တေ။ ရခိုင့်ရာဇ၀င်မာ သမိုင်းနန့်ချီလို့ ရခိုင်ရို့ခေတ်အဆက်ဆက်သုံးလာခရေ အဓိပ္ပါယ်ကလေ့ လိပ်နောက်ကုန်းနန့်တူရေကျောက်တိဟိလို့ "ဂစ္ဆပ" မြစ်လို့ ခေါ်ရေဆိုဘနာ ပြောကတ်တေ။ ယင်းမြစ်က အဂု "ကစ္ဆပ" ဖြစ်နီယာ။ အကျွန်ရို့ စာရွီးဖို့တတ်စချေ အချေကပင် ဂနိထက်ထိ တသက်လုံး " ဂစ္ဆပ" နဒီလို့ရာ ရွီးလာရေ။ အရာလေ့ မသီမချင်း တသက်လုံး ရွီးဖို့သိမ့်။ ကစ္ဆပနဒီလို့ ရွီးရေလူတိ ယင်း ကစ္ဆပ အဓိပ္ပါယ်ကို ဖွင့်ကတ်ပါ။ က နန့် ဂ ကို အသံလီး၊ အသံပေါ့ ကြောင့်ဆိုကေ ဆင်ခြီ၊ ဆင်လက်တိကို မလိုချင်။ အက္ခရာ တလုံးချင်းစီမာ အားလုံးသူ့အဓိပ္ပါယ်နန့်သူ၊ သူ့နီရာနန့် သူ ဟိရေ။ အဲ ယင်းပိုင်ရာမဟုတ်ဘဲ ကိုယ့်ဘာသာစကား၊ စာပီကို မျက်ကွယ်ပြုဘနာ အောက်သားတိအလိုကျ၊ အောက်သားတိစိတ်ကြိုက်လိုက်ဘနာ ရွီးလိုက်ရပါရေ ဆိုကေတော့ခါ အောက်ကမြို့နာမေတိအပါအ၀င် တခြားစွာတိကိုပါ အားလုံးယင်းသူရို့အလိုကျပြောင်းပလိုက်ကတ်ဖို့ အကြံပီးလိုက်ယင့်။ အောက်သား အလိုကျ ဖြစ်ဖို့ အရေးကြီးရေ။
 စစ်တွေ - စေ့တွယ်
ရသေ့တောင် - ယသဲ့တောင်
မင်းပြား - မိန်းပျား
 ကျောက်ဖြူ - ကျောက်ဖျူ
 မြေပုံ - မျေပုံ
 ရမ်းဗြဲ - ယမ်းပျဲ
 မြောက်ဦး - မျောက်ဦး

 Free4waddy