ဘ၀ရည်မှန်းချက်

အကျွန်ရို့တိစွာ စကားစပြောတတ်တေအရွယ်၊ ကျောင်းစနီရေအရွယ်တိလောက်ကပင် လူတိုင်းအမီးခံဖူးရေ မီးခွန်းတခုဟိရေ။ ယင်းချင့်က “ ကြီးလာဂေ ဇာလုပ်ဖို့လဲ” လတ်။ ယင်းအချိန်က စိတ်မာဖြစ်ချင်ခစွာတိကို ဖြေဖူးခကတ်တေ လူတိဂျေးယာ။ ယကေလေ့ လက်တွိမာ ဖြစ်ချင်ခစွာနန့်ဖြစ်နီရရေဘ၀ တခြားစီဖြစ်နီရရေလူက ရခိုင်နှုန်းကဂေါင်းများလီဖို့ထင်ရေ။ ဒေပိုင်ဖြစ်လာရစွာရေ တိုင်းသူပြည်သားတိ ညံ့ဖျင်းလို့မဟုတ်။ အခြေခံအကျဆုံးတရားခံက ယင်းတိုင်းပြည်၏ ပညာရေးစနစ်ကြောင့်ဖြစ်ရစွာဖြစ်တေ။

တိုးတက်ထွန်းကားရေတိုင်းပြည်တိမာ လူတိုင်းကိုယ်ဖြစ်ချင်စွာကို လုပ်လို့ရရေ။ ယင်းပိုင်လုပ်နိုင်အောင်လေ့ ယင်းတိုင်းပြည်တိ၏ ပညာရေးစနစ်တိက အထောက်အကူပြုပီးထားရေ။ မိခင်ဘာသာစကား၊ အင်္ဂလိပ်၊ သမိုင်း၊ ပထ၀ီ၊ သိပ္ပံ အခြေခံဘာသာရပ်တိအပြင် တခြားဘာသာရပ်တိဖြစ်တေ ကွန်ပြူတာ၊ ပန်းချီ၊ လက်သမား၊ ပန်းထိုး၊ အချက်အပြုတ်၊ အားကစား အစဟိရေဘာသာရပ်တိကို အတန်းအလိုက် အခြေခံပညာကျောင်းတိမာသင်ပီးရေ။ ယင်းချင့်တိအပြင် ကျောင်းသား/သူ တယောက်ချင်းစီလိုက်လို့ သူရို့တိဝါသနာပါစွာကို လုပ်နိုင်အောင် ကျောင်းတိကလမ်းကြောင်းချပီးရေ။

ဥပမာ ကျောင်းသား/သူ တယောက်ယောက် ဓါတ်ပုံရိုက်ဖို့ ၀ါသနာပါရေဆိုပါဖိ။ ယင်းအချေအတွက် အချိန်စရင်းသီးသန့်ဆွဲဘနာ ဓါတ်ပုံပညာရှင်တိဘားက စာတွိလက်တွိပညာသင်ယူနိုင်အောင် ကျောင်းတိကစီစိုင်ပီးရေ။ တခြားဘာသာရပ်တိလေ့ ထိုနည်းအတိုင်းယာ။ ယင်းပိုင် သင်ပီးလိုက်တေ အသျှေတိစွာ အခြေခံပညာကျောင်း မပြီးခင်အချိန်မာ ကိုယ့်ကျောင်းက တခြားအတန်းအငယ်တိက အသျှေတိကို ယင်းဘာသာရပ်တိနန့်ပတ်သက်လို့ တဆင့်ခံပြန်လို့ ပို့ချပီးရရေ။ အခြေခံပညာကျောင်းအဆင့်မာလောက်ကပင် ယင်းအချေတိစွာ ကိုယ်ရို့ဖြစ်ချင်ရေစွာကို လမ်းတ၀က်လောက်ထိ ရောက်လားခရေလို့ ပြောလို့ရရေ။ ကိုယ်ရို့လားချင်ရေ၊ လုပ်ချင်ရေစွာကို အပူအပင်မဟိဘဲနန့် လလွတ်လလပ်လားနိုင်အောင် ဖန်တီးပီးထားရေ။

အခြေခံပညာအဆင့်ပြီးစွာနန့် တက္ကသိုလ်၊ ကောလိပ်ကို တခါတည်းဆက်တက်လို့မရ။ တက္ကသိုလ်၊ ကောလိပ်ကိုဆက်တက်ဖို့အတွက် ကြားခံကျောင်းတခုကို (၃)နှစ် ဆက်တက်ရရေ။ ဒေကြားခံကျောင်း(၃)နှစ်တက်တေ အချိန်မာ ကျောင်းသားတိစွာ ကိုယ်ရို့စိတ်ဝင်စားရေအလုပ်ကို ပိုလို့စာတွိ၊ လက်တွိ လုပ်လာနိုင်ရေပိုင် နွီရာသီကျောင်းပိတ်ရက်တိမာ သူရို့စိတ်ဝင်စားရေအလုပ်တိမာ ဖေ့သျှာဝင်ငွေရအောင် ၀င်လုပ်ကတ်ရရေ (ကျောင်းပိတ်ထားရေအချိန်မာ အစိုးရအထောက်အပံ့မပီးလို့)။ ပုလိပ်အလုပ်ကိုစိတ်ဝင်စားရေလူက ပုလိပ်ဌာနမာ အလုပ်သင်ဆင်း၊ ဈီးရောင်းဖို့ဝါသနာပါရေလူက စူပါမားကတ်တိမာ အရောင်းစရေးလုပ် ၀င်လုပ်ကတ်ရရေ။ ယင်းပိုင် လုပ်နိုင်အောင်လေ့ ကျောင်းတိ၊ ကုမ္ပံဏီတိနန့် အစိုးရကြားမာ ပူးပေါင်းဆောင်ရွက်မှုတိနန့် ချိတ်ဆက်ထားရေ။

ဗမာပြည်က ပညာရေးစနစ်တိနန့် နှိုင်းယှဉ်ရဖို့ကေ အကျွန်ကဒေပိုင်မြင်ရေ။ ခရီးတခု၊ ပန်းတိုင်တခုကို အတူတူလားကတ်စွာမာ တိုးတက်တေနိုင်ငံတိကအချေတိက ကိုယ့်စိတ်ကြိုက်လားခွင့်ရပြီးကေ ဗမာပြည်ကကျောင်းသားတိက ဇာနန့်တူလဲဆိုဂေ ဗိုက်စကုတိထဲမာ နာဇီတိက ဂျူးတိကို ရထားတွဲတိမာအလုံပိတ်ဘနာ သီမင်းစခန်းသို့ လားပို့စွာနန့်တူနီပိုင် တွိရေ။ အခြေခံပညာအဆင့်မာလေ့ တခုလေ့မသင်ပီးခ။ အခြေခံပညာပြီးလို့ အဆင့်မြင့်ပညာကိုရောက်ပါလတ်ကေလေ့ သူရို့သတ်မှတ်ထားရေ မြန်မာစာ၊ အင်္ဂလိပ်စာ၊ သမိုင်း၊ ပထ၀ီ၊ သိပ္ပံ အစဟိရေ ရထားတွဲတိမာ ငပိသိပ်၊ ငချိုင်သိပ် အလုံပိတ်ဘနာ B.A, B.sc ဆိုရေ ဘူတာကိုပို့ရေ။ ဂိတ်ဆုံးကိုရာ ရောက်လားခရေ လမ်းတလျှောက်မာဟိနီရေ သဘာဝအလှတိကို မခံစားခရရုံတင်မက လမ်းမာ တောင်ဟိလား၊ ချောင်းဟိလား၊ ဂူခေါင်းဟိလား တခုချေလေ့ မသိခ။ ယင်းပိုင်နန့် အကျွန်ရို့တိစွာ တခေတ်ပြီးတခေတ် အသိပညာ၊ အတတ်ပညာ၊ နည်းပညာတိ ဆုတ်ယုတ်ပြီးယင်း ဆုတ်ယုတ်လာဂတ်တေ။

ယင်းချင့်တိထက်ပိုဆိုးစွာ ကိုယ့်တိုင်းပြည်မာ ကိုယ်မနီနိုင်ဘဲ သူများနိုင်ငံတိမာ ရရေအလုပ်ကိုဝင်လုပ်နီဂတ်ရရေ။ ရခိုင်ပြည်မာ ပန်းထိမ်ခွပ်နီခလူက တခြားတိုင်းပြည်တပြည်ရောက်ပါလတ်ကေ စိုက်ပျိုးရေးခြံမာ လုပ်ချင်ဂေလုပ်ရရေ၊ မိရိုးဖလာလယ်လုပ်နီခရေလူက ငါးဖမ်းဘုတ်တိမာ လိုက်ရရေ၊ ကျောင်းဆရာလုပ်နီခလူက အထည်ချုပ်စက်ရုံမာလုပ်နီရရေ။ ဘ၀မာ ငါ” ဇာဖြစ်ချင်ရေ” ဆိုရေ စိတ်ဓါတ်တိကို ရစရာမဟိအောင် အဖျက်စီးခံလိုက်ကတ်ရရေ။ အသက်မသီရုံတမယ် သိက္ခာမဟိ ဘ၀တိကိုရုန်းကန်နီဂတ်ရရေ။ ဇာသူ့ကြောင့်လဲ အကျွန်မပြော။ အစွန်းရောက်တေလို့ အပြောခံရလတ်မေကြောက်တေ။ စာဖတ်လူတိ စိုင်းစားကတ်ပါဖိ။

အကျွန့်မာ ” တနိန့်နိန့် တချိန်ချိန် ငရို့ရခိုင်ပြည်လွတ်လပ်ခဂေ” ဆိုရေ မျှော်လင့်ချက်ချေတခုဟိရေ။ ယင်းဇူးနန့် သူများတိုင်းပြည်တိက ပညာရေးစနစ်တိကို ဥာဏ်မီသလောက်လေ့လာရေ၊ မှတ်ထားရေ။ တချိန်ချိန်ကျဂေ ကိုယ့်အသျှေတိကို တခြားကမ္ဘာကအချေတိနန့် တန်းတူဖြစ်အောင်လုပ်ပီးချင်ရေ ဆန္ဒတိဟိရေ။ စကားလုံးတိ ကောင်းကြီးကျယ်လားယာလားမသိ။ စိတ်ကူးသလောက် လုပ်နိုင်ဖို့၊ မလုပ်နိုင်ဖို့စွာကို ကံသီ၊ ကံမပြောလို့မရကေလေ့ ဒေချင့်တိစွာ ရင်ထဲကဆန္ဒအမှန်တိပါရာ။ စကား ဆိုစွာက မပြောဘဲနီကေ တခုလေ့မဖြစ်။ ပြောမိလိုက်လို့ ပြောပိုင်မလုပ်နိုင်ဂေ ကိုယ့်ထမင်းကိုယ်စားလို့ လူများဘားမာ အထင်သေးခံရရေ။ ဇာပင်ဖြစ်ဖြစ် ဒေမှန်ကန်ရေသစ္စာစကားကြောင့် “ ရခိုင်ပြည် လွတ်လပ်ရေး ရဘာဇီ “

တခြားညီအကိုမောင်နှမတိကိုလေ့ ကိုယ်ရို့လက်ဟိကျင်လည်နီရရေဘ၀ပါတ်ဝန်းကျင်က အတွိအကြုံ၊ သင်ခဏ်းစာကို တနိန့်နိန့်တချိန်ချိန်မာ အဖရခိုင်ပြည်အတွက် ကောင်းရာကောင်းကျိုးပြန်လို့ မျှဝီပီးနိုင်အောင် လေ့လာဂတ်ပါလို့တိုက်တွန်းယင်း ဒေမာတံ့လိုက်ပါမေ။

Free4waddy

ငရို့လားဖို့လမ်း

စာဖတ်တေလူတိ မညီးရအောင် အတိုချေ အတိုချေ အပိုဒ်ချေတိခွဲဘနာ တင်ပြပီးပါမေ။ စာရှည်ဖို့စွာကြောက်လို့ တချို့နီရာတိမာ တတုံးတတိုက်ရွီးထားမိစွာတိပါပါရေ။ စာဖတ်တေလူတိကို အားမနာလို့၊ မလေးစားလို့မဟုတ်ပါ။ ကြိုပြီးကေ တောင်းပန်ပါယက်။ နားလည်ပီးနိုင်ကတ်လိမ့်မေလို့လေ့ မျှော်လင့်ပါရေ။

အချင်းချင်း အားပီးကတ်ရဖို့…….

အကျွန်က အချေကပင် ဘောလုံးပွဲ၊ ဘော်လီဘောပွဲ၊ ဘောစိန်ပွဲ ယင်းပိုင်ပြိုင်ပွဲတိကို ကောင်းဝါသနာပါရေ။ အဂုလေ့ ဘောလုံးပွဲတိကို အမြဲတမ်းကြည့်ဖြစ်တေ။ ကြည့်ယင်းကြည့်ယင်းနန့် ဇာတခုသတိထားမိလာလဲဆိုဂေ နိုင်ငံတနိုင်ငံ၏ ဘောလုံးအဆင့်အတန်းဇာလောက်ဟိဖို့လဲဆိုစွာကို ယင်းနိုင်ငံတိက ဘောလုံးပွဲတိမာ ပွဲကြည့်ပရိတ်ဿတ် (အားပီးရေလူ) ဇာလောက်ဟိလဲဆိုစွာနန့် အကြမ်းဖျင်းပြောလို့ရဖို့ထင်ရေ။ ကမ္ဘာ့ထိပ်သီးနိုင်ငံတိကပွဲတိမာ ပွဲတိုင်းလူပြည့်နီကေလေ့ တချို့နိုင်ငံတိကပွဲတိမာ ကွင်းထဲမာ ဆိတ်ဆီခြောက်ဖို့စွာတောင် ကြောက်ရရေ။ လက်ခုပ်သံတိစွာ အရှုံး၊ အနိုင်ကို ဖန်တီးနိုင်စွမ်းဟိရေဆိုစွာကို သတိထားကတ်ပါ။ ရှုံးနီခါ ဘောလုံးပွဲတောင်လာမကြည့်ဘဲနန့် ဒိုင်းရခါမ အလံကိုင်ဘနာ ဟြိဆုံးကရွာထဲဝင်ချင်ရေလူမျိုးတိ မဖြစ်ရအောင် ကြိုးစားကတ်ပါ။ အချင်းချင်း ရခိုင်ဆိုရေအသိနန့် အားပီးကတ်ပါ။

တူညီရေ စိတ်သဖောထား (common sense) တခု ထားကတ်ရဖို့…….

ရခိုင်လူမျိုးတိစွာ ဇာနီရာ၊ ဇာဒေသမာပင်နီနီ အဖရခိုင်ပြည်နန့် အမျိုးကိုချစ်တေဆိုရေ အခြေခံစိတ်ဓါတ်စွာ လူတိုင်းမာ အနည်းနန့်အများဟိကတ်တေ။ တယောက်နန့်တယောက် လားရေလမ်းကြောင်းချင်း၊ လုပ်ပုံလုပ်နည်းချင်း မတူလို့ တယောက်ကိုတယောက်၊ တဖွဲ့ကိုတဖွဲ့အပြစ်ဖို့နီကတ်ဖို့တပ်စား “ ငရို့တိအားလုံး အဖရခိုင်ပြည်နန့် ရခိုင်လူမျိုးတိအတွက် လုပ်နီကတ်စွာ” ဆိုရေ အခြေခံတူညီရေစိတ်ခံစားမှုတခု မွီးနိုင်ကေ၊ တယောက်နန့်တယောက်၊ တဖွဲ့နန့်တဖွဲ့၊ တပါတီနန့်တပါတီ အချင်းချင်းပူးပေါင်းလုပ်ဆောင်နိုင်မှုတိမာ ပိုအားကောင်းလာဖို့။

အချင်းချင်း ယုံကြည်စိတ်မွီးကတ်ရဖို့………

အသားနာကေ တချက်ချေယာ။ အချင်းချင်းကြားမာ တယောက်ကိုတယောက် သံသယစိတ်ဝင်လားယာဆိုကေ စိတ်ခံစားမှုဆိုစွာ ကဂေါင်းဖြေဖျောက်ရခက်တေအမျိုးဖြစ်တေ။ အ၀ီးကြီးကိုလားကြည့်စရာမလို၊ ဂနိ ဗမာပြည်ဖွတ်ခေါင်းဆိုးဘ၀ကျရောက်နီရစွာရေ အချင်းချင်းတယောက်ကိုတယောက် ယုံကြည်မှုမဟိလို့၊ သံသယတိဖုံးလွှမ်းနီလို့ဆိုကေ အကျယ်ချဲ့မပြောယာ။ နားလည်ကတ်ဖို့ထင်ရေ။ အစ္စရေးထောက်လှမ်းရေးတိ ကမ္ဘာကျော်လူသတ်တရားခံ အိုက်ခမန်းကို အာဂျင်တီးနားနိုင်ငံသို့ လားဖမ်းရေ စစ်ဆင်ရေးမာ အခြေအနေအရ လူအင်အားမလုံလောက်။ ယေခါ စစ်ဆင်ရေးကိုဦးစီးရေလူက ယင်းစစ်ဆင်ရေးမာသုံးဖို့လူတယောက်ဟြာခိုင်းစွာမာ “ ဂျူးလူမျိုးဆိုကေ ကျီယာ” လို့ စကားချေတခွန်းပြောခရေ။ ယင်းစကားချေတခွန်းစွာ သာမန်ကြည့်ကေ တခုလေ့မဟုတ်ကေလေ့ အစ္စရေး(ဂျူး)တိရေ ကိုယ်ရို့လူမျိုးအချင်းချင်း ဇာလောက်ထိယုံကြည်ဂတ်လဲဆိုစွာ မြင်နိုင်ရေ။ ယင်းပိုင်အချင်းချင်းယုံကြည်မှုဟိလို့၊ အလုပ်လုပ်တေနီရာတိမာ စိစပ်သေချာလွန်းအားကြီးလို့ ကမ္ဘာကျော်လူသတ်ကောင် အိုက်ခမန်းကို အာဂျင်တီးနားနိုင်ငံထဲမာ ကြက်ချေ၊ ငှက်ချေပိုင် ဖမ်းဖမ်းဘနာ အစ္စရေးနိုင်ငံထဲထိရောက်အောင် ခိုးထုတ်လာနိုင်ခရေ။

တော်လှန်ရေးနန့် နိုင်ငံရေး

တိုင်းရေးပြည်ရာကိစ္စကို ပြည်သူတိဆုံးဖြတ်ကတ်တေခါ သဖောထားတိအမျိုးမျိုးဟိလာဂတ်ဖို့စွာမာ ဓမ္မတာပါ။ ယကေလေ့ ဒီမိုကရေစီကျင့်စိုင်နန့်အညီ အများစုဆန္ဒကို ပထမဦးစားပီးရဖို့။ ဇာဖြစ်လို့(ပထမဦးစားပီး)လို့ရွီးလဲဆိုကေ လူနည်းစုတိဆန္ဒကိုလေ့ ဥပေက္ခာပြုပစ်လို့မရ။ လူနည်းစုဆန္ဒကိုလေ့ အသိအမှတ်ပြုရဖို့ပိုင် ဒုတိယဦးစားပီးအဆင့်အတန်းမာ ထားသင့်ရေ။
ရခိုင်တိ နိုင်ငံရေးမလုပ်ခင် အယင်တော်လှန်ရေးလုပ်သင့်ရေလို့မြင်ရေ။ နိုင်ငံရေးနန့်တော်လှန်ရေးဆိုစွာ လုံးထွီးနီပိုင်ဖြစ်နီကေလေ့ ရခိုင်တိအနီနန့် လက်ဟိအချိန်မာ တော်လှန်ရေးနန့် နိုင်ငံရေးကို ကဂြင်းလလင်း သျှင်းလို့မြင်ဖို့လိုရေ။ ဆိုလိုစွာက ဗမာကျွန်ဘ၀ကလွတ်မြောက်အောင် တမျိုးသားလုံးအတိုင်းအတာနန့် ကိုယ်စီကိုယ်ငှ ကျရေအခန်းကဏ္ဍက ၀ိုင်းလို့ကြိုးစားကတ်ဖို့လိုရေ။ ဒေနီရာမာ မေသည်သူက ဆရာဝန်ဖြစ်လို့၊ မေ၀ါသူက ကျောင်းဆရာဖြစ်လို့၊ မေနံသာသူက စစ်သား၊ ပုလိပ်ဖြစ်လို့ တော်လှန်ရေးလုပ်လို့မရဆိုစွာ မဟိ။ အဆုံးစွန်ဆုံး စကားကိုပြောရကေ ရွာထဲကအရက်ပုန်းသည်မတောင် တော်လှန်ရေးလုပ်လို့ရရေ။ ဥပမာ - ရန်သူစစ်သားတိ အရက်လာသောက်စွာမာ အဆိပ်ခတ်ထည့်ပလိုက်လို့ သီလားခရေဆိုပါဖိ။ ဒေချင့်စွာ တော်လှန်ရေးဖြစ်တေ။ ဒေနီရာမာ တချို့က လုပ်ရပ်တိကို စောဒကတက်ချင်ကေ တက်ကတ်လိမ့်မေ။ ယကေလေ့ ဇာဘင်ဖြစ်ဖြစ် တော်လှန်ရေးဆိုစွာ အောင်မြင်အောင်လုပ်တေအလုပ်ဖြစ်လို့ ရရေနည်းနန့်နိုင်အောင်လုပ်ရဖို့။ အဓိက ရန်သူကို ဂုတ်ချိုးဘနာ အနိုင်ရဖို့ရာလိုရေ။
ဒေပိုင် ရရေနည်းနန့်တော်လှန်လို့ ရခိုင်ပြည်က မြို့တိုင်း၊ ရွာတိုင်း၊ လမ်းတိုင်းမာ ရန်သူတိခြီမချဝံ့ယာဆိုခါ……တနည်းအားဖြင့် တော်လှန်ရေးအောင်မြင်ယာဆိုခါ……..ယင်းခါမ ရခိုင်ပြည်နန့် ရခိုင်လူမျိုးတိကို ဇာနိုင်ငံရေးစနစ်နန့် အုပ်ချုပ်ဖို့လဲဆိုစွာကို ပြည်သူတိသဖောထားကို မီးရဖို့။ အဲ….ယင်းခါမ ရခိုင်ပြည်ထဲမာ ဒီမိုကရေစီပါတီထောင်ထောင်၊ ဖွံ့ဖြိုးရေးပါတီထောင်ထောင်၊ ထောင်ချင်ပါတီ ထောင်လီဂတ်။ တော်လှန်ရေးကာလမာ ငရို့ဇာလမ်းကို လားဖို့လဲဆိုစွာ ကဂေါင်းအရေးကြီးရေ။

လမ်း……….

ဒီမိုကရေစီ/ ဖက်ဒရယ်လမ်းစိုင်နန့် လွတ်လပ်ရေးလမ်းစိုင်ကို ရောဘနာ ဗလုံးဗထွီးစိုင်းစားပလိုက်ကေ ကကောင်းကားမကွာလို့ ထင်ချင်ကေထင်လားနိုင်ရေ။ ဖက်ဒရယ်စနစ်နန့်နီရကေလေ့ လွတ်လပ်ရေးနန့် ကောင်းမကွာပါကားလို့လေ့ ထင်ချင်ကေ ထင်လားနိုင်ရေ။ အမှန်မာ ယင်းလမ်းစိုင်နှစ်ခုစွာ သုံးနန့်လေး (၃-၄)ပိုင်ကွာရေ။ ဇာဖြစ်လို့လဲဆိုကေ ရည်ရွယ်ချက်ချင်းကိုယ်က ဆန့်ကျင်ဖက်ဖြစ်နီလို့ဖြစ်တေ။ တတိုင်က ဗမာနန့်ပေါင်းနီဖို့ဆိုရေစိတ်ကူးနန့် တတိုင်က ဗမာကျွန်ဘ၀က လွတ်မြောက်အောင်ခွဲထွက်ဖို့ဆိုရေ စိတ်ကူးတိကြောင့်ဖြစ်တေ။ ယင်းထက်ပိုလို့ရှင်းအောင်ပြောရကေ အင်္ဂလိပ်လက်ထက်မာ ဗမာပြည်မာဖြစ်ခရေပိုင် တွဲရေး၊ ခွဲရေး ပြဿနာဖြစ်တေ။
ယင်းဇူးနန့် ဂနိခါ ပြည်တွင်း၊ ပြည်ပမာဟိနီကတ်တေ တော်လှန်ရေး၊ နိုင်ငံရေးပါတီတိ အားလုံးက “ ငရို့…ဇာလမ်းကိုလားဖို့လဲ” ဆိုစွာကို ပြည်သူတိကို ပပွင့်လလင်းမီးဖို့အချိန်ကျနီယာဖြစ်တေပိုင် တိုင်းသူပြည်သားတိဖက်ကလေ့ ကိုယ်လားချင်ရေလမ်းကြောင်းကို ပြတ်ပြတ်သားသားဆုံးဖြတ်ကတ်ရဖို့။ ရခိုင်လူမျိုးအတွက် အချိန်မဟိယာ။ ဒေနီရာမာ ရခိုင့်လူမှုရေး၊ သာရေးနာရေးအသင်းတိစွာ ပါတီတိနန့်ပြည်သူကြားမာ ပေါင်းကူး၊ ကြားခံ စေတနာပေါက်လုပ်ကိုင်ပီးရေ အဖွဲ့တိဖြစ်နီရဖို့လိုရေ။ အချိန်အတိုင်းအတာတခု သတ်မှတ်လို့ ဒေကိစ္စကိုလုပ်ပြီးလားစွာနန့် -

အားကောင်းမောင်းသန်
ရခိုင့်မာန်နန့်
ရခိုင့်စည်သံ
ဗြိန်းစောင်းညံလို့
ကလိမေချေ
အရွေ့ဆိုဂေ
ဟန်စိလေ………ဟန်စွလေ………..။

ရခိုင်ပြည် ကျွန်ဘ၀က လွတ်ကို လွတ်မြောက်ရဖို့။
Free4waddy