အအီးချချမ်းနီ၊ ငါပြောရေပိုင်လုပ်၊ ငါလုပ်တေပိုင် လိုက်မလုပ်ကေ့!

ငါလားရေ ဂျီဟတ်လမ်းစိုင်ကို မလိုက်ကတ်ကေ့။ အနောက်နိုင်ငံတခုခုကိုလားဘနာ ပညာသင်ကတ်ဆိုဘနာ အိုဆမာဘိန်လာဒိန်က သူ့သားသမီးတိကို မှာခရေလို့ ဗြိတိန် တနင်္ဂနီတိုင်းမ် (Sunday Times) နန့် အင်တာဗျူးတခုမာ သူ့ယောက်ဖ Zakaria al-Sadah က ပြောရေ။

အိုဆမာဘိန်လာဒိန်က သူ့သားသမီးတိကို -
မင်းရို့တိ ဥရောပ (သို့) အမေရိကားမာ ပညာတခုကဂေါင်းသင်ယူဂတ်၊ မင်းရို့တိ ပညာသင်ဘနာ အအီးချချမ်းနီကတ်ပါ။ ငါလုပ်စွာတိကို လိုက်မလုပ်ကတ်ကေ့။ (ငါပြောရေပိုင်လုပ်၊ ငါလုပ်ပိုင် လိုက်မလုပ်ကေ့)

Zakaria al-Sadah ဆိုစွာ (၅)ယောက်မြောက် မယားမာ မောင်ဖြစ်တေ။ ဘိန်လာဒိန်မယားတိထဲက (၃)ယောက်နန့် အချေ (၉)ယောက်ကို ပါကစ္စတန်အာဏာပိုင်တိက လုံခြုံရေးအစောင့်အရှောက်တိနန့် ထိမ်းသိမ်းထားရေ။

ယောက်ဖသည်စွာမကြာခင်က သူ့အစ်မနန့်တွိခွင့်ရခပြီးကေ သတင်းစာကိုပြောပြစွာက -
လွန်ခရေနှစ် မေလ(၂)ရက်နိန့်က အမေရိကန်အထူးစစ်သားတိက်အိမ်ကိုဝင်စီးဘနာ အဖသေကိုသတ်လားခရေနောက်ပိုင်းကပင် အဂုအချိန်ထိ အချေတိစွာ ကြောက်ကြီးသန်ဖက်ဝင်နီတုန်းသိမ့်။

သူ့အစ်မသေလေ့ စစ်ဆင်ရေးလုပ်တေအချိန်မာ ဒူးဆစ်မာသနပ်ဒါဏ်ရာ ရခသိမ့်ရေ။ လုံခြုံရေးအစောင့်အရှောက်တိနန့် သူ့အစ်မကို (၂)ခါ တွိခွင့်ရထားပြီးယာ။ Zakaria al-Sadah က သူ့အစ်မသေကို ရာဇ၀တ်မှုကျူးလွန်မှုတိနန့် ပါကိစ္စတန်အစိုးရက အပြစ်ပီးခံရဖို့စွာကို စိုးရိမ်နီရေ။ ပထမတခေါက် အစ်မသည်ဘားကိုလားလည်ခီရေလောက်ကပင် သူ့အနီနန့်အချေတိကို သူနန့်အတူတူ ယီမင်နိုင်ငံကိုပြန်ခေါ်ယူလာလို့ ရနိုင်ရေလို့ထင်ခဂေလေ့ ပါကိစ္စတန်အာဏာပိုင်တိက အချေတိပစပို့စာအုပ်ကိုပီးဖို့ အဂုအချိန်ထိ ငြင်းဆန်နီတုန်းဖြစ်ပါရေ။

ယင်းအချေတိစွာ အဖသေအသတ်ခံရစွာကို ကိုယ်တင်မြင်တွိခကတ်ပြီးကေ ဒေအချိန်မာ ပြုစုစောင့်ရှောက်ပီးဖို့ အသိုင်းအ၀ိုင်းတခု လိုအပ်နီရေ။ ထောင် မဟုတ်ပါ။ သူရို့တိအဖ ဇာပင်လုပ်ခခ ဒေချင့်တိစွာ သူလုပ်ခစွာတိရာဖြစ်တေ။ ဒေအချေတိစွာ ပုံမှန်ဘ၀မာ တခါချေလေ့ မနီဖူးကတ်သိမ့်။ အချေတိစွာ နီရောင်ခြည်ကို ဇာပိုင်ကြည့်ရဖို့၊ ပန်းခြံထဲမာ ဇာပိုင်ပြီးတမ်းလိုက်တမ်း ကဇတ်ဖို့ဆိုစွာကိုတောင် မသိကတ်ပါ။ သူရို့တိကို မြင်ရစွာ အလှပလှ ကြီကွဲဖို့ ကောင်းပါရေလို့ ယောက်ဖသည် Zakaria al-Sadah က သတင်းစာနန့် အိန်တာဗျူးလားခဘာရေ……….။

ဒေလင့်ခ်ကို ရခိုင်ပိုင်ပြန်ထားစွာပါ။
http://www.dagbladet.no/2012/02/12/nyheter/osama_bin_laden/utenriks/al-qaida/20206489/

free4waddy