)
သိုင်းလောကသား
ဖေ့စ်ဘုတ်မာ မိတ်ဆွေ
တယောက်က အကျွန့်ကို သိုင်းလောကသား......သိုင်းလောကသားစီခေါ်လို့
ဒေစာချေကိုရွီးဖို့အတွက်ပေါ်လားရေ။ အမှန်မာ အကျွန်က သိုင်းလောကသားမဟုတ်။
အချေခါဆိုကေ အိမ်ခြံထဲက ၁၀ ခါ ထွက်လားခကေ ၉ ခါလောက် အိမ်ကို ငိုဘနာ
ပြန်လာရစွာဂျေးယာ။ အသားကလေ့ဖြူ၊ ကလိမေချေပိုင်ဆိုခါ အကျွန့်ကို နိုင်ရေလူဂျေးယာ။
အကျွန်နိုင်ရေလူ တယောက်လေ့ မဟိ.။
ယင်းပိုင်ဒုက္ခတိကို
လူးလိမ့်ခံစားယင်း အကျွန်(၉)တန်းနှစ်ရောက်ပါလတ်တေခါ မေမေက အကျွန့်ဝရီး
(United)ခရာတေးဆရာပါးမာ ၀င်ကြေး (၁၅)ပြား၊ တလကို လစိုင်ကြေး (၅)ပြားနန့်
အပ်ပီးရေ။ ယင်းပိုင်နန့် အကျွန့်အိမ်နန့် မနိ(၂၀)လောက် လမ်းလျှောက်ရရေ
ရသေ့တောင်မြို့ အဟြိဖက်ဖုန်းကြီးကျောင်းမာ အီးကျား....အီးကျား..........လားလုပ်တေ။
အကျွန် စတက်ဖြစ်တေ အချိန်က မိုးခါ.........ရခိုင်ပြည်မာ မိုးခါဆိုကေ သိကတ်တေအတိုင်းယာ။
မိုးမရွာရေနိန့်လို့မဟိ။ ဇာလောက်ပင် မိုးရွာရွာ အကျွန်ကီထုပ်ချေကိုထမ်းဘနာ
နိန့်တိုင်းသင်တန်းတက်တေ။ ယင်းအချိန်က မှတ်မှတ်ရရ ရသေ့တောင်က ကိုဦးကျော်မိုး၊
ကိုမောင်ငွေစိုးရို့(အဂု အားမာန်) ယူနိုက်တက်မာ ခပတ်အ၀ါပတ်သိမ့်။ အကျွန်ရို့က
အခြီခံ၊ ချပူချေ သင်တန်သားတိ။
အကျွန့်ဝရီးကလေ့
ယင်းအချိန်က ရသေ့တောင်မြို့ အကောင်းဆုံးခရာတေးသမား(၃)ယောက်ထဲမာ တယောက်အပါအ၀င်။
အကျွန်အချေကပင် ကြောက်တတ်မှန်းသိလို့လားမသိ တရက်နိန့် အကျွန့်ကိုမီးခွန်းတခုမီးရေ။
" မင်း....လူပါးမာ အသတ်ခံပြီးကေ သီဖို့လား၊ လူကိုသတ်ပြီးကေ ထောင်ကျခံဖို့လား"
လတ်။ လူဘားမာတော့ အသတ်မခံ ဆိုဘနာပြန်ပြောလိုက်တေ။ ယကေလေ့ ကိုယ်ခံပညာမှာ
ရခိုင်ကဆရာတိအမြဲတမ်းကျင့်သုံး ဆုံးရေ စကားတခွန်းဟိရေ။ ဒေပညာတိနန့် လူတဖက်သားကို
မတရားအနိုင်မကျင့်ရ၊ မတရားမှုတိကို ခုခံကာကွယ်ဖို့ မင်းရို့တိကို ဒေပညာကို
သင်ပီးစွာဖြစ်တေလို့ အမြဲတမ်း ဆုံးမရေ။ ယင်းဇူးနန့် အကျွန်မတရားအနိုင်ယူရေအလုပ်ကို
လုံးဝမလုပ်ခ။
စကားဆက်ပြတ်လားခလို့
ပြန်ဆက်ရဖို့ဆိုကေ အထက်မာ အကျွန့်ဝရီးမီးခရေ စကားတခွန်းနန့် အကျွန်လက်သီးတိကို
စင်းပြွန်းသီး၊ သပြုသီးပိုင်ဖြစ်အောင်၊ လကျောက်ရီပိုင် မဲလို့ခံနီအောင် တရက်တရက်မာ
မာကီဝါတိုင်ကို ရွီမရအောင်ထိုးရေ။ ကိုယ့်ကိုအနိုင်ကျင့်ခကတ်တေလူတိကို
လက်စားချေဖို့စိတ်လဲပါရေ။ ယကေလေ့ ယင်းခေတ်က မာကီဝါတိုင်ထိုးလို့ လက်သီးတိ
ဘဘွရောင်ကေလေ့ အဂုခေတ်ပိုင် ဒါဏ်ကြီဆီးတိမဟိသိမ့်။ ချင်းစိမ်းနန့်ဆားကို
ရောသွီးဘနာ လက်သီးမာပွတ်ဘနာ မီးကင်ရရေ။
ယင်းအကျိူးဆက်တိ
အကျိုးတော့ပီးခရေ။ ရန်ပွဲတိုင်းမာ မောင်ဖြီးပါရေ။ ရွယ်တူလောက်ဆိုကေ
တလုံးတကောင်ယာ....... ရခိုင်သားချေတိ၊ ရခိုင်သမချေတိ ကိုယ်ခံပညာ
သင်ကတ်..............
Free4waddy
Ingen kommentarer:
Legg inn en kommentar