)
ရခိုင်တိကို
ကုလားသတ်လို့သီရေဆိုစွာ လက်ချိုးရွီလို့ရရေ။ အောက်သားတိ
နည်းအမျိုးမျိုးနန့်သတ်နီစွာကို လက်ချိုးရွီတွက်လို့မရနိုင်။ တမျိုးသားလုံးကို
စိတ်ဓါတ်တိပျက်စီးလားအောင်၊ အသိဥာဏ်တိတုံးလားအောင်နည်းအမျိုးမျိုးနန့်
နှိပ်စက်နီရေ။ ကုလားတိ ရခိုင်တိကို ဓါးနန့်ခွပ်၊ လှံနန့်ထိုးလို့သတ်တေပိုင်
သတ်စွာမဟုတ်လို့ မျက်စိနန့်ကြင်းလို့မမြင်ရ။ ဆရာကြီးဦးသာထွန်းကို
အောက်သားတိထောင်ထဲမာသတ်ခရေပိုင် အစာထဲမာ စိန်စကေစီထည့်ဘနာ ပညာဟိနည်းနန့် သတ်နီစွာ။
တမျိုးသားလုံးကို သတ်နီစွာ။
အကျွန်ရို့အချေခါ
နီခါကျောင်းပိတ်ရက်တိဆိုကေ အိမ်ဟြိလမ်းမထက်က မီးရောင်အောက်တိမာ ဒူထိုးတမ်း၊
ဆီထိုးတမ်း၊ အထုပ်ပစ်တမ်း(တဖက်နန့်တဖက် ဘိုးသီးပိုးဘနာ အထုပ်ပစ်တမ်းကဇတ်စွာ) တိ
မီးရောင်ပပြောင်အောက်မာ နိန့်တိုင်းကဇက်ကတ်တေ။ ဒေချိန်းခေါက် အိမ်ပြန်ခီခါ
မိုးကကြီး၊ လကမိုက် လမ်းတလျှောက်လုံး မီးတလုံးလေ့မဟိ။ စစီးမိုက်နီရေ။ ညဥ့်ခါဆိုကေ
ဆိတ်ဆီကြောက်တတ်တေလူတိ အပြင်ထွက်ဝံ့လီဖို့မဟုတ်။ မီးမှူးဖြစ်နီရေလူက
အကျွန့်သငယ်ချင်း၊ မိတ်ဆွေ၊ ကျောင်းနီဖက်ဖြစ်နီလို့ ပြောခသိမ့်ရေ " မင်း
မီးမှူးဖြစ်မ လမ်းတိမာ မီးတလုံးလေ့ မဟိလိုက်ယာ...မင်း ဆီကကောင်း သောက်တေဟံ"
" မသောက်ရပါဝေ
သငယ်ချင်း....ဆီသောက်တေခေတ် ကုန်လားခယာလတ်"
ဗမာတိ ရခိုင်ကို
ခွီးလောက်တောင် တန်ဖိုးမထား၊ အသိအမှတ်မပြုဆိုစွာကို တရက်ထက်တရက် အားမနာဖြစ်လာရေ။
ဗမာပြည်မာ မီတာခစိချေတိုးဖို့ပျင်စွာနန့် အောက်သားတိဆန္ဒပြကတ်တေ။ လွှတ်တော်မာ
တင်သွင်းကတ်တေ။ ရခိုင်တိ ယင်းထက် (၁၀)ဆလောက် နှစ်ပေါင်းမြောက်များစွာပီးနီကတ်ရစွာကို
မသိချင်ယောင် ဆောင်နီကတ်တေ။ ယင်းဇူးနန့် အောက်သားတိမီတာခလျှော့ပီးဖို့
ဆန္ဒပြရေပိုင် ရခိုင်လူမျိုးတိအားလုံး ယင်းထက် (၁၀)ဆ လောက်ပြင်းထန်ရေ
ရခိုင်ပြည်ကိုလွတ်လပ်ရေးပီးဖို့ ဆန္ဒပြသင့်ရေ။
ဖက်ဒရယ်ဆိုစွာကို
စိတ်ကူးမယာဉ်နီကတ်ကေ့။ လက်ဟိအခြေအနေကိုကြည့်။ ဟိုတလိုင်းက လိုင်ဇာမာ
တနိုင်ငံလုံးအပစ်အခတ်ရပ်စဲဖို့ အစည်းအဝေးလုပ်ကတ်တေ။ ယင်းလူတိ
အိမ်ကိုပြန်မရောက်သိမ့် ကချင်မာ တိုက်ပွဲဖြစ်နီယာ။ ပဲခူးမာ
မွန်တိရိုးရာယာဉ်ကျေးမှုပွဲကို အုပ်စုလိုက်ဝိုင်းဖွဲ့ဘနာ ဖြိုသတ်ခံရရေ၊ အဂု
ငြိမ်းချမ်းရေးဆိုဘနာ လုပ်ဖို့ပျင်နီကတ်စွာရေ တိုင်းရင်းသားတိ
အလုံးစုံပျက်သုဉ်းရေးကို ဦးတည်လား၊ မတည်လားဆိုစွာ ဒေအောက်က
အင်တာဗျူးအပိုင်းချေကို ဖတ်ကြည့်ကေ သဖောပေါက်ကတ်ပါလိမ့်မေ။
ဖြေ။ ။ ဒါက လက်ရှိ သူတို့ သတ်မှတ်တဲ့နေရာတွေ ရှိတယ်။ ဒါတွေကိုတော့ ရှိနေဦးမယ်။ တဖြေးဖြေးချင်း သူတို့ကို နိုင်ငံရေးလမ်းစဉ်ထဲ ရောက်ပြီး လက်နက်တွေစွန့်တဲ့အထိ အစိုးရက လုပ်ဆောင်ပေးမှာပဲ။ တဖြေးဖြေးနဲ့ စွန့်လွှတ်သွားအောင် လုပ်မှာပဲ။ အပစ်အခတ်ရပ်စဲရေးတွေ လုပ်ထားတဲ့အဖွဲ့တွေ ရှိတယ်။ သူတို့ကို လက်နက်ဖြုတ်ပါလို့ မပြောဘူး။ ဒီလိုဆို စစ်တွေ ပြန်ဖြစ်လာမှာပေါ့။ ဒါ့ကြောင့် တဖြေးဖြေး ယုံကြည်လာရင် သူတို့လည်း လက်နက်စွန့်လာမှာပေါ့။ (ဧရာဝတီ သတင်း)
တိုင်းရင်းသားတိကို အယုံသွင်းဘနာ မတော်လှန်နိုင်အောင် သနပ်သိမ်းဖို့ အစီအစိုင်ရာဖြစ်တေ။ ယင်းဇူးနန့် ရခိုင်ပြည်ကို ရခိုင်လူမျိုးတိမအုပ်ချုပ်ရမချင်း၊ အချုပ်အခြာအာဏာ မပိုင်မချင်း ဒေမီးခ (၄၆၀)ဆိုစွာ အကင်းချေရာဟိသိမ့်ရေဆိုစွာကို ယုံပါ။ အောက်သားတိကတော့ ရခိုင်တိကို " ယာလေ့ ညက်စီ၊ ၀က်လေ့ သီစီ" ဆိုရေပိုင် ဒေအတိုင်းကြည့်နီဖို့စွာ သေချာရေ။
အားလုံးကိုလေးစားစွာနန့်
Free4waddy
Ingen kommentarer:
Legg inn en kommentar