torsdag 5. juni 2014

ရခိုင်လူမျိုးတိ စာဖတ်ကတ်ပါ





အကျွန်ရို့ရခိုင်လူမျိုးတိ များသောအားဖြင့် စာချေတပုဒ်၊ ကဗျာချေတပုဒ်ဖတ်ဖို့စွာကို သီအောင်ကြောက်ကတ်တေ။ ယင်းအထဲမာ အယင်ခေါက်က အကျွန်လေ့ပါရေ။ လူပျိုပေါက်ချေဖြစ်တေအချိန်ထိ စာအုပ်တအုပ်ကို ဆုံးအောင်မဖတ်ဖူးခ။ ကာတွန်းစာအုပ်တအုပ်တောင်ဆုံးအောင် မဖတ်ဖူးခ။ ဒေချင့်တိစွာ စာကိုဖတ်ရကောင်းမှန်းသိအောင် ဘေးပါတ်ဝန်းကျင်မာပြောပြပီးဖို့လူတိမဟိခပိုင် ကျောင်းတိမာလေ့ ဒေပိုင်စွာတိကို လုပ်ရဖို့ဆိုစွာကို ဗမာပြည်ပညာရေးအာဏာပိုင်တိဂေါင်းထဲမာ မဟိခကတ်။ ဂုလေ့ မဟိသိမ့်။

အနောက်နိုင်ငံသားတိ စာဖတ်ကတ်တေဆိုစွာ မွီးရာပါဗီဇ မဟုတ်။ စာဖတ်ဖို့ အလေ့အကျင့်ဟိလာအောင်၊ စာဖတ်ဖို့ဝါသနာပါလာအောင် အချေဘ၀ကပင် စနစ်တကျ သင်ပီးလိုက်စွာ။ ယင်းပိုင်စာဖတ်ကတ်လို့ အသိအမြင်ကျယ်ရေ၊ တယောက်ချင်းစီအသိအမြင်ကျယ်လို့ တိုင်းပြည်တိတိုးတက်စွာဖြစ်တေ။

အဂုတင်ပီးလိုက်တေ ဓါတ်ပုံချေစွာ (၅)တန်းကျောင်းသားချေတိကို စာအုပ်တအုပ်ဖတ်ကေ ဇာပိုင်ဖတ်ရဖို့လဲဆိုစွာကို သင်ပီးရေနည်း ဖြစ်တေ။

ဓါတ်ပုံ(၁)ကို ဘာသာပြန်ပြရဖို့ဆိုကေ -
မင်း စာဖတ်နီရေအချိန်ခါ လေ့လာမှတ်သားသင့်စွာတိက-
(၁) တံ့၊ စိုင်းစား၊ ရွီး
(၂) နားမလည်ရေ စကားလုံးတိကို ကျော်ဘနာ ဖတ်ပလိုက်ပါ။
(၃) အဓိကကျရေ စကားတိကို မှတ်စုရွီးထားပါ။

ဓါတ်ပုံ(၂) ကို ဘာသာပြန်ရဖို့ဆိုကေ-
မင်း စာအုပ်တအုပ်ကို ဖတ်ပြီးရေခါ.....
(၁) ဖတ်ပြီးရေစာအုပ်ကို အစ၊ အဆုံး ပြန်စိုင်းစားပါ။
(၂) ယင်းစာအုပ်ဆိုလိုရင်း အနှစ်ချုပ်ကို ပြန်လို့ချရွီးပါ။
(၃) မင်း ဖတ်တေစာအုပ်အကြောင်းကို အခြားတယောက်ယောက်နန့် စကားပြောပါ။

ဒေချင့်တိစွာ အကျွန်အလုပ်လုပ်ယင်း လေ့လာနီရေ အပိုင်းအစချေတိထဲက တခုပါ။ ရခိုင်ပြည်လွတ်မြောက်ရေနိန့် အကျွန်ရို့အဘုချေတိကို နိုင်ငံတကာနန့်စံချိန်မီအောင် ပညာရေးကဏ္ဍမာ တဖက်တလမ်းက အားဖြည့်ပီးနိုင်အောင် နိန့်စိုင်နန့်အမျှ လေ့လာနီပါရေ။ ကျန်စွာတိကို အချိန်ရ၊ စိတ်ပါခါ တတ်နိုင်သလောက် တင်ပြပီးလားပါမေ။ ဒေချင့်တိကို အောက်သားတိသိအောင်ု မဖြန့်ကတ်ပါကေ့။ ယင်းကောင်တိ စာတတ်လီ အကျွန်ရို့ ကျွန်သက်ဟြည်လီ ဖြစ်ဖို့စွာကြောက်လို့။ ကြီးကျယ်ရေလို့ ထင်ချင်ကေလေ့ ထင်လီကတ်။

Free4waddy

Ingen kommentarer: