)
နိုင်ငံတနိုင်ငံ၊
လူမျိုးတမျိုး ခေတ်မီတိုးတက်ဖို့၊ ချမ်းသာဖို့၊ အီးချမ်းဖို့၊ လူပိုင်သူပိုင်
လူရာအသွင်းခံကတ်ရဖို့အတွက် အဓိက လိုအပ်ချက်(၂)ခုဟိရေ။
ယင်းချင့်တိက သဘာဝ
အရင်းအမြစ်နန့်၊ လူသားအရင်း အမြစ်တိဖြစ်တေ။
သဘာဝအရင်းအမြစ်အမြစ်
ဇာလောက်ပင်ချမ်းသာ ချမ်းသာ လူသားအရင်းအမြစ်မဟိကေ အ၀ီးကိုလားကြည့်စရာမလို လက်ဟိ
ငရို့ဘ၀တိကိုကြည့်လိုက်။ ကိုယ့်စွာကိုယ် ပြန်ကြည့်လိုက်။
လူသား အရင်းအမြစ်တိ
ဖြစ်လာဖို့ အခြီခံအုဋ်မြစ်စွာ စာသင်ကျောင်းတိမာရာဟိရေ။ ယင်းချင့်တိကို
အလုပ်လုပ်ယင်းလေ့လာနီစွာ အဂုဆိုကေ (၅)နှစ်နန့် (၃)လ ဟိယာ။ ဇာဖြစ်လို့
လေ့လာနီစွာလဲဆိုကေ မျှော်လင့်ချက်တခု ဟိလို့။
ဒေအကြောင်းအရာတိကို
တခါတရီ အွင်လိုင်းမာခင်မင်ကတ်တေ လူတိကို စကားစပ်မိကေ ပြောဖြစ်၊
ဆွေးနွေးဖြစ်ကတ်စွာကလွဲလို့ စာတခါလေ့ မရွီး။ ဇာကြောင့်မရွီးလဲဆိုကေ ရန်သူတိသိလားကေ
ရခိုင်တိကျွန်သက်ပိုဟြည်လားဖို့စွာ ကြောက်လို့။
ဒေချိန်းခေါက်
ရခိုင်ပြည်ကိုပြန်ခီခါ အကျွန့်ဆရာ အရင်းခေါက်ခေါက် လက်ဟိမြို့နယ်ပညာရေးမှူးကို
ပြောပြခရေ။ သူပြန်ပြောစွာက " မင်းပြောရေ အစီအစိုင်တိ
ကဂေါင်းကောင်းရေ...ယကေလေ့ ငရို့မာ တခုလေ့ လုပ်ပိုင်ခွင့်မဟိ၊ လုပ်ချင်ပိုင်
လုပ်လို့မရ" လတ်။
ယင်းဇူးနန့်
အကျွန်ရို့စွာအကျွန်ရို့၊ ရခိုင်ရို့ဘ၀ကို ရခိုင်ရို့ လလွတ်လလပ်
ဖန်တီးပိုင်ခွင့်ဟိရေတနိန့် တိုင်းပြည်နန့်လူမျိုးအနာဂါတ်အတွက် အုဋ်မြစ်ချပွဲဘနာ
သဲချေတပွင့်ပင်ဖြစ်ဖြစ်၊ ဂျမ်းဘတ်ချေတသံလျက်ပင်ဖြစ်ဖြစ်
ပီးဆပ်ဖို့လာလတ်ဖို့............
Free4waddy
Ingen kommentarer:
Legg inn en kommentar